ខ្សែបម្រើរបស់ Brentford កីឡាករ Christian Eriksen បានបង្ហាញខ្លួនសាជាថ្មីឱ្យក្រុមជម្រើសជាតិ ដាណឺម៉ាក ក្រោយជាសះស្បើយពីជំងឺបេះដូង ខណៈយប់មិញនេះគាត់ក៏បានចូលរួមចំណែកស៊ុតមួយគ្រាប់ផងដែរ។

Christian Eriksen
Christian Eriksen

ជារួមក្រោយបញ្ចប់ការប្រកួត ៩០ នាទីពេញក្រុម ហូល្លង់ បានបំបាក់ក្រុម ដាណឺម៉ាកក្នុងលទ្ធផល ៤ ទល់នឹង ២ ក្នុងនោះ ៤ គ្រាប់របស់ក្រុមមជ្ជរាជពណ៌ទឹកក្រូចគឺរកបានដោយ Steven Bergwijn ស៊ុត ២ គ្រាប់ និង Nathan Ake, Memphis Depay ម្នាក់មួយគ្រាប់ដោយឡែក ២ គ្រាប់របស់ក្រុមភ្ញៀវគឺរកបានដោយ Vestergaard ស៊ុត ១ គ្រាប់ និង Eriksen ស៊ុត ១ គ្រាប់។

គួរបញ្ជាក់ថា ទាំង ហូល្លង់ និង ដាណឺម៉ាក ទទួលបានកៅអីដើម្បីឡើងទៅជុំផ្តាច់ព្រ័ត្រនៃការប្រកួតព្រឹត្តិការណ៍ World Cup ២០២២ ដែល កាតា ធ្វើជាម្ចាស់ផ្ទះរួចរាល់ហើយ។

ក្នុងនោះពួកគេបានបញ្ចប់ការប្រកួតជម្រុះនៅតំបន់ អឺរ៉ុប ដោយ ហូល្លង់ ឈរនៅកំពូលតារាងនៃពូល G និង ដាណឺម៉ាក ឈរនៅកំពូលតារាងនៃពូល F៕