photo of Michy Batshuayi
Michy Batshuayi of Borussia Dortmund

ក្រោយពីលោក Antonio Conte បានអនុញ្ញាតឱ្យ Michy Batshuayi ចាកចេញពីទឹកដី Stamford ក្នុងកិច្ចសន្យាខ្ចីជើងបន្ទាប់ពីគ្រូបង្វឹក Chelsea បានរកឃើញអ្នកជំនួសគាត់នៅក្លឹប គឺខ្សែប្រយុទ្ធ Olivier Giroud របស់ ​Arsenal  ។ ប៉ុន្តែ Batshuayi នឹងវិលត្រឡប់មកកាន់ Chelsea វិញនៅចុងបញ្ចប់នៃរដូវកាលនេះ បន្ទាប់ពីកិច្ចសន្យាខ្ចីជើង របស់គាត់ ផុតកំណត់ ។

ខ្សែ​ប្រយុទ្ធដែល​ខ្ចី​ជើង​ពី​ Chelsea រូបនេះ បាន​ស៊ុត​បញ្ចូល​ទី​ 1​គ្រាប់​ទៀត​​ក្នុង​ការ​បង្ហាញខ្លួន​លើក​ទី2​របស់​ខ្លួន។ កីឡាករ​វ័យ24​ឆ្នាំ​ត្រូវ​ Dortmund យក​ទៅ​ជំនួស​ Aubameyang ដែល​ចាកចេញ​ទៅ​ Arsenal។

​Batshuayi លេង​ប្រកួត​ដំបូង​ទល់​នឹង​ Cologne ដោយ​​ស៊ុត​ចូល​ 2​គ្រាប់​ម្នាក់​ឯង​ ហើយ​ប្រកួត​យប់​មិញ​​តារា​សញ្ជាតិ​បែលហ្សិក​បាន​ស៊ុត​ចូល ​1​គ្រាប់​ទៀត​ ថែម​ទាំង​បង្ហាញ​ការ​អបអរ​លោត​ត្រឡប់​ខ្លួន​ដូច​ Aubameyang ធ្លាប់​ធ្វើ​ ដើម្បី​​បង្ហាញ​ឲ្យ​ឃើញ​ថា​រូប​គេ​ពិត​ជា​សក្ដិសម​ជំនួស​ Aubameyang ពិត​ប្រាកដ​មែន៕

ប្រភពពី៖ metro