Balotelli រកបានមួយគ្រាប់ជួយ អ៊ីតាលី ឈ្នះ អារ៉ាប៊ីសាអ៊ូឌីត ក្រោយបាត់មុខពីជម្រើសជាតិ 4ឆ្នាំ

ខ្សែប្រយុទ្ធ Mario Balotelli បានរកគ្រាប់បាល់បានមួយគ្រាប់ ខណៈដែលក្រុមរបស់លោក Roberto Mancini បានទទួលជ័យជម្នះដោយផ្ដួល អារ៉ាប៊ីសាអ៊ូឌីត 2-1 ក្នុងជំនួបមិត្តភាពកាលពីយប់មិញនេះ។

ពិតណាស់ អតីតខ្សែប្រយុទ្ធក្រុម Manchester City និងខ្សែប្រយុទ្ធក្រុមហង្សក្រហម Liverpool រូបនេះបានបង្ហាញខ្លួនជាមួយជម្រើសជាតិអ៊ីតាលីវិញជាលើកដំបូង ក្រោមការដឹកនាំរបស់លោក Roberto Mancini ក្រោយពីបាត់មុខពីក្រុមជម្រើសជាតិ 4ឆ្នាំ។

ការប្រកួតនៅ​កីឡដ្ឋាន AFG Arena ​ប្រទេស​ស្វីស Balotelli ជា​អ្នក​បំប៉ោង​សំណាញ់​ដំបូង​គេ មុន​ពេល Andrea Belotti ថែម​គ្រាប់​ទី​ពីរ ជួយ​ឲ្យ​អ៊ីតាលី​នាំ​មុខ​មុន2-0។ ត្បិត​តែ​ប៉ះ​ប្រទេស​ខ្លាំង​ តែ​អារ៉ាប៊ីសាអ៊ូឌីត​ក៏​អាច​ត​ដៃ​បាន​មួយ​គ្រាប់​វិញ​ដែរ​ធ្វើ​បាន​ដោយ​កីឡាករ Yahya Al Shehri ផងដែរ៕

ប្រភពពី៖ BBC