​លោក Roman Abramovich ​ប្រធាន​ក្លឹប Chelsea ​បាន​យល់​ព្រម​បញ្ចេញ​ប្រាក់​១៥០​លាន​ផោន ​ដើម្បី​ទិញ​យក​កីឡាករ Haaland ​ពី​ក្រុម Dortmund ​ហើយ​។

Haaland
Haaland

​ក្រុម Chelsea ​បាន​ព្យាយាម​ចរចា​ទិញ​យក​កីឡាករ Haaland ​ជា​ច្រើន​លើក​មក​ហើយ ​ប៉ុន្តែ​ត្រូវ​បាន​ក្រុម Dortmund ​មិន​ព្រម​លក់​ឱ្យ ​និង​ដាក់​តម្លៃ​រហូត​ដល់​ទៅ​១៥០​លាន​ផោន​ឯ​ណោះ។ ដែល​តម្លៃ​នេះ ​បាន​ធ្វើ​ឱ្យ​ក្រុម​តោ​ខៀវ ​ស្ទាក់ស្ទើរ​មែនទែន​ក្នុង​ការ​យក​ខ្សែ​ប្រយុទ្ធ​មក​ពង្រឹង​ក្រុម​បន្ថែម​ទៀត​នា​រដូវ​កាល​ថ្មី​ខាង​មុខ​។

តែ​បើ​តាម​លោក​ Roman Abramovich ​ប្រធាន​ក្លឹប Chelsea ​វិញ ​បាន​ចេញ​មុខ​មក​បញ្ជាក់​ថា​លុយ​១៥០​លាន​ផោន​មិន​មែន​ជា​បញ្ហា​ទេ ​ឱ្យ​តែ​ក្លឹប​ពិត​ជា​ត្រូវ​ការ​មែន។ ​លោក ​បាន​បើក​ភ្លើង​ខៀវ​សម្រាប់​ការ​ចំណាយ​នេះ​ហើយ។ ​តែ​យ៉ាងណា​ក្រុម​របស់​លោក Thomas Tuchel ​ត្រូវ​បញ្ចេញ​ខ្សែ​ប្រយុទ្ធ​សិន ​ដើម្បី​មាន​កន្លែង​សម្រាប់ Haaland ​មក៕