Derby County បានបណ្តេញប្រធានក្រុម Richard Keogh ចេញពីក្រុម ដោយសារឥរិយាបថមិនសមរម្យ
01 Nov 2019 - 11:59:46 SHARE
Derby County នៅថ្ងៃទី៣០ ខែតុលា បានបណ្តេញប្រធានក្រុមកីឡាករ Richard Keogh ចេញពីក្រុម ដោយសាររូបគេប្រព្រឹត្តិឥរិយាបថមិនសមរម្យធ្ងន់ធ្ងរ។ ការបណ្តេញនេះ ធ្វើឡើងបន្ទាប់ពី Keogh បានជាប់ពាក់ព័ន្ធនឹងគ្រោះថ្នាក់ចរាចរណ៍ដែលនាំឲ្យមានការចាប់ខ្លួនមិត្តរួមក្រុមរបស់គេពីរនាក់ទៀតពីបទបើកបរពេលស្រវឹង។
ក្លិបក្នុងក្របខណ្ឌលីគទី២អង់គ្លេស Championship មួយនេះ បានបញ្ជាក់ថាកិច្ចសន្យារបស់ Keogh ត្រូវបញ្ចប់ភ្លាមៗតែម្តងចំពោះការប្រព្រឹត្តអំពើកោងកាចរបស់គេ។
«ដូចដែលយើងបាននិយាយពីដំបូង ក្លិបនឹងមិនអត់ឱនដល់កីឡាករ ឬបុគ្គលិករបស់ខ្លួនរូបពាដែលមានអាកប្បកិរិយាច្រឡើសបើសរហូតធ្វើឲ្យខ្លួនឯង និងមិត្តរួមការងារ សមាជិកទូទៅមានបញ្ហា និងនាំឲ្យខូចឈ្មោះក្លិបនោះឡើយ»។ នេះជាការរៀបរាប់ក្នុងសេចក្តីប្រកាសរបស់ក្លិប Derby County។
ខ្សែការពារសញ្ជាតិអៀរឡង់ វ័យ៣៣ឆ្នាំ ដែលមានរយៈពេល២សប្តាហ៍ដើម្បីប្តឹងឧទ្ធរណ៍ ត្រូវអវត្តមានពេញមួយរដូវកាលបន្ទាប់ពីរូបគេបានរងរបួសជង្គង់ធ្ងន់ធ្ងរនៅក្នុងហេតុការណ៍គ្រោះថ្នាក់ចរាចរណ៍ កាលពីថ្ងៃទី ២៤ ខែកញ្ញា ហើយក៏បានធ្វើឲ្យមិត្តរួមក្រុម Derby ពីររូបទៀតរួមមានខ្សែបម្រើ Tom Lawrence និងខ្សែប្រយុទ្ធ Mason Bennett ត្រូវកាត់ទោសពីបទបើកបរស្រវឹង។
Derby County ដែលនឹងទទួលបានវីរបុរស Manchester United កីឡាករ Wayne Rooney ក្នុងនាមជាសមាជិកក្រុម និងគ្រូបង្វឹកនៅខែមករាខាងមុខ ឈរនៅលេខរៀងទី១៦ ក្នុងតារាងចំណាត់ថ្នាក់ Championship សព្វថ្ងៃ ដោយរកបាន៨ពិន្ទុ ពីការប្រកួត១៤លើក៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
គ្រូបង្វឹក Inter Milan បានទាមទារឲ្យ Eriksen បង្កើនកម្រិតលេងរបស់ខ្លួនថែមទៀត
គ្រូបង្វឹករបស់ក្រុម Inter Milan លោក Antonio Conte បានទាមទារឲ្យកីឡការចំណូលថ្មី Christian Eriksen បង្កើនកម្រិតលេងរបស់ខ្លួន បន្ទាប់ពីខ្សែបម្រើរូបនេះរកបានគ្រាប់បាល់សម្រាប់ក្រុមថ្មី អំឡុងពេលក្រុម Inter Milan បានយកឈ្នះ ២-០លើក្រុម Ludogorets ។ ក្រុមយក្សអ៊ីតាលីនេះហាក់ដូចជាពិបាកបន្តិចហើយ អំឡុងពេលប្រកួតជាមួយក្រុមប៊ុលហ្គារីនេះ នៅក្របខណ្ឌ Europa League មុនពេល Eriksen ប្រឹងប្រែងបំបែកឧបសគ្គនេះ។ ក្រុម Inter Milan មានឱកាសទ្វេដង បនា្ទប់ពីខ្សែប្រយុទ្ធ RomeluLukakuរកបាន១គ្រាប់ជួយឲ្យក្រុមរបស់លោក Conte ឡើងទៅវគ្គបន្តនៅសប្តាហ៍ក្រោយទៀត។ ប៉ុន្តែលោក Conteបានទាមទារឲ្យខ្សែបម្រើ Eriksen ប្រឹងប្រែងបន្ថែមទៀតសម្រាប់ក្រុម។ ជាពិសេស គ្រូបង្វឹកអ៊ីតាលីរូបនេះទាមទារឲ្យ Eriksen បង្កើនស្មារតីនិងភាពគឃ្លើនរបស់ខ្លួននៅលើទីលានប្រកួត៕
22 Feb 2020
Other News
ក្លឹប Barcelona ទិញបានខ្សែប្រយុទ្ធ Martin Braithwaite ពីក្លឹប Leganes ហេីយ!
ក្លឹប Barcelona បានចុះហត្ថលេខាទិញខ្សែប្រយុទ្ធ Martin Braithwaite ពីក្លឹប Leganes ក្នុងតម្លៃ១៨លានយូរ៉ូជាមួយនិងការចុះកុងត្រាបូករួមរយៈពេលនៅសល់នៃរដូវកាលនេះមានសុពលភាពរហូតដល់ថ្ងៃទី ៣០ ខែមិថុនាឆ្នាំ ២០២៤ ព្រមជាមួយនឹងតម្លៃទិញផ្តាច់កុងត្រាមានរហូតដល់ទៅ ៣០០ លានអឺរ៉ូ។ អតីតខ្សែប្រយុទ្ធក្លឹប Middlebrough វ័យ២៨ឆ្នាំរូបនេះជាកីឡាករមានបទពិសោធន៍នៅ World Cup និងលីគកំពូល អេស្បាញ La Liga មានដើមកំណើតនៅទីក្រុងកំពង់ផែ Esbjerg ប្រទេសដាណឺម៉ាកបាន ការចាប់អារម្មណ៍យ៉ាង ខ្លាំងក្រោយចំណាយពេលមួយឆ្នាំប៉ុណ្ណោះនៅក្លឹប Leganés។ Barcelona បានសម្រេចគោលដៅផ្ទេរកីឡាកររូបនេះទោះបីជាទីផ្សារបានបិទ ក្រោយទទួលសិទ្ធិពិសេសសម្រាប់ច្បាប់ La LIga ពេលដែលខ្សែប្រយុទ្ធ Ousmane Dembele រងរបួសនិងត្រូវសម្រាករហូតដល់ទៅ៦ខែ។
22 Feb 2020
Other News
ខ្សែការពារ Smalling សង្ឃឹមជាប់ឈ្មោះក្នុងក្រុមជម្រើសអង់គ្លេសនៅ Euro ២០២០
ខ្សែការពារ Chris Smalling របស់ក្រុម Roma នៅតែសង្ឃឹមថារូបគេនិងជាប់ឈ្មោះក្នុងក្រុមជម្រើស ជាតិអង់គ្លេសសម្រាប់ចូលរួមព្រឹត្តការណ៏ Euro ២០២០ បើទោះបីជាមិនធ្លាប់បានចូលលេងអោយក្រុមតោ កំណាចក្រោមការដឹកនាំរបស់លោក Gareth Southgate ចាប់តាំងពីឆ្នាំ ២០១៧ ក៏ដោយ។ កីឡាករវ័យ ៣០ ឆ្នាំរូបនេះកំពុងលេងក្នុទងលក្ខខណ្ឌខ្ចីជើងពេញ១រដូវវកាលក្រោយផ្ទេរពី Manchester United ជឿជាក់ថាទម្រង់លេងរបស់ខ្លួនមានលក្ខណៈល្អប្រសើរជាងមុនចាប់តាំងពីផ្ទេរមកលីកកំពូលអ៊ីតាលី Serie A ។ ព្រមទាំងប្រាប់ថាគ្រួសាររបស់ខ្លួន សប្បាយរីករាយនិងជីវិត រស់នៅក្នុងទីក្រុងរ៉ូម។ អតីតខ្សែការពារក្រុម Fulham បានប្រាប់ BBC Sport ថា: ខ្ញុំដឹងថាលោក Gareth និងជំនួយការគ្រូបង្វឹក កំពុងតាមដានទម្រង់ លេងរបស់ខ្ញុំ ហើយប្រសិនបើខ្ញុំកំពុងមានវត្តមានជាមួយក្លឹបកំពូលការពិត ខ្ញុំអាចក្លាយជាជម្រើសសម្រាប់ពួកគាត់ ព្រោះខ្ញុំពិតជាចង់ចូលរួមព្រឹត្តការណ៏មួយនេះ ។ Smalling ធ្លាប់ជាប់ជម្រើសជាតិ ៣១ លើក នឹងត្រូវប្រកួតប្រជែងជាមួយមិត្តរួមជាតិ ១.Harry Maguire របស់ Manchester United, ២.Joe Gomez របស់ Liverpool,៣.
22 Feb 2020
Other News
Casemiro និយាយថា ខ្ញុំចង់ឱ្យមិត្តរួមសញ្ជាតិ Neymar មកលេងនៅ Real Madrid
ខ្សែបម្រើ Casemiro បានបង្ហាញបំណងរបស់ខ្លួនថាចង់ឃើញមិត្តរួមសញ្ជាតិ Neymar មកលេងនៅក្រុម Real Madrid ជាមួយខ្លួននៅពេលខាងមុខនេះ។ Neymar ដែលមានបំណងចង់ចាកចេញពីក្រុម PSG កាលពីរដូវក្ដៅកន្លងទៅ ធ្លាប់ត្រូវក្រុម Real Madrid ទាក់ទងដែរ ប៉ុន្តែមិនអាចសម្រេចបាន ព្រោះតម្លៃខ្លួនដែលក្រុមនៅបារាំងលក់នោះ ខ្ពស់ខ្លាំងពេក។ យ៉ាងណាមិញ កីឡាករ Casemiro ដែលមានសញ្ជាតិប្រេស៊ីលដូច Neymar ដែរ សង្ឃឹមថាមិត្តរួមសញ្ជាតិម្នាក់នេះ នឹងអាចមកកាន់ Real Madrid បានក្នុងពេលខាងមុខ។ ”ខ្ញុំចង់ឱ្យ Neymar មកទីនេះ។ ខ្ញុំបាននិយាយជាមួយគាត់រាល់ថ្ងៃពីការលេងនៅ Madrid ។ គាត់ជាកីឡាករអស្ចារ្យម្នាក់”។ សម្ដីរបស់ Casemiro ។ យ៉ាងណាក៏ដោយ ជាមួយការចង់បានរបស់ Real Madrid នេះ ក្រុម Barcelona ក៏មានបំណងចង់យកអតីតខ្សែប្រយុទ្ធរបស់ខ្លួនត្រលប់មកវិញដែរ។ អ្វីដែលជារនាំងសំខាន់ក្នុងការផ្ទេរនោះ គឺតម្លៃខ្លួនដែលក្រុម PSG ដាក់លក់តែម្ដង។ ក្លឹបអ្នកមានបារាំងនេះ បានដល់តម្លៃដល់់ទៅជាង២០០លានផោនឯណោះ ទើបពួកគេព្រមឱ្យ
21 Feb 2020
Other News
ក្លិប Liverpool កំពុងព្រួយបារម្ភ ចំពោះរបួសរបស់ប្រធានក្រុម Henderson
ក្រុម Liverpool កំពុងរង់ចាំមើលលទ្ធផលរបួសរបស់ប្រធានក្រុម Henderson ថាតើរូបគេនឹងត្រូវសម្រាករយៈពេលប៉ុន្មាន ក្រោយពីរងរបួសអំឡុងការប្រកួតទល់ក្រុម Atletico Madrid កន្លងទៅ។ ក្រុម Liverpool បានចាញ់ក្រុម Atletico Madrid ក្នុងលទ្ធផល ១-០ ក្នុងការប្រកួតជើងទី១ពានរង្វាន់ UEFA Champions League វគ្គ១៦ក្រុមចុងក្រោយ។ បន្ទាប់ពីការប្រកួតនោះទៅ ប្រធានក្រុមហង្សក្រហម Henderson បានរងរបួសសរសៃពួរ។ បច្ចុប្បន្ន ក្រុមគ្រូពេទ្យរបស់ Liverpool កំពុងពិនិត្យ ដើម្បីអាចចេញជាលទ្ធផលថាតើរូបគេនឹងត្រូវសម្រាករយៈពេលប៉ុន្មានសប្ដាហ៍។ ក្រុមរបស់លោក Klopp កំពុងបារម្ភថាប្រធានក្រុមខាងលើអាចនឹងសម្រាកច្រើនសប្ដាហ៍ ត្បិតអីនៅប្រកួតទល់ក្រុម West Ham នៅចុងសប្ដាហ៍នេះ គឺរូបគេនឹងមិនអាចចូលលេងបានឡើយ។ ក្រុម Liverpool នឹងមមាញឹកខ្លាំង នៅប៉ុន្មានសប្ដាហ៍ខាងមុខនេះ ព្រោះត្រូវលេងប្រកួតនៅ Premier League ផង FA Cup ផង និងត្រូវលេងទល់ AT Madrid ជើងទី២ផង៕
21 Feb 2020
Other News
Werner សុំពេលអភិវឌ្ឍខ្លួនបន្ថែមទៀតសិនទើបអាចផ្លាស់ទៅក្លឹបកំពូល Liverpool បាន
តារាឆ្នើមប្រចាំក្លឹប RB Leipzig កីឡាករ Timo Werner បានឆ្លើយតបក្នុងន័យវិជ្ជមានពាក់ព័ន្ធនឹងចចាមអារ៉ាមនៃការគ្រោងផ្លាស់ចេញទៅចូលរួមនៅទឹកដី Anfield របស់ Liverpool។ កីឡាករវ័យ ២៣ ឆ្នាំនិយាយក្រោយចប់ការប្រកួតយកឈ្នះ Spurs ដូច្នោះថា៖ “ពិតណាស់ខ្ញុំដឹងថា Liverpool ជាក្រុមល្អបំផុតដាច់គេក្នុងពេលនេះ”។ រូបគេបន្ថែមប្រាប់ Viasport ៖ “ហើយនៅពេលដែលយើងជាប់ឈ្មោះថាអាចនឹងផ្លាស់ទៅទីនោះ គឺជាមោទនភាពបំផុតមួយ តែក្នុងពេលនេះគឺ Liverpool មានកីឡាករកំពូលៗច្រើនណាស់ អ៊ីចឹងខ្ញុំត្រូវតែពង្រឹងខ្លួនឯងជាមុនសិន ដើម្បីរៀនសូត្របន្ថែមក្នុងការឈានទៅដល់កម្រិតក្លឹបមួយនោះ”។ រំឭកថា Werner រកបាន ២០ គ្រាប់ហើយនៅការបង្ហាញខ្លួន ២២ ប្រកួតនៅក្របខ័ណ្ឌ Bundesliga ហើយរដូវកាលនេះកំពុងប្រកួតប្រជែងគ្នាខ្លាំងជាមួយ Bayern ក្នុងការគ្រោងពានក្នុងលីគ៕
21 Feb 2020
