Everton បានឈានដល់កិច្ចព្រមព្រៀងក្នុងការផ្ទេរខ្សែការពារស្លាបស្តាំ Djibril Sidibe ក្នុងរយៈពេលវែង ជាមួយលក្ខខណ្ឌទិញផ្តាច់ពី Monaco។ កីឡាករវ័យ២៧ឆ្នាំរូបនេះ បានធ្វើតេស្តសុខភាពនាថ្ងៃពុធនេះ ខណៈទំនងអាចនឹងមកជំនួស Seamus Coleman។

photo of Djibril Sidibe
Everton ឈានដល់កិច្ចព្រមព្រៀងក្នុងការផ្ទេរខ្សែការពារ Djibril Sidibe ពី Monaco

Everton មានចំណាប់អារម្មណ៍ក្នុងការចុះកិច្ចសន្យាជាមួយ Sidibe កាលពីថ្ងៃព្រហស្បត្តិ៍ មុនពេលទីផ្សារដោះដូរបិទ បន្ទាប់ពីក្លិបបានសម្រេចអោយ Jonjoe Kenny ចាកចេញក្នុងលក្ខខណ្ឌខ្ចីជើងទៅ Schalke នារដូវកាលក្តៅនេះ។

កីឡាករអន្តរជាតិបារាំងដែលអាចធ្វើប្រតិបត្តិការការពារបានត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ក្រុមនៃក្របខ័ណ្ឌ Premier League ដូចជា West Ham, Crystal Palace និង Newcastle ។ រូបគេបង្ហាញខ្លួនចំនួន ១១៤ ដង នៅក្នុងការប្រកួតទាំងអស់សម្រាប់ Monaco ចាប់តាំងពីចូលរួមពី Lille ក្នុងឆ្នាំ ២០១៦។

photo of Djibril Sidibe
Djibril Sidibe

ទន្ទឹមនឹងនេះ Monaco មានចំណាប់អារម្មណ៍ចង់ចុះហត្ថលេខាលើកីឡាករ Henry Onyekuru របស់ក្លិប Everton ទោះបីជាការផ្លាស់ប្តូរខ្សែប្រយុទ្ធរូបនេះមិនចាំបាច់ជាផ្នែកមួយនៃកិច្ចព្រមព្រៀងក្នុងការយក Sidibe ទៅ Merseyside ក៏ដោយ។

photo of Djibril Sidibe
Djibril Sidibe

Everton បានចុះកុងត្រាលើ Onyekuru ក្នុងតម្លៃ ៧ លានផោនពីក្រុមបែលហ្ស៊ិក FC Eupen ក្នុងឆ្នាំ ២០១៧។ កីឡាករអន្តរជាតិនីហ្សេរីយ៉ារូបនេះមិនទាន់លេងជាកីឡាករជាន់ខ្ពស់សម្រាប់ក្រុម Everton និងបានចំណាយពេលមួយរដូវក្នុងការខ្ចីជើងនៅ Anderlecht មុនពេលផ្លាស់ទៅលេងនៅ Galatasaray ។