អតីតវីរបុរសអង់គ្លេសលោក David Beckham បានចេញមុខនិយាយការពារខ្សែប្រយុទ្ធ Raheem Sterling បន្ទាប់ពី​​រងការរិះគន់​ដោយ​សារតែ​ការ​បង្ហាញសមត្ថភាព​នៅវើលខាប់។

Beckham ចេញមុខនិយាយរឿងអ្នករិះគន់ Raheem Sterling
Beckham ចេញមុខនិយាយរឿងអ្នករិះគន់ Raheem Sterling

ខ្សែប្រយុទ្ធ Raheem Sterling មកពីក្លឹបក្របខ័ណ្ឌអង់គ្លេសរូបនេះ ត្រូវបានអ្នកគាំទ្ររិះគន់ជុំវិញរឿងស៊ុតបាល់មិនចូល ខណៈដែលក្រុមជម្រើសជាតិអង់គ្លេស ប៉ះជាមួយជម្រើសជាតិ ស៊ុយអែត ខកខាន់ជាច្រើនដង់ជាច្រើនដង។

អតីតខ្សែបម្រើរបស់បិសាចក្រហម Manchester United រូបនេះបានចេញមុខនិយាយការពារ Raheem Sterling នៅលើបណ្ដាញ Instagram របស់ខ្លួនថា៖ ខ្សែប្រយុទ្ធ Sterling បានដើរតួយ៉ាងសំខាន់ ក្នុងការជួយក្រុមរបស់លោក Gareth Southgate ឱ្យទម្លាក់ក្រុមស៊ុយអែត។ អ្នកទាំងអស់គ្នាមិនគួនិយាយបែបនេះទេ។ យើងកំពុងស្ថិតក្នុងវគ្គពាក់កណ្តាលផ្តាច់ព្រ័ត្រនៃការប្រកួត World Cup ។ កីឡាករម្នាក់ៗសមនឹងទទួលបានការអបអរសាទរ។ ជនជាតិយើងប្រទេសយើងពួកយើងត្រូវត្រូវគាំទ្រក្រុមរបស់យើងមិនគួនិយាយពាក្យអត់បានការទាំងអស់នេះទេ។

មិនមែនតែ Beckham ទេដែលនិយាយសរសើរ Sterling សូម្បីអតីតជើង​ឯកវើលខាប់ឆ្នាំ1966 លោក Sir Geoff Hurst ​ក៏បានអះអាងថាកីឡាករ Sterling ជាកីឡាករដ៏សំខាន់មួយរូបដែលអង់គ្លេសមិនអាចខ្វះបានជាពិសេសរឿងប្រយុទ្ធ ៕

ប្រភពពី៖ The Sun