លោក Roberto Martinez ​គ្រូ​របស់​​បែលហ្សុិក​​ មើល​ឃើញ​៣​ចំណុច​ជា​ភាព​ខ្លាំង​របស់​​​អ៊ីតាលី​ដែល​ជោគជ័យ​នៅ​ព្រឹត្តិការណ៍ Euro ២០២០ កន្លង​មក​នេះ។

Roberto Martinez
Roberto Martinez

​ក្រុម​រហស្សនាម Azzurri និង​បិសាចក្រហម​បែលហ្សុិក​​នឹង​ត្រូវ​ជួប​គ្នា​ក្នុង​កីឡដ្ឋាន Allianz Areana ក្នុង​ទីក្រុង Munich ប្រទេស​អាល្លឺម៉ង់ សម្រាប់​វគ្គ​៨​ក្រុម​ចុងក្រោយ​​រាត្រី​នេះ។ បែលហ្សុិក​បាន​ឡើង​កាន់​វគ្គ​នេះ​ ក្រោយ​ឈ្នះ​ព័រទុយហ្គាល់​ ១-០ ខណៈ​អ៊ីតាលី​ស៊ី​អូទ្រីស​ទាំង​លំបាក​ ២-១​ក្នុង​ម៉ោង​បន្ថែម។

មុន​ការ​ប្រកួត​មក​ដល់​លោក Martinez បាន​បង្ហាញ​ការ​គោរព​ទៅ​កាន់​ក្រុម​អ៊ីតាលី និង​សរសើរ​ជា​ក្រុម​ល្អ​មួយ។ លោក​មើល​ឃើញ​៣​ចំណុច​ជា​ភាព​ខ្លាំង​របស់​អ៊ីតាលី​រួម​មាន ការ​ដេញ​តាម​យក​បាល់ ភាព​ស្វាហាប់ និង​ការពារ​​ជា​ក្រុម។

ក្រុម​លោក Martinez កំពុង​ជួប​បញ្ហា​កីឡាករ​សំខាន់ Eden Hazard និង Kevin De Bruyne មាន​​របួស​អាច​នឹង​មិន​បាន​លេង​យប់​នេះ ខណៈ​កីឡាករ​របស់​អ៊ីតាលី​ពេញ​ជើង​ទាំង​អស់៕