Everton បានប្រកាសពីការចុះកិច្ចសន្យាខ្ចីជើងកីឡាករ Eliaquim Mangala ពី​ Man City រហូតដល់​ចុងបញ្ចប់​នៃ​រដូវ​កាល​នេះ ដោយនៅសល់ត្រឹមតែ 13 នាទីប៉ុណ្ណោះ នៅក្នុងទីផ្សារដោះដូរកីឡាករបន្ទាប់ពី ក្លឹប Manchester City បានផ្តល់ការអនុញ្ញាតឱ្យគាត់ចាកចេញពីក្លឹប ។

photo of Eliaquim Mangala
Eliaquim Mangala of Everton

ខ្សែការពារ​កណ្ដាល​វ័យ 26ឆ្នាំរូបនេះ បានចុះកុងត្រាជាមួយក្រុម Man City ពីក្លឹប Porto ក្នុងតម្លៃ 32 លានផោននៅរដូវក្តៅឆ្នាំ 2014 នឹង​បាន​លេង4​ប្រកួត​ប៉ុណ្ណោះ នៅ Premier League រដូវ​កាល​នេះ​។​

Mangala បាន​ក្លាយជា​កីឡា​ករទី​3​ដែល​មក​ចូលរួម​ជាមួយ Everton ក្នុង​ខែមករា​នេះ បន្ទាប់ពី​ខ្សែប្រយុទ្ធ​ស្លាប Theo Walcott ពី Arsenal និង​ខ្សែប្រយុទ្ធ Cenk Tosun ពី Besiktas ។​ ក្រោពីក្លឹប Man City អនុញ្ញាត​ឱ្យ Mangala ចាក​ចេញពី​កីឡដ្ឋាន Etihad គឺពួកគេរកអ្នកស្នងដំណែងគាត់រួចហើយ ដោយកីឡាករ Aymeric Laporte ពី​ក្លឹប Athletic Bilbao ក្នុងតម្លៃ 57លាន​ផោន ដែលក្លឹប​មេឃ​ខៀវ Man City បាន​បំបែក​កំណត់​ត្រា​ថ្លៃ​ផ្ទេរ​ថ្លៃ​បំផុត​របស់​ខ្លួននៅរដូវកាលដោះដូរកីឡាករនារដូវក្ដៅនេះ ។

ប្រភពពី៖​ skysports