បន្ទាប់​ពី​ត្រូវ​បាន​លោក Luis Enrique ចុច​ឲ្យ​ខ្លួន​បាន​ចូល​ជាប់​ជម្រើស​ជាតិ​អេស្ប៉ាញខ្សែ​ការពារ Dani Carvajal ​រប​ស់ក្រុម Real Madrid ​បាន​និយាយ​ថា ​អតីត​អ្នក​ចាត់​ការ​​របស់ Barcelona រូប​នេះ​គ្មាន​គំនិត​ប្រឆាំង​ជា​មួយ Real Madrid ក្នុង​ការ​ចុច​កីឡាករ​ជាប់​ជម្រើស​ជាតិ​ឡើយ​។

Dani Carvajal
Dani Carvajal

​កាល​ពី​ពេល​ថ្មី​ៗ​នេះ អេស្ប៉ាញ​ បាន​ប្រកាស​បញ្ជី​ឈ្មោះ​កីឡាករ​​ជម្រើស​ជាតិ​ទាំង​២៥​នាក់​​ ចុង​ក្រោយ​ សម្រាប់​ការ​ប្រកួត​ជម្រុះ World Cup ប្រចាំ​តំបន់​អឺរ៉ុប​ ដែល​ក្នុង​នោះ​ក៏​មាន Dani Carvajal ​ម្នាក់​ដែរ​។ 

Carvajal ​បាន​និយាយ​ថា៖ “​គ្រូ​បង្វឹក​ព្យាយាម​កោះ​ហៅ​កីឡាករ​​ឲ្យ​ជាប់​ជម្រើស​ជាតិ​ ទៅ​តាម​​អ្វី​ដែល​គាត់​គិត​ថាអាច​ជួយ​ក្រុម​បាន​និង​អ្វីដែល​ក្រុមនឹង​លេង​។ ​នេះ​ជា​​ទស្សន​របស់​គាត់ ( Luis Enrique) និង​ផែន​ការ​របស់​គាត់​។ ​

ខ្ញុំ​គិ​ត​ថា ​ការ​ជ្រើស​​រើស​យក​ខ្ញុំ​ឲ្យជាប់​ជម្រើស​ជាតិ និង​អ្វី​ដែល​គាត់​បាន​និយាយ​អំពី​ខ្ញុំ​​ ក្នុង​ពេល​សន្និសិទកាសែត វា​មិន​ខុស​អី​ពី​ការ​គិត​របស់​ខ្ញុំ​ទេ​ ពោល​គឺ​គាត់​នៅ​តែ​ប្រកាន់​គោលការណ៍​របស់​គាត់​ដដែល​​ហ្នឹង” ៕