លោក Carlo Ancelotti ​អ្នក​ចាត់ការ​ក្រុម Real Madrid ​មិន​ហ៊ាន​មើល​ស្រាល​ដៃ​គូ​ដែល​ជា​ក្រុម​ចំណូល​ថ្មី Sheriff ​នោះ​ទេ ​ក្នុង​ការ​ប្រកួត​ពាន​រង្វាន់ UEFA Champions League ​នៅ​រាត្រី​នេះ។

Carlo Ancelotti
Carlo Ancelotti

​អ្នក​ចាត់ការ​សំបូរ​បទ​ពិសោធ​ខាង​លើ​បាន​និយាយ​ថា​ក្រុម​របស់​ប្រទេស​ម៉ូដូរ៉ា​ខាង​លើ ត្បិត​តែ​មិន​សូវ​ល្បី​ឈ្មោះ​ពិត​មែន ប៉ុន្តែ​ពួកគេ​រៀប​ចំ​ក្រុម​បាន​ល្អ​ណាស់។ ​Real Madrid ​ត្រូវ​ប្រយ័ត្ន​ខ្ពស់ ព្រោះ​ Sheriff ​ជា​ក្រុម​ដែល​លេង​ប្រយុទ្ធ​លឿន។ តែ​យ៉ាង​ណា​លោក Ancelotti ​ក៏​រំពឹង​ថា Real Madrid ​អាច​យក​៣​ពិន្ទុ​នៅ​ក្នុង​ដី​របស់​ខ្លួន​បាន​ផង​ដែរ។

និយាយ​ពី​ប្រវត្តិ​ក្លឹប​ថ្មី​នេះ​បន្តិច ​ Sheriff ​ជា​ក្រុម​ដែល​ទើប​បង្កើត​ឡើង​បាន​២៤​ឆ្នាំ​ប៉ុណ្ណោះ​ក្នុង​ប្រទេស​ម៉ូដូរ៉ា។ ​តែ​ការ​ទទួល​បាន​ការ​វិនិយោគ​ច្រើន ទើប​បាន​ជា​ក្លឹប​នេះ​ទទួល​បាន​ជោគជ័យ​ក្នុង​ប្រទេស ​រហួត​មាន​ឈ្មោះ​លេង​ពាន​រង្វាន់ UEFA Champions League ​នា​រដូវ​កាល​នេះ​បាន។ ​អ្វី​ដែល​កាន់​តែ​ធ្វើ​ឱ្យ​គេ​ចាប់​អារម្មណ៍​ថែម​ទៀត​នោះ គឺ​ពួកគេ​បើក​ឆាក​យក​ឈ្នះ​ក្រុម ​Shakhtar ​របស់​អ៊ុយក្រែន​បាន​ក្នុង​លទ្ធផល​ដល់​ទៅ ២-០៕