អតីតគ្រូបង្វឹករបស់ក្លឹប Real Madrid និង Liverpool លោក Rafa Benitez ​គិត​ថាប្រសិនបើ​ក្រុម Real Madrid ​​ប៉ះ Liverpool ​នា​វគ្គ​ផ្ដាច់ព្រ័ត្រ UEFA Champions League ​ហើយ​វា​នឹង​ក្លាយ​ជា​ការ​ប្រកួត​ធំ​បំផុត​មួយ​ប្រចាំ​ប្រវត្តិសាស្ត្រពិភពបាល់ទាត់នាពេលបច្ចុប្បន្ននេះ។

photo of Rafael Benítez
លោក Rafael Benítez អតីតគ្រូបង្វឹករបស់ក្លឹប Real Madrid នឹង Liverpool

ពិតណាស់ ពានរង្វាន់ក្របខ័ណ្ឌ UEFA Champions League គឺជាពានធំជាងគេនៅអឺរ៉ុប ខណៈពេលនេះគឺមាន 4ក្រុមក្នុង​វគ្គ​ពាក់​កណ្ដាល​ផ្ដាច់ព្រ័ត្រ​ ​​គឺ Real Madrid ​ប៉ះ​ Bayern Munich ​ដែល​ជា​គូ​សងសឹក ​ខណៈ​ដែល Liverpool ​ត្រូវ​តតាំង​ជាមួយ Roma ​ជា​ក្រុម​ទម្លាក់ Barcelona ។

Rafa Benitez និយាយថា ប្រសិនបើក្នុង​វគ្គផ្តាច់ព្រ័ត្រ Liverpool ប៉ះជាមួយ Real Madrid មែននោះ វាគឺជា​រឿងដ៏អស្ចារ្យ​មួយក្នុងពិភពបាល់ទាត់។ ហើយការប្រកួតនោះ គឺជាប្រកួតមួយដែលអ្នកទាំងអស់គ្នាទន្ទឹមរងចាំ៕

ប្រភពពី៖ Marca