Bayern Munich បានយកឈ្នះ RB Leipzig ដោយការស៊ុតបាល់ប៉េណាល់ទី
26 Oct 2017 - 14:55:43 SHARE
Bayern munich បានផ្តួល RB Leipzig ចេញពីពូលអាល្លឺម៉ង់និងឈានដល់ជុំទីបី ដោយការស៊ុតបាល់ប៉េណាល់ទី បន្ទាប់ពី Naby Keita ទទួលបានកាតក្រហម ត្រូវបានបញ្ជូនចេញនៅដើមតង់ទី 2។ការប្រកួតដ៏កក្រើកបានក្លាយជាការប្រកួតដ៏គួរឱ្យភ័យខ្លាច Leipzig បានប្រកួតតរទល់ជា Bayern រហូតដល់បញ្ចប់ការប្រកួតនៅលទ្ធផល ១-១ បន្ទាប់ពីមានការបន្ថែមម៉ោងរហូតដល់ ១២០ នាទី។
មុនពេលមានគ្រាប់បាល់ស៊ុតបញ្ចូលទីមួយកីឡាករ Naby Keita ត្រូវបានបញ្ជូនចេញនៅដើមតង់ទី 2 បន្ទាប់ពីបានយកកាតលឿងលើកទី 2 របស់គេដោយទុកឱ្យក្រុមម្ចាស់ផ្ទះបញ្ចប់ការប្រកួតជាមួយនឹងកីឡាករ 10 នាក់។ ប៉ុន្តែការបរាជ័យនេះមិនបានធ្វើឱ្យ Leipzig ស៊ុតបាល់បញ្ចូលទីមុនមួយគ្រាប់ណាំមុខ Bayern ដោយការទាត់បាល់ប៉េណាល់ទីនៅនាទីទី 68 ដោយកីឡាករ Emil Forsberg មុនពេលThiago Alcantara របស់ Bayern តាមស្មើបានវិញនាទី៧៣។
រហូតដល់នាទីទី ៩០ ក្រុមទាំងពីរនៅតែស្មើគ្នាកនុងលទ្ធផល ១-១។ ក្រុមទាំងពីរបានមានឱកាសទទួលបានការបន្ថែមនាទីរហូតដល់ 30នាទី តែពួកគេនៅតែរកគ្រាប់បាល់មិនបានដដែល ដូច្នេះត្រូវឈានដល់បាល់ប៉េណាល់ទីកាត់សេចក្ដី។ ៥គ្រាប់របស់ Bayern គ្មានភ្លាត់មួយគ្រាប់ណាឡើង ដោយឡែក Leipzig ភ្លាត់ទាត់មិនចូលគ្រាប់ចុងក្រោយដោយកីឡាករ Timo Wener ទើបធ្វើឲ្យ Bayern munich ទទួលបានជ័យជំនះក្នុងការប្រកួតនេះ ៕
ប្រភពព័ត័មានពី bbc.com
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Manchester United ឈានដល់កិច្ចព្រមព្រៀង លក់ខ្សែការពារ Ashley Young ទៅឲ្យ Inter Milan
ក្លឹប Manchester United បានឈានដល់កិច្ចព្រមព្រៀង ក្នុងការលក់ខ្សែការពារ Ashley Young ទៅឲ្យ Inter Milan នៅខែមករានេះ ក្នុងតំលៃ ១៥លានអឺរ៉ូ ជាមួយនឹងលក្ខខណ្ឌមួយចំនួន ហើយកីឡាកររូបនេះ នឹងធ្វើដំណើរទៅទីក្រុង Milan នៅថ្ងៃសុក្រមុនពេលធ្វើតេស្ដសុខភាព។ ក្រុមដែលដឹកនាំដោយគ្រូបង្វឹក Antonio Conte កៀកនឹងនាំយកកីឡាករ Leonardo Spinazzola មកកាន់ទឹកដី San Siro ជាថ្នូរនឹងការផ្ដល់ជូន Matteo Politano ទៅ Roma វិញ ប៉ុន្ដែការដោះដូរនេះ ទំនងមិនប៉ះពាល់ដល់ការផ្ទេររបស់ Young ឡើយ។ គួររំឮកថា Man United បានផ្ដល់សំណើបន្ដកុងត្រាថ្មីទៅឲ្យ Young កាលពីដើមខែកន្លងទៅ ប៉ុន្ដែអតីតកីឡាករជម្រើសជាតិអង់គ្លេសរូបនេះ បានបដិសេធសំណើនេះ។ Young បានបង្ហាញវត្តមាននៅលើទីលានបាន ១៨ប្រកួតក្នុងរដូវកាលនេះ ប៉ុន្ដែរូបគេជាប់ជម្រើស១១នាក់ដំបូង តែ១០ប្រកួតប៉ុណ្ណោះនៅក្នងលីគ ក្រោមការដឹកនាំរបស់គ្រូបង្វឹក Ole Gunnar Solskjaer៕
17 Jan 2020
Other News
លោក Jose Mourinho ពិភាក្សាជាមួយកីឡាករ Joao Cancelo ជុំវិញការផ្ទេរមកកាន់ Spurs
អ្នកចាត់ការក្លឹប Spurs លោក Jose Mourinho បានជួបជាមួយកីឡាករ Joao Cancelo ដើម្បីពិភាក្សាពីលទ្ធភាពផ្ទេរចេញពីក្លឹប Man City មកកាន់ក្លឹប Spurs
17 Jan 2020
Other News
Arsenal កំពុងចរចាជាមួយ PSG ដើម្បីនាំយកកីឡាករ Layvin Kurzawa មកកាន់ Emirate
Arsenal កំពុងពិភាក្សាជាមួយក្លិបយក្សបារាំង Paris Saint-Germain ជុំវិញការចរចាយកខ្សែការពារស្លាបកីឡាករ Layvin Kurzawa មកកាន់កីឡដ្ឋាន Emirate ក្នុងទីផ្សារដោះដូរខែមករានេះ។ កុងត្រារបស់ខ្សែការពារវ័យ២៧ឆ្នាំ នឹងផុតកំណត់ជាមួយក្រុម PSG នៅរដូវក្ដៅខាងមុខ ខណៈពេលនេះគាត់កំពុងបើកភ្លើងខៀវឲ្យក្រុមដទៃទៀតចូលចរចាយកគាត់ចេញពីក្លិបជើងឯកបារាំង ដើម្បីទទួលបានឱកាសបង្ហាញខ្លួនក្នុងជម្រើស១១នាក់ដំបូងច្រើនជាងមុន។ ជាក់ស្ដែងចាប់តាំងពីបើករដូវកាល គាត់ទើបចូលលេងបាន៨ប្រកួតប៉ុណ្ណោះ។ Kurzawa អាចចាកចេញដោយគ្មានតម្លៃខ្លួនៅពេលបញ្ចប់រដូវកាល ប៉ុន្តែ Arsenal ហាក់មិនចង់ចាំរង់យូរនោះទេ ដោយក្រុមកាំភ្លើងធំចង់នាំយករូបគេមកកាន់ទីក្រុងឡុងដ៍ ក្នុងខែមករានេះតែម្ដង ដើម្បីជួយបន្ធូរបន្ថយវិបត្តិខ្សែការពារក្នុងក្រុមលោក Arteta។ គួរឲ្យដឹងដែរថា Arsenal អាចនឹងត្រូវប្រឈមជាមួយក្លិបធំៗពីរ ក្នុងការប្រជែងយក Kurzawa ព្រោះកន្លងមកបើតាមរបាយការណ៍បានឲ្យដឹងថា ក្លិបញញួរយក្ស West Ham និងក្រុម Inter Milan ក៏មានចំណាប់អារម្មណ៍ទៅលើជម្រើសជាតិបារាំងរូបនេះផងដែរ៕
17 Jan 2020
Other News
Mourinho បញ្ចុះបញ្ចូលខ្សែការពារ Man City ម្នាក់ ឲ្យផ្លាស់មក Spurs នៅក្នុងខែមករានេះ
លោក Jose Mourinho ត្រូវបានគេរាយការណ៍ថា បានបញ្ចុះបញ្ចូលខ្សែការពារ Joao Cancelo របស់ Manchester City អំពីការចូលរួមក្រុមរបស់លោកនៅ Tottenham។ ខ្សែការពារសញ្ជាតិព័រទុយហ្គាល់ បានបង្ហាញខ្លួនតែ១៣ប្រកួតប៉ុណ្ណោះគ្រប់ពានរង្វាន់ សំរាប់ក្រុមដែលដឹកនាំដោយគ្រូបង្វឹក Pep Guardiola ចាប់តាំងពីពីចូលរួម ក្នុងតំលៃ៦០លានផោន ពីក្លឹបយក្សអ៊ីតាលី Juventus កាលពីរដូវក្ដៅកន្លងទៅ។ បើតាមការរាយការណ៍ពីកាសែតអេស្ប៉ាញ El Desmarque បានឲ្យដឹងថាលោក Mourinho បានប្រាប់ទៅមិត្តរួមជាតិរបស់ខ្លួន ឲ្យមកចូលរួមដើម្បីបានឱកាសចូលលេងច្រើននៅទីក្រុងឡុងដ៍ កំឡុងការដោះដូរខែមករានេះ។ ហើយគេជឿថា ខ្សែការពារវ័យ២៥ឆ្នាំ ចង់ទទួលបានពេលវេលាចូលលេងបានច្រើនជាងបច្ចុប្បន្ន នៅ Man City ហើយលោក Mourinho រីករាយក្នុងការដាក់រូបគេឲ្យចូលលេងនៅក្នុងជម្រើសដំបូងនៅទឹកដី Tottenham Hotspur៕
17 Jan 2020
Other News
Xavi Hernandez បដិសេធមកដឹកនាំ Barcelona ដោយសារសមត្ថភាពនៅខ្ចីពេក
អតីតកីឡាករខ្សែបម្រើឆ្នើម Xavi Hernandez បានបង្ហើបសារចុងក្រោយ លោកបានបដិសេធចូលខ្លូនទៅដឹកនាំក្រុម FC Barcelona ដោយសារតែមិនមានសមត្ថភាពគ្រប់គ្រាន់ និងខ្ចីពេក ហើយការទាក់ទងរបស់ក្រុមខ្លាំងអេស្ប៉ាញ ដែលមានលោក Oscar Grau ជានាយកប្រតិបត្តិផងនោះ ក៏លឿនពេកដែរ ក្រោយបណ្តេញលោក Ernesto Valverde ចេញពីតំណែង។ តាមការឲ្យដឹងពី BBC នាថ្ងៃទី១៧ ខែកមរា ឆ្នាំ២០២០ នេះ លោក Xavi ដែលបច្ចុប្បន្នជាអ្នកចាត់ការទូទៅក្រុម Al Sadd ស្ថិតក្នុងលីគកំពូលកាតាបានលើកឡើងថា ក្លឹបបាល់ទាត់ FC Barcelona បានធ្វើការទាក់ទងមកលឿនពេកសម្រាប់លោកក្នុងការទៅដឹកនាំអតីតក្រុមមួយនេះ គ្រាដែលលោកពិបាកក្នុងការសម្រេចចិត្ត ក្រោយពេលចូលកាន់តំណែងជាគ្រូបង្វឹកក្រុម Al Sadd នៅពេលដែលបានបញ្ឈប់អាជីពបាល់ទាត់ និងឡើងជាអ្នកចាត់ការទូទៅកាលខែឧសភា ឆ្នាំ២០១៩។ បុរសវ័យ ៣៩ឆ្នាំ Xavi បានបន្តថា លោកពិតជាមានក្តីស្រមៃក្លាយជាគ្រូបង្វឹកក្រុមខ្លាំងនៅថ្ងៃអនាគត គ្រាដែលអតីតខ្សែបម្រើក្រុមជម្រើសជាតិអេស្ប៉ាញរូបនេះ ជាអតីតកីឡាករដែលបានបង្ហាញខ្លួនលើទីលានក្នុងក្រុម Barcelona បាន ៧៥០ប្រកួតចាប់តាំងពីឆ្នាំ១៩៩៨ ដល់ឆ្នាំ២០១៥ និងរកបាន ១៣គ្រាប់
17 Jan 2020
Other News
Chelsea សម្រេចចុះកិច្ចព្រមព្រៀងផ្ទេរខ្សែបម្រើ Kays Ruiz Atil ពី PSG
ក្លឹប Chelsea ជិតសម្រេចកិច្ចព្រមព្រៀងផ្ទេរកីឡាករវ័យក្មេង Kays Ruiz Atil របស់ក្លឹប PSG ខណ:អតីតកីឡាកររបស់ក្លឹប Chelsea លោក Claude Makelele បានធ្វើដំណើរទៅទីក្រុងប៉ារីស ដើម្បីធ្វើការងារជាមួយខ្សែបម្រើវ័យក្មេងរូបនេះ ដែលកំពុងមិនសប្បាយចិត្តចំពោះថ្នាក់ដឹកនាំនៅក្របខណ្ឌ Ligue 1 ។ Chelsea នឹងត្រូវចរចាតម្លៃជាមួយក្លឹប PSG ដើម្បីទទួលបានហត្ថលេខារបស់ Kays ស្របពេលមន្ត្រីនៅក្លឹប PSG កំពុងមិនសប្បាយចិត្តចំពោះកង្វះការចរចារវាងក្លឹបទាំងពីរ។ មានព័ត៌មានលម្អិតថា ក្លឹប Chelsea បានទាក់ទងជាមួយតំណាងរបស់ Kays ជុំវិញលទ្ធភាពផ្ទេរមកទីក្រុងឡុងដ៍។ខ្សែបម្រើកណ្តាលវ័យ១៧ឆ្នាំរូបនេះបានចាកចេញពីក្លឹប Barcelona ទៅកាន់ទីក្រុងប៉ារីសកាលពីឆ្នាំ២០១៥ ៕
17 Jan 2020
