Manchester United គ្រោង​​ស្នើ​ទឹក​ប្រាក់​៥០​លាន​ផោន​ទៅ​លើ​ខ្សែ​ការពារ Raphael Varane និង ២៥​លាន​ផោន​ផ្សេង​ទៀត​សម្រាប់ Eduardo Camavinga ដើម្បី​រៀប​ក្រុម​ឡើង​វិញ​សម្រាប់​រដូវ​កាល​ថ្មី។

Raphael Varane និង Eduardo Camavinga
Raphael Varane និង Eduardo Camavinga

ផ្អែក​តាម​សារព័ត៌មាន​ Marca ឲ្យ​ដឹង​ថា លោក Ole Gunnar Solskjaer ចង់​ពង្រឹង​បន្ថែម​​សម្រាប់​តំបន់​ការពារ និង​បម្រើ​របស់​លោក ដូច្នេះ​ទើប​គ្រោង​ចាយ​៧៥​លាន​ផោន​លោក Varane របស់ Ream Madrid និង Camvinga របស់ Rennes។

កុងត្រា​របស់ Varane ជាមួយ​ Madrid នឹង​អស់​នៅ​ឆ្នាំ​ក្រោយ ហើយ​គេ​ប្រហែល​ចង់​រក​ការ​ប្រកួត​ប្រជែង​ថ្មី ខណៈ Real ក៏​មិន​ចង់​បាត់​គេ​ដោយ​គ្មា​តម្លៃ​ខ្លួន​ដែរ។ Varane វ័យ​២៨​ឆ្នាំ​ជា​ខ្សែ​ការពារ​ដែល​មាន​បទពិសោធន​ជោកជាំ​ ដែល​នឹង​អាច​ផ្ដល់​មេរៀន​ខ្លះ​ដល់ Lindelof និង Bailly។

Paul Pogba និង Donny van de Beek កំពុង​មាន​ការ​ទាក់ទង​ផ្ទេរ​ចេញ ខណៈ Nemanja Matic វ័យ​៣២​ទៅ​ហើយ និង Andreas Pereira ក៏​មិន​សូវ​បាន​ជាប់​ជម្រើស​ដំបូង។ ដូច្នេះ​សម្រាប់​តំបន់​បម្រើ​កណ្ដាល United ក៏​កំពុង​សម្លឹង​មើល​កីឡាករ​បន្ថែម​ផង​ដែរ៕