Alan Shearer​ បាន​រិះគន់​ការ​លេង​របស់ Jack Grealish ​​ថា ធម្មតា​ៗ ​​និង​រង់​ចាំ​មើល​​​កីឡាករ​តម្លៃ ១០០ លាន​ផោន​​បង្ហាញ​ឲ្យ​បាន​សម​​នឹង​តម្លៃ​​។ ក្រោយ​ពេល​កីឡាករ​រូប​នេះ​ជួយ​ក្រុម​ Manchester City យក​ឈ្នះ​ទៅ​លើ​ Brentford យប់មិញ​១ ទល់នឹង ០។

Alan Shearer​
Alan Shearer​

Man City បាន​ដាច់​៨​ពិន្ទុ​ពី​ក្រុម​លេខ​២ Chelsea ហើយ​ក្រោយ​ឈ្នះ​ការ​ប្រកួត​យប់មិញ​។ ក្រោយ​ការ​បង្ហាញ​ខ្លួ​ន​ពេញ​៩០​នាទី​ទល់ Brentford និង​ជួយ​ក្រុម​ឲ្យ​យក​​បាន​៣​ពិន្ទុ អតីត​កីឡាករ​ជម្រើស​ជាតិ​អង់គ្លេស​ Alan Shearer ​​ចង់​ឃើញ​​ការ​​​បង្ហាញ​របស់ Grealish ​​​លេង​ឲ្យ​បាន​ល្អ​ជាង​នេះ​ជា​មួយ Man City ឲ្យ​សម​នឹង​តម្លៃ​ដែល​បាន​​ទិញ​មក​បំបែក​កំណត់​ត្រា​កាល​ពី​រដូវ​ក្ដៅ​កន្លង​មក។

​​​​​​និយាយ​ទាក់​ទង​ការ​ប្រកួត​យប់មិញ Shearer ថា​ Grealish គាត់​ធម្មតា​ៗ​ ​គេ​បាន​ធ្វើ​ឲ្យ​បាត់​បង់​​ក្នុង​នាម​ជា​​​កីឡាករ​ដ៏​គ្រោះ​ថ្នាក់​​ម្នាក់​កាល​នៅ Aston Villa មក​ជា​កីឡាករ​ធម្មតា​ៗ​​ពេល​មក​លេង​នៅ Manchester City ។

អតីត​កីឡាករ​អង់គ្លេស​ដដែល​បន្ថែម​ថា គាត់​( Grealish ) មើល​ទៅ​ហាក់​លេង​ដោយ​ភាព​គ្មាន​ទំនុក​ចិត្ត ​ហាក់​ដូច​ជា​មិន​ច្បាស់​លាស់​ ដែល​វា​ធ្វើ​ឲ្យ​ទម្រង់​លេង​របស់​គេ​ធ្លាក់​ចុះ​ទៅ​តាម​នោះ​ដែរ​។ ទាំង​នេះ​មិន​មែន​មក​​ពី Pep ទេ​ ព្រោះ​ Pep តែង​ផ្ដល់​ទំនុក​ចិត្ត​ដល់​កីឡាករ​គ្រប់​គ្នា​ក្នុង​ការ​ដាក់​អ្នក​ណា​ម្នាក់​ឲ្យ​លេង៕