ប្រធាន​ក្រុម Karim Benzema បាន​ដើរ​តួនាទី​យ៉ាង​សំខាន់​​ធ្វើ​បាន Hat-Trick ជួយ Real Madrid វាយ​បក​ឈ្នះ PSG នៅ​ជើង​ទី​ពីរ​ពាន​រង្វាន់​ UCL លទ្ធផល ៣ ទល់នឹង ១។

Karim Benzema
Karim Benzema

ខ្សែ​ប្រយុទ្ធ​សញ្ជាតិ​បារាំង​​បាន​ចំណាយ​ពេល​ត្រឹម​តែ​ ១៧​នាទី​ប៉ុណ្ណោះ​សម្រាប់​ការ​រក​បាន​៣​គ្រាប់​ក្នុង​កីឡដ្ឋាន Bernabeu។ ដូច្នេះ​សរុប​ទាំង​ពីរ​ជើង Madrid បាន​យក​ឈ្នះ PSG លិទ្ធផល ៣ ទល់នឹង ២ បន្ត​ដំណើរ​ទៅ​កាន់​វគ្គ​៨​ក្រុម​ចុងក្រោយ​ជាមួយ Man City, Liverpool, Bayern Munich។

ក្រោយ​ពី​បញ្ចប់​ការ​ប្រកួត​ខ្សែ​ប្រយុទ្ធ​ទាត់​ច្បាស់​ខាង​លើ​បាន​និយាយ​ថា៖ “ពាន​រង្វាន់ Champions League គឺ​ស្ថិត​ក្នុង​ DNA របស់​ពួក​យើង( Real Madrid)។ ពួក​យើង​ឈ្នះ​​ព្រោះ​តែ​​កម្លាំង​ផ្លូវចិត្ត​របស់​ពួក​យើង”។ ការ​និយាយ​បែប​នេះ​ដោយ​សារ​តែ Real Madrid ជា​ក្រុម​ជោគជ័យ​បំផុត​ក្នុង​ពាន​រង្វាន់ UCL ពោល​ឈ្នះ​ដល់​ទៅ​១៣​សម័យ​ឯណោះ។

៣​គ្រាប់​បន្ថែម​របស់ Benzema ក៏​បាន​ធ្វើ​ឲ្យ​គេ​ក្លាយ​ជា​អ្នក​ទាត់​បញ្ចូល​ទី​ច្រើន​ជាង​គេ​លំដាប់​ទី ​៣​ នៅ Real Madrid មាន ​៣០៩​គ្រាប់។​ ឯ​អ្នក​លេខ​មួយ​គឺ Cristiano Ronaldo មាន​ ៤៥០​គ្រាប់៕