​Everton ត្រូវបានគេរាយការណ៍ថា បានបដិសេធសំណើ ៨៥លានផោន​ (ឬប្រមាណ១១០លានដុល្លារ) របស់ក្រុម Barcelona ដែលដាក់ដេញថ្លៃយកខ្សែប្រយុទ្ធ Richarlison

photo of Richarlison
ខ្សែប្រយុទ្ធ Richarlison

ក្រុម Barcelona ​បាន​មើល​ឃើញ​សមត្ថភាព​របស់​កីឡាករ Richarlison ​អាច​យក​ទៅ​ជំនួស​តំណែង​របស់ Saurez ​ដែល​រង​របួស​បាន​។ ពួកគេ​បាន​ដាក់​សំណើ​ដើម្បី​ទិញ​កីឡាករ​ប្រេស៊ីល​រូប​នេះ​ដល់​៨៥​លាន​ផោន យក​ឱ្យ​បាន​នៅ​ខែ​មករា ប៉ុន្តែ​ប្រាក់​ដ៏​ច្រើន​នេះ ត្រូវ​បាន​ក្លឹប Everton ​ច្រាន​ចោល​ទៅ​ហើយ។

Barcelona មានចំណាប់អារម្មណ៍ទៅលើ Richarlison ជាយូរណាស់មកហើយ ជាក់ស្ដែងកាលពីទីផ្សារដោះដូររដូវក្ដៅកន្លងទៅ ពួកគេក៏បានចូលចែចូវទៅលើកីឡាករវ័យ២២ឆ្នាំផងដែរ។

លើសពីនេះទៅទៀត នាយកផ្នែកកីឡាកររបស់ក្លិប Barcelona ត្រូវបានគេរាយការណ៍ថា បានចាត់ទុករូបគេ ជាបេក្ខភាពដ៏ស័ក្ដិសម ក្នុងការជំនួសកន្លែងម្ចាស់អាវលេខ៩ Suarez ដែលទំនងជាត្រូវសម្រាកក្រៅទីលានរយៈពេល៤ខែ បន្ទាប់ពីវះកាត់របួសជង្គង់។

photo of Carlo Ancelotti
Carlo Ancelotti

​លោក​ Carlo Ancelotti ​ចង់​ទុក​ខ្សែ​ប្រយុទ្ធ​ឆ្នើម​របស់​ខ្លួន​នេះ ​ដើម្បី​ជួយ​ស្រោចស្រង់​ក្លឹប​បន្ដ​ទៀត។ ​ដោយ​ពួកគេ​បច្ចុប្បន្ន​ស្ថិត​នៅ​លេខ​១២​ក្នុង​តារាង ​ដោយ​មាន​៣០​ពិន្ទុ ​ពី​ការ​ប្រកួត​២៤​ប្រកួត៕