ក្រុមអធិរាជស Real Madrid បានបង្កើតកំណត់ត្រាថ្មីក្នុងប្រវត្តិសាស្ត្របាល់ទាត់​របស់ UEFA ហើយ​ ដោយក្រុមក្សអេស្ប៉ាញមួយនេះ បានក្លាយជាក្លិបបាល់ទាត់​អាជីពដំបូងដែលឈ្នះពានរង្វាន់ Champion League បាន៣រដូវកាលជាប់គ្នា ដោយពុំទាន់មានក្រុមណាមួយអាធ្វើបានឡើយ។

photo of Real Madrid
Real Madrid ឈ្នះពាន Champion League ជាលើកទី១៣

ខ្សែប្រយុទ្ធ Real Madrid  កីឡាករ Gareth Bale បានស៊ុតចូល២គ្រាប់យ៉ាងអស្ចារ្យ ក្រោយប្ដូរចូលជំនួស Isco ក្នុងតង់ទី២ ជួយ Real ផ្ដួល Liverpool ៣-១ លើកពាន Champion League ជាលើកទី១៣ នៅយប់ថ្ងៃសៅរ៍ទី២៦ខែឧសភាឆ្នាំ២០១៨។

រឿងដ៍ភ្ញាក់ផ្អើលបានកើតឡើយ នៅពេលដែល Gareth Bale បានប្តូរចូលជំនួស Isco នៅនាទីទី៦០ ពោលលេង​ទាន់បាន ៤នាទីស្រួលបួលផង ខ្សែប្រយុទ្ធអន្តរជាតិវែលរូបនេះ បានស៊ុតបាល់បកក្រោយ bicycle បញ្ចូលទីយ៉ាងស្អាតបំផុតពីការបញ្ជូនរបស់ Marcelo ។ បន្ថែមលើនេះ នៅនាទីទី៨៣ Gareth Bale ដដែលបានស៊ុតពី​ចម្ងាយ​យ៉ាងអស្ចារ្យ១គ្រាប់ទៀតទម្លយដៃអ្នកចាំទី Liverpool កីឡាករ Loris Karius មិនអាចទះបាល់នេះចេញពីសំណាញ់ទីបានឡើយ បញ្ចប់ការប្រកួត ៩០នាទីពេញ Real Madrid បានយកឈ្នះលើក្រុមហង្សក្រហម Liverpool ក្នុង​លទ្ធផល ៣-១ ក្លាយជាជើងឯក Champion League ៣រដូវកាលជាប់គ្នា។

Gareth Bale
កីឡាករ Gareth Bale បានស៊ុតចូល២គ្រាប់យ៉ាងអស្ចារ្យ
photo of Gareth Bale
Gareth Bale

នេះជាលើកទី១៣ ហើយក៏ជាឈ្នះលើកទី៣ជាប់ៗគ្នាផងដែរសម្រាប់ Real Madrid ដែលឈ្នះជើងឯក គិតចាប់តាំងពី លោក Zinedine Zidane ឡើងកាន់តំណែងជាគ្រូបង្វឹកបង្គោលក្នុងក្លឹប Real Madrid ជំនួសកៅអីគ្រូបង្វឹក Rafael Benitez ដែលត្រូវបានបញ្ឈប់ពីតំណែងកាលពីខែមករា ឆ្នាំ២០១៦។

អតីតសមាជិក Southampton និង Tottenham ខាងលើ ពេលនេះបានឈ្នះ Champions League ៤ដងហើយតាំងពីផ្លាស់មកកាន់រាជធានីនៃប្រទេសអេស្ប៉ាញក្នុងតម្លៃឯតទគ្គកម្មពិភពលោកឆ្នាំ២០១៣ គឺ៨៥.៣លានផោន៕

ទស្សនាវីឌីអូហាយឡាយខាងក្រោម៖