Alves ថា Coutinho ជាកីឡាករមានកម្រិតដូចនឹង Neymar អាចជួយប្រេស៊ីលឈ្នះអាល្លឺម៉ង់
27 Mar 2018 - 16:52:56 SHARE
ប្រធានក្រុមប្រេស៊ីលលោក Dani Alves បានប្រាប់ឱ្យដឹងថា កីឡាករ Philippe Coutinho នឹងអាចជួយឱ្យប្រេស៊ីលទទួលបានជ័យជម្នះប្រឆាំងនឹងអាល្លឺម៉ង់នៅយប់ថ្ងៃអង្គារនេះ ហើយ ខ្សែប្រយុទ្ធរបស់ក្រុមបាសេឡូណានេះ នៅពេលនេះមានកម្រិតដូច Neymar ផងដែរ។
នៅទីក្រុងប៊ែរឡាំងនៅល្ងាចថ្ងៃអង្គារប្រេស៊ីលនឹងជួបជាមួយនឹងអាល្លឺម៉ង់ជាលើកដំបូង ចាប់តាំងពីពួកគេបានចាញ់ដោយអាម៉ាសដោយលទ្ធផល 7-1 នៅក្នុងវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ World Cup 2014 ។
ការប្រកួតនេះ វាគ្រាន់តែជាការប្រកួតមិត្តភាពប៉ុណ្ណោះ ប៉ុន្តែប្រេស៊ីលត្រូវបានចងចាំនៅភាពអាម៉ាសការបរាជ័យនៅក្នុងការប្រកួតបាល់ទាត់ពិភពលោករបស់ពួកគេនៅ Belo Horizonte និងលទ្ធភាពនៃការបញ្ចប់កំណត់ត្រាមិនស្គាល់ចាញ់ 22 ប្រកួតរបស់អាល្លឺម៉ង់ដែលបានបន្តរហូតដល់ឆ្នាំ 2016 ជាជើងឯកអឺរ៉ុប ។ ត្បិតតែជាការប្រកួតមិត្តភាពតែ ប្រេស៊ីលពិតជាចង់ឈ្នះដើម្បីបន្ធូរចិត្តរឿងអតីត និងរំពឹងបញ្ចប់ភាពមិនដែលចាញ់ 16ប្រកួតចុងក្រោយរបស់អាល្លឺម៉ង់ផងដែរ។
កីឡាករថ្លៃជាងគេលើលោក Neymar ត្រូវអវត្តមានក្នុងការប្រកួតនេះដោយសារបញ្ហារបួស។ ដូច្នេះ Coutinho ត្រូវជំនួសតំណែង ចាប់ដៃគូជាមួយ Willian និង Gabriel Jesus លេងប្រយុទ្ធ៣ខាងលើ។ មុនការប្រកួតមកដល់ខ្សែការពារស្ដាំរបស់ PSG កីឡាករ Dani Alves បានិយាយថា៖ “ខ្ញុំជឿជាក់ Coutinhoជាកីឡាករមានកម្រិតលេងដូច Neymar។ គេមានឥទ្ធិពលខ្លាំង លើកីឡាកររបស់ពួកយើងទាំងអស់។ ខ្ញុំមានអារម្មណ៍បែបនេះ តាំងពីពេលគេនៅ Liverpool និង Barcelona”៕
ប្រភព៖ dailymail
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
កីឡាកររបស់ Bacelona ម្នាក់បានក្លាយជាកីឡាករស៊ុតបញ្ចូលទីវ័យក្មេងជាងគេបំផុតប្រចាំ Champions League
Ansu Fati បានក្លាយជាកីឡាករស៊ុតបញ្ចូលទីវ័យក្មេងជាងគេបំផុតប្រចាំ UEFA Champions League ដោយរកគ្រាប់បាល់នៅក្នុងពានរង្វាន់កំពូលអឺរ៉ុបនេះ នៅក្នុងអាយុទើបតែ ១៧ ឆ្នាំនិង ៤០ ថ្ងៃប៉ុណ្ណោះ ។ ខ្សែប្រយុទ្ធវ័យក្មេងកំពុងឡើងជើងខ្លាំង Ansu Fati កំពុងបង្ករឱ្យមានការចាប់អារម្មណ៍ជាខ្លាំង បន្ទាប់ពីស៊ុតគ្រាប់ជ័យជម្នះនៅចុងម៉ោងជួយឱ្យក្រុមជើងឯកអេស្ប៉ាញ Barcelona យកឈ្នះក្រុមខ្លាំងអ៊ីតាលី Inter Milan ទាំងប្រថុយប្រថាន ក្នុងជំនួបជម្រុះសន្សំពិន្ទុតាមពូលនៃការប្រកួតក្របខណ្ឌ Champions League ។ ខណះ Barcelona និង Borussia Dortmund បានកាន់ដៃគ្នាឡើងទៅកាន់វគ្គ ១៦ក្រុមចុងក្រោយនៃពានលំដាប់កំពូលអឺរ៉ុប ។ គួរបញ្ជាក់ឱ្យដឹងផងដែរថា មួយគ្រាប់ដ៏អស្ចារ្យកាលពីព្រឹកយប់មិញរបស់ Ansu Fati បានបំបែកកំណត់ត្រាដែលបានធ្វើឡើងដោយលោក Peter Ofori-Quaye ដែលបានស៊ុតបាល់បញ្ចូលទីឱ្យក្លឹប Olympiacos នៅអាយុ ១៧ ឆ្នាំនិង ១៩៤ ថ្ងៃ កាលពីឆ្នាំ ១៩៩៧ ៕
11 Dec 2019
Other News
លោក Carlo Ancelotti ត្រូវបានបណ្តេញចេញដោយក្លិប Napoli
លោក Carlo Ancelotti ត្រូវបានបណ្តេញចេញដោយក្លិប Napoli បើទោះបីដឹកនាំឲ្យក្រុមស្ថិតក្នុងក្របខ័ណ្ឌ Serie A មួយនេះ ឈានទៅវគ្គ ១៦ក្រុមចុងក្រោយនៃក្របខ័ណ្ឌ Champions League កាលពីថ្ងៃអង្គារ តាមរយៈការយកឈ្នះលើក្រុម Genk ៤-០ ក៏ដោយ។ ក្លិប Napoli បានឲ្យដឹងក្នុងសេចក្តីប្រកាសមួយថា៖ “ក្លិប Napoli បានសម្រេចចិត្តបញ្ចប់តំណែងរបស់លោក Carlo Ancelotti ក្នុងនាមជាគ្រូបង្វឹកបង្គោលរបស់ក្រុម”។ ការដណ្តើមបានជ័យជម្នះកាលពីថ្ងៃអង្គារលើក្រុម Genk ដែលនាំឲ្យក្រុម Napoli បញ្ចប់ដោយការឈរលេខ២ក្នុងពូល E ដោយដេញតាមពីក្រោយក្រុម Liverpool ១ពិន្ទុ បានបញ្ចប់ការមិនស្គាល់ឈ្នះសោះត្រឹម ៩ប្រកួត ហើយជ័យជម្នះនេះ បានកើតឡើង ស្របពេលមានការរំជើបរំជួលក្នុងចំណោមបុគ្គលិក និងការបែកប្រាក់គ្នារវាងក្លិប លោក Ancelotti និងកីឡាករ។ លោក Gennaro Gattuso អតីតអ្នកចាត់ការទូទៅរបស់ក្លិប AC Milan គឺជាបេក្ខភាពឈានមុខគេក្នុងការទទួលតំណែងនៅ Napoli ដែលបានបញ្ចប់ក្នុងចំណាត់ថ្នាក់លេខ២ បន្ទាប់ពីក្រុមម្ចាស់ជើងឯក
11 Dec 2019
Other News
Barcelona ត្រៀមជះលុយ ១១០លាន ដើម្បីទិញផ្ដាច់កុងត្រាខ្សែប្រយុទ្ធ Lautaro Martinez ពី Inter Milan
បើតាមសេចក្ដីរាយការណ៍បានឲ្យដឹងថា ក្លិបអ្នកមានបុណ្យ Barcelona បានចាប់អារម្មណ៍ចង់នាំយកខ្សែប្រយុទ្ធរបស់ Inter Milan កីឡាករ Lautaro Martinez នៅទីផ្សារដោះដូរកីឡាករខែមករាខាងមុខ ដោយគ្រោងនឹងចំណាយទឹកប្រាក់ ១១០លានអឺរ៉ូ ដើម្បីទិញផ្ដាច់កុងត្រាតែម្ដង។ ជើងឯក La Liga រដូវកាលមុន Barcelona កំពុងសម្លឹងមើលខ្សែប្រយុទ្ធចំណូលថ្មីបន្ថែម ដើម្បីត្រៀមជំនួសកន្លែងរបស់ Luis Suarez ដោយខ្សែប្រយុទ្ធជម្រើសជាតិអ៊ុយរ៉ាហ្គាយបានប្រាប់ក្លិបឲ្យធ្វើដូច្នេះ ដោយសារគេមានវ័យកាន់តែច្រើនហើយ។ បើតាមការចុះផ្សាយរបស់សារព័ត៌មាន Diario Sport ខ្សែប្រយុទ្ធជម្រើសជាតិអាហ្សង់ទីន Lautaro Martinez គឺជាគោលដៅចម្បងរបស់លោក Ernesto Valverde ក្នុងការនាំយកមកកាន់កីឡដ្ឋាន Camp Nou នៅខែមករា ប៉ុន្តែក្លិបអ៊ីតាលី Inter Milan មិនមានចេតនាលក់ខ្សែប្រយុទ្ធរូបនេះមកឲ្យ Barcelona នោះទេ។ ប្រភពដដែលបានបន្តឲ្យដឹងទៀតថា ដោយសាការមិនពេញចិត្តនឹងការលក់របស់ក្រុមលោក Antonio Conte បានធ្វើឲ្យ Barcelona រៀបចំចាយលុយ ១១០លានផោន ដើម្បីចរចាទិញផ្ដាច់កុងត្រា និងជាការទាក់ចិត្តកីឡាករផ្ទាល់ឲ្យផ្លាស់មកកាន់ទឹកដីអេស្ប៉ាញ។ គួរឲ្យដឹងដែរថា
11 Dec 2019
Other News
Spurs នឹងផ្តល់ឱកាសឲ្យខ្សែប្រយុទ្ធវ័យក្មេង Troy Parrott បង្ហាញមុខនៅ Champions League
លោក Jose Mourinho កំពុងពិចារណាយ៉ាងប្រាកដប្រជា ដើម្បីចាប់ផ្តើមដាក់ខ្សែប្រយុទ្ធវ័យជំទង់ Troy Parrott សម្រាប់ការប្រកួតជាមួយក្រុម Bayern Munich កាលពីយប់ថ្ងៃពុធ។ ក្រុម Spurs បានជាប់ទៅកាន់វគ្គបន្ត ក្នុងឋានៈជាក្រុមលេខ២ក្នុងពូល B ដែលផ្តល់ឱកាសឲ្យលោក Jose Mourinho រុះរើក្រុមនិងប្រើប្រាស់កីឡាករថ្មីៗជាច្រើន ដែលអាចនឹងផ្តល់ឱកាសឲ្យកីឡាករវ័យ១៧ឆ្នាំរូបនេះ បង្ហាញមុខ។ លោក Mourinho ប្រហែលជាដាក់ឲ្យខ្សែប្រយុទ្ធសំខាន់សម្រាកសម្រាប់ដំណើរប្រកួតនៅលើទឹកដីអាល្លឺម៉ង់ ដោយទុកឱកាសឲ្យ Parrott កសាងកេរ្តិ៍ឈ្មោះវិញម្តង។ ប្រសិនបើ Parrott បង្ហាញមុខ មែននោះ កីឡាករវ័យក្មេងរូបនេះនឹងក្លាយជាទីចំណាប់អារម្មណ៍របស់ក្លឹបធំៗជាច្រើន។ ក្លឹប Bayern Munich ក៏ប្រហែលជាចាប់អារម្មណ៍នឹង Parrott ផងដែរ ហើយពួកគេក៏កំពុងតាមដានស្ថានភាពរបស់កីឡាកររូបនេះដែលនៅសល់កិច្ចសន្យា១៨ ខែជាមួយក្លឹប Spurs ៕
11 Dec 2019
Other News
លោក Frank Lampard ជឿថា Chelsea មិនពិបាកឈ្នះ Lille នោះទេ
ក្រុម Chelsea ត្រូវការឈ្នះក្រុម Lille ដាច់ខាត ទើបអាចឡើងទៅវគ្គបន្ដបាន ក្នុងការប្រកួតពានរង្វាន់ UEFA Champions League នៅរាត្រីនេះ។ គិតត្រឹម៥ប្រកួតមកនេះ ក្រុម Chelsea ស្ថិតនៅលេខ៣មាន៨ពិន្ទុ ស្របពេល Ajax មាន១០ពិន្ទុ និង Valencia មាន៨ពិន្ទុដែរ។ ការប្រកួតចុងក្រោយនេះ ក្រុម Chelsea ត្រូវប៉ះក្រុមបាតតារាង Lille និងក្រុម Ajax ត្រូវប៉ះក្រុម Valencia កាត់សេចក្ដី។ តាមពិន្ទុនេះ ប្រសិនបើ Chelsea អាចឈ្នះបាន នោះពួកគេនឹងមានឱកាសបានឡើងទៅវគ្គ១៦ក្រុមចុងក្រោយហើយ។ លោក Lampard ដែលជាអ្នកចាត់ការក្រុមតោខៀវ មានទំនុកចិត្តលើកូនក្រុម១០០%សម្រាប់ការប្រកួតចុងក្រោយនេះ។ លោកបានបញ្ជាក់ថាកីឡាករក្មេងៗរបស់ Chelsea មានសមត្ថភាពគ្រប់គ្រាន់ដើម្បីយក៣ពិន្ទុជូនអ្នកគាំទ្រ ក៏ដូចជានាំក្រុមឡើងទៅវគ្គបន្ដទៀត៕
11 Dec 2019
Other News
ខ្សែប្រយុទ្ធវ័យក្មេង Haaland ថាជំនួបទល់ Liverpool យប់នេះជាប្រកួតធំបំផុតក្នុងអាជីពក្មេងខ្ចីរបស់គេ
ខ្សែប្រយុទ្ធវ័យក្មេងកំពុងលេចធ្លោ Erling Haaland របស់ Red Bull Salzburg និយាយថាគេកំពុងរស់ក្នុងក្ដីស្រមៃរបស់គេនិងត្រៀមខ្លួនរួចរាល់ហើយដើម្បីធ្វើឱ្យរដូវកាលដ៏ចិញ្ចែងចិញ្ចាចរបស់គេកាន់តែប្រសើរឡើងមួយកម្រិតទៀតតាមរយៈការផ្ដួល Liverpool យកកៅអី១៦ក្រុមចុងក្រោយ Champions League ជូន Red Bull Salzburg។ កីឡាករវ័យ១៩ឆ្នាំ កម្ពស់១.៩៤ម៉ែត្ររូបនេះបានស៊ុតចូលគ្រប់ប្រកួតក្នុងពូល E ហើយកេរ្តិ៍ឈ្មោះនិងសមត្ថភាពរបស់គេបានទាក់ទាញចំណាប់អារម្មណ៍ក្លិបធំៗជាច្រើន ពិសេស Manchester United ដែលមានលោក Ole Gunnar Solskjaer ជាគ្រូចាស់របស់គេកាលនៅក្លិប Molde។ យប់នេះ Salzburg ត្រូវការឈ្នះដាច់ខាត ពោលគឺធ្វើឱ្យបានស្មើឬប្រសើរជាងជ័យជម្នះដែល Liverpool យកពីពួកគេនៅ Anfield ក្នុងខែតុលាកន្លងទៅ (៤-៣) ដើម្បីឡើងទៅវគ្គ១៦ក្រុមចុងក្រោយ។ ប្រសិនពួកគេធ្វើបានមែន ហើយ Napoli មិនចាញ់ Genk នោះ Liverpool នឹងក្លាយជាក្រុមការពារជើងឯក UCL ទី១ដែលឆ្លងមិនផុតពូល ចាប់តាំងពី២០១២មកដែល Chelsea បានពើបប្រទះ។ Haaland បាននិយាយក្នុងសន្និសីទសារព័ត៌មានថា៖ «ពួកយើងអាចឈានជើងចូលការប្រកួតនេះជាមួយអារម្មណ៍ស្រឡះស្អាត។
11 Dec 2019
