line-icon

ព័ត៌មានបាល់ទាត់​ Man Utd, liverpool, Man city, Chelsea Spurs

Trabzonspor

John Mikel Obi អតីត​កីឡាករ​ Chelsea ប្រកាស​ចូល​និវត្តន៍​ពី​បាល់ទាត់​ហើយ

អតីត​កីឡាករ​របស់ Chelsea ​និង​​ជម្រើស​ជាតិ​នីហ្សេរីយ៉ា​ខ្សែ​បម្រើ John Mikel Obi បាន​ចូល​និវត្តន៍​ពី​បាល់ទាត់​ហើយ​ក្នុង​វ័យ​៣៥​ឆ្នាំ។ ខ្សែ​បម្រើ​ដែល​ធ្លាប់​លើក​ពាន Champions League ជាមួយ​ Chelsea កាល​ពី​ឆ្នាំ​២០១២ បង្ហាញ​ខ្លួន​បាន​៨៩​ប្រកួត​ឲ្យ​ជម្រើសជាតិ​នីហ្សេរីយ៉ា និង​ជួយ​ក្រុម​លើក​ពាន Africa Cup of Nations កាល​ពី​ឆ្នាំ​២០១៣។ គេ​បាន​ចូល​និវត្តន៍​​ពី​ជម្រើសជាតិ​កាល​ពី​ឆ្នាំ​២០១៩។ គេ​ធ្លាប់​បាន​បង្ហាញ​ខ្លួន​១៤៩​ប្រកួត​នៅ Premier League ជាមួយ​ Chelsea និង​​ជួយ​ក្រុម​ឈ្នះ​ពាន​ជា​ច្រើន​ដូច​ជា Europa League, Premier League ២​ដង, FA Cup ៤​ដង និង League Cup ២​ដង។ ក្រោយ​ចាកចេញ​ពី​តោខៀវ John Mikel Obi បាន​ផ្លាស់​ទៅ​លេង​នៅ​ក្លឹប​ចិន Tianjin TEDA, Middlesbrough, Trabzonspor, Stoke City និង​ចុងក្រោយ Kuwait SC៕


29 Sep 2022

PSG

អនុប្រធាន​ Barcaថា​ ក្លឹប​លោក​មាន​លទ្ធភាព​អាច​យក​ Messi ត្រលប់​មក​វិញ​នៅ​ឆ្នាំ​ក្រោយ​

លោក​ Eduard Romeu អនុប្រធាន​ក្លឹប​ Barcelona បាន​និយាយ​ទៅ​កាន់​សារព័ត៌មាន​ Mundo Deportivo នៅ​ក្នុង​ថ្ងៃ​នេះ​ថា​ ក្លឹប​លោក​មាន​លទ្ធភាព​ធនធាន​គ្រប់​គ្រាន់​ក្នុង​ការ​យក​ ខ្សែប្រយុទ្ធ​ Lionel Messi ត្រលប់​មក​វិញនៅឆ្នាំក្រោយ​។ លោក​ Romeu បាន​និយាយ​ថា​៖” ដោយ​សារ​តែ​ Messi អាច​នឹង​យក​បានដោយ​មិន​ចាំ​បាច់​ចំណាយ​ អញ្ចឹង​ច្បាស់​ណាស់​នេះ​ជា​អ្វី​​ដែល​ពួក​យើង​អាច​ធ្វើ​បាន​។ ទោះ​ជា​យ៉ាង​ណា​ការ​សម្រេច​គឺ​ត្រូវ​ផ្អែក​លើ​លក្ខខណៈ​បច្ចេក​ទេស​ “។ លោក​បន្ត​ថា​៖” យ៉ាង​ណា​យើង​ធ្វើ​ទៅ​តាម​កំណត់​ ទៅ​តាម​​អ្វី​យើង​អាច​ធ្វើ​ទៅ​បាន​ ដូច​កាល​ពី​រដូវកាល​ក្ដៅ​កន្លង​ទៅ​ យើង​ពុះពារ​ណាស់​ដើម្បី​រឿង​ទិញដូរអីទាំង​នេះ​ ក៏​ប៉ុន្តែ​បើ​អាច​ធ្វើ​អ្វី​បំពេញ​បន្ថែម​រឿង​ហ្នឹង​បាន​ យើង​នឹង​សិក្សា​ពី​លទ្ធ​ភាព​ “។ Messi នឹង​ដាច់​កុងត្រា​នឹង​ PSG នៅ​ឆ្នាំ​២០២៣​ខាង​មុខ​នេះ​ ប៉ុន្តែ​មាន​លក្ខខ័ណ្ឌ​អាច​បន្ត​កុងត្រា​មួយ​ឆ្នាំ​បន្ថែម​ទៀត​ បើ​ក្លឹប​មិន​បន្ត​បន្ថែម​កីឡាករ​នេះ​នឹង​ក្លាយ​ជា​ Free Agent។ តាំង​ពី​ផ្លាស់​មក​ PSG មក​ Messi មិន​សូវ​មាន​ទម្រង់​លេង​ល្អ​ប៉ុន្មាន​ទេ​ជា​ពិសេស​រដូវកាល​មុន​ ប៉ុន្តែ​នៅ​ក្នុង​រដូវកាល​នេះ​ គេ​ហាក់​ដូច​ជា​ប្រសើរ​ឡើង​ជាង​រដូវកាល​មុន​៕


29 Sep 2022

RONALDO

Cassano ណែនាំ​ឲ្យ Ronaldo ចូល​និវត្តន៍​​​ឬ​ក៏​អង្គុយ​បម្រុង​ទៅ

អតីត​ខ្សែ​ប្រយុទ្ធ​​អ៊ីតាលី Antonio Cassano បាន​ណែនាំ​ឲ្យ Cristiano Ronaldo ចូល​និវត្តន៍​​ពី​បាល់ទាត់ ឬ​​សុខចិត្ត​អង្គុយ​ជា​កីឡាករ​បម្រុង​វិញ បន្ទាប់​ពី​មួយ​រយៈ​ចុងក្រោយ​បង្ហាញ​ទម្រង់​លេង​មិន​សូវ​ល្អ។ Ronaldo ចាប់​ផ្ដើម​ជា​​ជម្រើស​ដំបូង​​ម្ដង​គត់​ក្នុង​ការ​ប្រកួត​លីគ​ក្រោម​ការ​ដឹក​នាំ​របស់​លោក Erik ten Hag នៅ Manchester United។ ប៉ុន្តែ​​គេ​បាន​​​បង្ហាញ​ខ្លួន​ជា​ជម្រើស​ទី​មួយ​​ទាំង​ពីរ​ប្រកួត​របស់​​ព័រទុយហ្គាល់​ក្នុង​ពាន​រង្វាន់ Nations League កាល​ពី​ពេល​ថ្មី​ៗ។ តំណែង​របស់ Ronaldo នៅ​ជម្រើសជាតិ​​ពេល​នេះ​កំពុង​ស្ថិត​​ក្នុង​សំនួរ បន្ទាប់​ពី​​គេ​រក​​មិន​បាន​មួយ​គ្រាប់​សោះ​នៅ​​៨​ប្រកួត​ចុងក្រោយ និង​ខក​ឱកាស​ជា​ច្រើន​ដង​​កាល​លេង​ទល់​​នឹង​អេស្ប៉ាញ​។ មើល​ឃើញ​ពី​​ទម្រង់​លេង​ធ្លាក់​ចុះ​បែប​នេះ Cassano យល់​ឃើញ​ថា Ronaldo លែង​មាន​កម្រិត​លេង​ខ្ពស់​ដូច​ពី​មុន ហើយ​​គួរ​តែ​បញ្ចប់​អាជីព។ “​ដល់​ចំណុច​នេះ Cristiano គួរ​ឲ្យ​ធ្វើ​ឲ្យ​ខ្លួន​ឯង​ពេញចិត្ត ហើយ​ត្រូវ​យល់​ថា ប្រសិន​បើ​​មិន​អាច​ឈាន​​កម្រិត​ជាក់លាក់​មួយ​​ គឺ​គួរ​តែ​ចូលនិវត្តន៍។ គេ​មាន​ឈ្នះ​គ្រាប់​យ៉ាង។ គេ​ជា​កីឡាករ​អស្ចារ្យ។ គេ​​គួរ​តែ​ឈប់ ឬ​​ត្រឹម​អង្គុយ​នៅ​កៅអី​បម្រុង”។ សម្ដី Cassano៕


29 Sep 2022

Scudetto

Pogba មិន​ពេញ​នឹង​នៅ​ Man Utd កន្លង​មក​ទេ​ ដោយ​ចិត្ត​ចង់​​មក​ Juventus វិញ​រហូត​មក

​ខ្សែបម្រើ​ Paul Pogba បាន​និយាយ​ទៅ​កាន់​សារព័ត៌មាន​ GQ Italia នៅ​ក្នុង​ថ្ងៃ​នេះ​ដោយ​បាន​ធ្វើ​ការ​សារភាព​ថា​ គេ​មិន​ពេញ​ចិត្ត​នឹង​នៅ​លេង​ឲ្យ​ Manchester United រយៈពេល​៣ឆ្នាំ​កន្លង​មក​នេះ​ទេ​ ដោយ​ចិត្ត​គេ​តែង​ចង់​ត្រលប់​មក​ Juventus វិញ​រហូត​មក​។ Pogba និយាយ​ថា​៖” ខ្ញុំ​តែង​តែ​គិត​រហូត​មក​ ហើយ​ចង់​និយាយ​ថា​ការ​សម្រេច​ចិត្ត​ត្រលប់​មក​ Juventus វិញ​នេះ​គឺ​ខ្ញុំ​ធ្វើ​តាម​បេះដូង​របស់​ខ្ញុំ​ ហើយ​វា​ក៏​បាន​ដល់​ពេល​ដែល​ខ្ញុំ​ត្រូវ​ត្រលប់​មក​ទី​នេះ​ផង​ដែរ​។ រយៈពេល​៣ឆ្នាំ​ចុង​ក្រោយ​នៅ​ Man Utd គឺ​មិន​ស្រប​តាម​អ្វី​ដែល​ខ្ញុំ​ចង់​បាន​នោះ​ទេ​ នេះ​ក៏​ដោយ​តែ​ខ្ញុំ​មាន​របួស​ច្រើន​អី​ផង​ដែរ​ ហើយ​រឿង​នេះ​ក៏​មិន​មាន​អី​ប្លែក​ថ្មី​ដែរ​ “។ កីឡាករ​នេះ​បន្ត​ថា​៖” Juventus ២ឆ្នាំ​កន្លង​ទៅ​នេះ​ក៏​អត់​បាន​ឈ្នះ​ពាន​ Scudetto ផង​ដែរ​។ អញ្ចឹង​នេះ​ជា​រឿង​ប្រកួត​ដ៏​ល្អ​សម្រាប់​យើង​ ហើយ​នេះ​ក៏​ជា​ពេល​ដែល​ខ្ញុំ​និង​ Juventus ត្រូវ​ត្រលប់​មក​ជុំ​គ្នា​ដើម្បី​យក​ជ័យ​ជំនះ​ត្រលប់​មក​វិញ​ផង​ដែរ​។ នៅ​ក្នុង​ចិត្ត​ខ្ញុំ​ អាវ​ក្លឹប​នេះ​គឺ​ពិសេស​សម្រាប់​ខ្ញុំ​ ដោយ​ជំរុញ​ខ្ញុំ​ឲ្យ​អស់​លទ្ធភាព​។ យើង​ធ្លាប់​បាន​សាង​ប្រវត្តសាស្ត្រ​រួម​គ្នា​រហូត​មក​។ ខ្ញុំ​មិន​ដែល​ភ្លេច​ក្លឹប​នេះ​ទេ​ នៅ​ពេល​ខ្ញុំ​ធ្លាប​ចាកចេញ​កន្លង​មក​។ ត្រលប់​មក​វិញ​នេះ​នឹង​ជួយ​ឲ្យ​ខ្ញុំ​កាន់​ប្រឹង​បន្ថែម​។ ក្លឹប​នេះ​ហើយ​ជា​កន្លែង​ត្រូវ​នឹង​​ខ្ញុំ​រហូត​មក​ “។ Pogba ផ្លាស់​ពី​ Juventus ទៅ​លេង​ឲ្យ​ Man Utd ៦ឆ្នាំ​កន្លង​ទៅ​នេះ​ មិន​ទទួល​បាន​លទ្ធផល​ល្អ​ប៉ុន្មាន​ទេ​ ដោយ​ក្លឹប​មិន​បាន​ឈ្នះ​ពាន​ធំ​ៗ​អ្វី​ឡើយ​


29 Sep 2022

Nico Williams

ព័រទុយហ្គាល់​​ ភ្លាត់​ចាញ់​អេស្ប៉ាញ​ចុង​ម៉ោង​ ខក​ឱកាស​​វគ្គ​ពាក់​កណ្ដាល​ផ្ដាច់ព្រ័ត្រ

ខ្សែ​ប្រយុទ្ធ Alvaro Morata រក​បាន​គ្រាប់​ចុង​ម៉ោង​​ជួយ​​អេស្ប៉ាញ​យក​ឈ្នះ​ព័រទុយហ្គាល់ ១-០ មាន​ឱកាស​បាន​ឡើង​វគ្គ​ពាក់​កណ្ដាល​ផ្ដាច់ព្រ័ត្រ​ពាន Nations League។ គ្រាប់​បាល់​របស់​អតីត​កីឡាករ Chelsea ធ្វើ​បាន​នៅ​នាទី​ទី​៨៨ ក្រោយ​មាន​ការ​បញ្ជូន​ពី​មិត្តរួម​ក្រុម Nico Williams។ ព័រទុយហ្គាល់​មាន​ឱកាស​​រក​គ្រាប់​បាល់​ដែរ​ពី​សំណាក់​ខ្សែ​ប្រយុទ្ធ Diogo Jota និង Cristiano Ronaldo ប៉ុន្តែ​ធ្វើ​មិន​បាន​សម្រេច​។ ជ័យជម្នះ​នេះ​ក្រុម​ជម្រើសជាតិ​អេស្ប៉ាញ​ឈរ​នៅ​កំពូល​តារាង Group A2 មាន​១០​ពិន្ទុ ខណៈ​ព័រទុយហ្គាល់​នៅ​លេខ​ពីរ​មាន​១០​ពិន្ទុ។ នេះ​មាន​ន័យ​ថា អេស្ប៉ាញ​បាន​កៅអី​មួយ​ឡើង​ទៅ​វគ្គ​ពាក់​កណ្ដាល​ផ្ដាច់ព្រ័ត្រ​​ជាមួយ​៣​ក្រុម​ផ្សេង​ទៀត​មាន​ដូច​ជា ក្រូអាត អ៊ីតាលី​និង​ហុល្លង់៕


28 Sep 2022

Vinicius Jr

Vinicius Jr ឡើង​តម្លៃ​ខ្លួន​ ២០លាន​អ៊ឺរ៉ូ​ នៅ​ក្នុង​ឆ្នាំ​នេះ

ខ្សែប្រយុទ្ធ​ Vinicius Jr មាន​តម្លៃ​ខ្លួន​រហូត​ទៅ​ ១២០លាន​អ៊ឺរ៉ូ​ នៅ​ក្នុង​ខណៈ​នេះ​។ បើ​យោង​តាម​ទិន្នន័យ​ទីផ្សារ​កីឡាករ​កាល​ពី​ពេល​ថ្មី​ៗ​នេះ​។ បើ​ប្រៀធៀប​រវាង​តម្លៃ​ខ្លួន​របស់​កីឡាករ​ Real Madrid រូប​នេះ​កាល​ពី​ឆ្នាំ​មុន​ និង​តម្លៃ​ខ្លួន​នៅ​ក្នុងខណៈ​នេះ​គឺ​ថា​ គេ​ឡើង​តម្លៃ​ខ្លួន​រហូត​ទៅ​ដល់​២០លាន​អ៊ឺរូ​ ដោយ​កាល​ពី​ចុង​ឆ្នាំ​មុន​ គេ​មាន​តម្លៃ​ខ្លួន​ត្រឹម​១០០លាន​អ៊ឺរ៉ូ​ប៉ុណ្ណោះ​ រី​ឯ​ពេល​នេះ​ឡើង​ដល់​ ១២០លាន​អ៊ឺរ៉​ ដែល​ជា​តម្លៃ​ខ្លួន​ខ្ពស់​បំផុត​ ដែល​មាន​គេ​មាន​។ នៅ​ក្នុង​រយៈពេល​១​រដូវកាល​កន្លង​ទៅ​នេះ​ Vinicius បាន​បង្ហាញ​ទម្រង់​លេង​បាន​ល្អ​ខ្លាំង​ ដោយ​បាន​ចូល​ប្រកួត​ ៥២ប្រកួត​ និង​ស៊ុត​ចូល​២២គ្រាប់​ ដោយ​ក្នុង​ចំណែក​ជួយ​ Real ឲ្យ​ឈ្នះ​ពាន​ធំៗ​ដូច​ជា​ La Liga និង​ UEFA Champions League ក្នុង​ពេល​តែ​មួយ​។ Vinicius ប្រឡូក​ក្នុង​អាជីព​កីឡាករ​បាល់ទាត់​ក្រុម​ឈុត​ធំ​៥ឆ្នាំ​ហើយ​ ដោយ​លេង​ឲ្យ​ Flamengo, Real Madrid Castilla និង​ Real Madrid នេះ​។ នៅ​ក្នុង​រដូវកាល​នេះ​ គេ​មាន​អាយុ​២២ឆ្នាំ​ហើយ​ បាន​បន្ត​បង្ហាញ​ទម្រង់​លេង​ដ៏​ល្អ​ ដោយ​ចូល​រួម​លេង​បាន​ ៩ប្រកួត​ និង​ស៊ុត​ចូល​៥គ្រាប់​ឲ្យ​ Real Madrid។ គេ​ក៏​រំពឹង​តំណាង​ឲ្យ​ក្រុម​ជម្រើសជាតិ​ប្រេស៊ីល​ចូល​រួម​ប្រកួត​


28 Sep 2022

Nations League

De Jong និង​ Depay សុទ្ធ​តែ​មាន​របួស​ ក្រោយ​ត្រលប់​ពី​​ជួយ​ក្រុម​ជម្រើស​ជាតិ​ហុល្លង់​

ខ្សែបម្រើ​ Frenkie de Jong និង​ ខ្សែប្រយុទ្ធ​ Memphis Depay ត្រូវ​បាន​ Barcelona ប្រកាស​នៅ​ក្នុង​ថ្ងៃ​នេះ​ថា​ មាន​របួស​សាច់​ដុំ​ភ្លៅ​ខាង​ឆ្វេង​ដូច​គ្នា​ ក្រោយ​ត្រលប់​ពី​ជួយ​ក្រុម​ជម្រើសជាតិ​ហុល្លង់​ក្នុង​ប្រកួត​ Nations Leauge សប្ដាហ៍​កន្លង​ទៅ​នេះ​។ នៅ​ក្នុង​ខណៈ​នេះ​ Barca បាន​ប្រកាស​ពួក​គេ​ទាំង​ពីរ​ កំពុង​សម្រាក​ព្យាបាល​ ដោយ​ធ្វើ​ពិនិត្យ​ឲ្យ​ច្បាស់​លាស់​បន្ត​ ដោយ​មិន​ទាន់​ដឹង​ថា​នឹង​ត្រលប់​មក​វិញ​ថ្ងៃ​ណា​ប្រាកដ​នៅ​ឡើយ​ទេ​។ De Jong និង​ Depay សុទ្ធ​តែ​បាន​ចូល​រួម​ជួយ​ហុល្លង់​ ឲ្យ​ឈ្នះ​ប្រកួត​ Nations League ទាំង​ពីរ​ប្រកួត​តទល់​នឹង​ប៉ូឡូញ​ និង​បែលហ្ស៊ិក​ សប្ដាហ៍​កន្លង​ទៅ​នេះ​។ Barca មាន​ប្រកួត​ La Liga សប្ដាហ៍​នេះ​ តទល់​នឹង​ Mallorca នៅ​ថ្ងៃ​អាទិត្យ​ខាង​មុខ​នេះ​៕


28 Sep 2022

World Cup 2022

Richarlison ត្រូវ​បាន​រើសអើង​ពូជសាសន៍ ក្រោយ​អ្នក​គាំទ្រ​គប់​ចេក​មក​លើ​គេ

សហព័ន្ធ​បាល់ទាត់​ប្រេស៊ីល​​បាន​ប្ដេជ្ញា​ប្រឆាំង​នឹង​ការ​រើសអើង​ពូជសាសន៍​កាល​ពី​យប់​ថ្ងៃ​អង្គារ​ បន្ទាប់​ពី​កីឡាករ Richarlison ត្រូវ​បាន​អ្នក​គាំទ្រ​គប់​ចេក​មក​លើ​​​ក្នុង​ជំនួប​​មិត្តភាព​ប្រេស៊ីល​ឈ្នះ​ទុយណេស៊ី ៥-១ ក្នុង​ទីក្រុង​ប៉ារីស។ ​ខ្សែ​ប្រយុទ្ធ​របស់ Spurs ខាង​លើ​​បាន​អបអរ​គ្រាប់​​បាល់​របស់​ខ្លួន​​ជួយ​ប្រេស៊ីល​នាំ​មុខ ២-១​នៅ​ក្នុង​កីឡដ្ឋាន Parc des Princes។ ហើយ​ពេល​នេះ​មាន​របស់​ជា​ច្រើន​បាន​គប់​មក​លើ​គេ ក្នុង​នោះ​ក៏​មាន​ចេក​មួយ​ផ្លែ​ផង​ដែរ។ មុន​ការ​ប្រកួត​ ក្រុម​ជើងឯក World Cup ៥​សម័យ​ប្រេស៊ីល​​​ក៏​បាន​បង្ហាញ​បដា​​ជាមួយ​សារ​ប្រឆាំង​នឹង​ការ​រើសអើង​ពូជសាសន៍​​ដោយ​បាន​សរសេរ​ថា៖ “បើ​គ្មាន​​កីឡាករ​ស្បែក​ខ្មៅ​​របស់​ពួក​យើង យើង​នឹង​មិន​មាន​​តារា​នៅ​លើ​អាវ​របស់​ពួក​យើង​ឡើយ”។ ក្រោយ​ពី​មាន​​ការ​រើសអើង​លើ Richarlison សហព័ន្ធ​បាល់ទាត់​ប្រេស៊ីល​បាន​ចេញ​មក​​ប្រតិកម្ម​ភ្លាម​ៗ​លើ​​បណ្ដាញ​សង្គម Twitter។ ពួក​គេ​បាន​សរសេរ​ថា៖ “​ជា​រឿង​សោកស្ដាយ​ចេក​មួយ​​ផ្លែ​​ត្រូវ​បាន​គប់​ចូល​ទីលាន​សំដៅ​លើ Richarlison ម្ចាស់​គ្រាប់​បាល់​ទី​ពីរ​របស់​ប្រេស៊ីល។ សហព័ន្ធ​​បាល់ទាត់​ប្រេស៊ីល​ពង្រឹង​ជំហរ​របស់ខ្លួនក្នុងការប្រយុទ្ធប្រឆាំងនឹងការរើសអើងជាតិសាសន៍ និងបដិសេធចំពោះការបង្ហាញណាមួយនៃការរើសអើង៕


28 Sep 2022

World Cup 2022

Shaw ​ការពារ​ Maguire ក្រោយ​ត្រូវ​បានអ្នក​គាំទ្រ​រិះគន់​ ​ស្នើ​ដក​ឈ្មោះពី​ក្រុម​ជម្រើសជាតិ​អង់គ្លេស​

ខ្សែការពារ​ Luke Shaw បាន​និយាយ​ទៅ​កាន់​សារព័ត៌មាន​នៅ​ក្នុង​ថ្ងៃ​នេះ​ ដើម្បី​ចេញ​មុខ​ការពារ​ ខ្សែការពារ​ Harry Maguire ដែល​ត្រូវ​បាន​អ្នកគាំទ្រ​រិះគន់​ និង​ស្នើ​សុំ​ដក​បេក្ខភាព​មិន​ឲ្យ​ចូល​រួម​ក្រុម​ជម្រើសជាតិ​អង់គ្លេស​បន្ត​ទៀត​ បន្ទាប់​ពី​បង្ហាញ​ទម្រង់​លេង​មិន​បាន​ល្អ​ ក្នុង​ប្រកួត​ Nations League សប្ដាហ៍​កន្លង​ទៅ​នេះ​។ នៅ​ក្នុង​ការ​ប្រកួត​ Nations League សប្ដាហ៍​កន្លង​ទៅ​នេះ​ អង់គ្លេស​បន្ត​មិន​ទទួល​បាន​លទ្ធផល​ល្អ​ទេ​ ដោយ​ប្រកួត​ចាញ់​នឹង​ក្រុម​ជម្រើសជាតិ​អ៊ីតាលី​ ០-១ កាល​ពី​ថ្ងៃ​ទី​២៤ ខែ​កញ្ញា​ ឆ្នាំ​២០២២ និង​ស្មើ​នឹង​ក្រុម​ជម្រើសជាតិ​អាល្លឺម៉ង់​នូវ​លទ្ធផល​ ៣-៣​ នៅ​ក្នុង​ថ្ងៃ​នេះ​។ ដោយ​សារ​តែ​លទ្ធផល​មិន​ល្អ​បែប​នេះ​ អ្នកគាំទ្រ​បន្ទោស​ជា​ពិសេស​នោះ​គឺ​ Maguire ដោយ​ថា​ទម្រង់​លេង​គេ​មិន​កើត​ និង​សុំ​ឲ្យ​ដក​ចេញ​ពី​ក្រុម​ជម្រើសជាតិ​អង់គ្លេស​ តែ​យ៉ាង​ណា​ Shaw បាន​ចេញ​មុខ​ការពារ​ដោយ​លើក​ឡើង​ថា​ Maguire ជា​កីឡាករ​ដ៏​ល្អ​អស្ចារ្យ​រហូត​មក​ មាន​តែ​គេ​ហ្នឹង​ហើយ​ចេញ​រង​កំហុស​ជំនួស​ក្រុម​សព្វបែប​យ៉ាង​ ម្នាក់ៗ​កុំ​ដាក់​បន្ទុក​គេ​ពេក​ យល់​គេ​ផង​ គេ​ក៏​បាន​ជួយ​ក្រុម​បាន​ច្រើន​រហូត​មក​ដែរ​។ ទាក់ទង​​នឹង​លទ្ធផល​មិន​ល្អ​នេះ​ អ្នកគាំទ្រ​ និង​អ្នក​វិភាគ​បាល់ទាត់​មួយ​ចំនួន​បាន​មាន​ការ​មិន​ពេញ​ចិត្ត​នឹង​ក្រុម​មួយ​នេះ​ សម្ដែង​ការ​ព្រួយបារម្ភ​ ក៏​ដូច​ជា​រិះគន់​ និង​មាន​ការ​រំពឹង​ទាប​ចំពោះ​ក្រុម​នេះ​សម្រាប់​ប្រកួត​ World Cup 2022 ដែល​ជិត​មក​ដល់​ខាង​មុខ​នេះ​៕


27 Sep 2022

Nations League

អង់គ្លេស ​ភ្លាត់​ចុង​ម៉ោង​ធ្វើ​ឲ្យ​អាល្លឺម៉ង់​តាម​ស្មើ ៣-៣

ក្រុម​ជម្រើស​ជាតិ​អង់គ្លេស​​បាន​ប្រកួត​ស្មើ​​ទល់​នឹង​អាល្លឺម៉ង់ ៣-៣ ក្នុង​ការ​ប្រកួត​ចុងក្រោយ​នៃ​ពាន​រង្វាន់ Nations League កាល​ពី​យប់​មិញ។ ក្នុង​ការ​ប្រកួត​អាល្លឺម៉ង់​បាន​នាំ​មុខ​មុន​ដល់​ទៅ​២​គ្រាប់​ធ្វើ​បាន​ដោយ​ខ្សែ​បម្រើ Ilkay Gundogan ដោយ​បាល់​ប៉េណាល់ទី និង​ខ្សែ​ប្រយុទ្ធ Kai Havertz។ យ៉ាងណាមិញ​ អង់គ្លេស​​បាន​ព្យាយាម​សម្រុក​បក​មក​វិញ​រហូត​​រក​បាន​៣​គ្រាប់​នាំ​មុខ​វិញ សម្រេច​ទី​ដោយ​កីឡាករ Luke Shaw, Mason Mount និង Harry Kane។ ខ្វះ​តែ​៣​នាទី​បញ្ចប់​ការ​ប្រកួត អាល្លឺម៉ង់​​រក​បាន​គ្រាប់​តាម​ស្មើ​ បន្ទាប់​ពី​បាល់​ខ្ទាត​ចេញ​ពី​ដៃ​អ្នក​ចាំ​ទី​ Nick Pope ហើយ Kai Havertz រត់​ទៅ​បន្ថែម។ លទ្ធផល​នេះ​អង់គ្លេស​បន្ត​នៅ​បាត​តារាង Group A3 ធ្លាក់​ទៅ​កាន់​ League B ខណៈ​អាល្លឺម៉ង់​បន្ត​នៅ League A ដដែល៕


27 Sep 2022

Thomas Tuchel

ខ្សែប្រយុទ្ធ Romelu Lukaku គ្មានបំណងត្រឡប់ទៅកាន់ក្លឹប Chelsea វិញទេ

យោងតាមសារព័តមាន Football Italia បានឲ្យដឹងថាខ្សែប្រយុទ្ធ Romelu Lukaku សប្បាយចិត្ត បន្ទាប់ពីបានត្រឡប់ទៅ Inter Milan កាលពីរដូវក្ដៅនេះហើយរូបគេគ្មានបំណងវិលត្រឡប់មក Chelsea វិញ ក្រោយចប់កិច្ចសន្យាខ្ចីជើង។ ជាការពិតណាស់ Lukaku បានវិលទៅទឹកដី Stamford Bridge វិញ កាលពីឆ្នាំមុន ក្នុងតម្លៃផ្ទេរបំបែកកំណត់ត្រាក្លិប ៩៧,៥លានផោន ។ ខណៈអ្វីៗមិនបានដូចការរំពឹងទុកនោះទេដោយរូបគេ បានបង្ហាញទម្រង់លេងមិនត្រូវចិត្ត អតីតគ្រូ Chelsea លោក Thomas Tuchel ឡើយ ។ តួយ៉ាង ក្នុងរដូវកាល២០២១/២២ កន្លងទៅ Lukaku ស៊ុតបានត្រឹម៨គ្រាប់ និង បញ្ជូនបាន១ដង ក្នងចំណោមការបង្ហាញខ្លួន២៦ប្រកួត នៅ Premier League ។ ហើយនៅរដូវកាលនេះ រូបគេត្រូវបាន Chelsea បញ្ជូនឲ្យក្លិបចាស់ Inter Milan ខ្ចីជើងរយៈពេល១រដូវកាលខណៈជម្រើសជាតិប៊ែលហ្សិករូបនេះ ត្រូវបានគេរាយការណ៍ថា កំពុងតែរីករាយជាមួយនឹងស្ថានភាពនៅ Inter


27 Sep 2022

Wojcech Szczeszny

Juventus ចាប់អារម្មណ៍ចង់បានអ្នកចាំទី David De Gea  របស់ Man United

ក្លិបសេះបង្កង់ Juventus ត្រូវសារព័ត៌មាន Calciomercato ចុះផ្សាយថា ចាប់អារម្មណ៍ចង់បាន អ្នកចាំទី David De Gea របស់ក្រុម Manchester United នៅរដូវក្ដៅឆ្នាំក្រោយ។ កុងត្រារបស់ De Gea ក្នុងការស្នាក់នៅទឹកដី Old Trafford នឹងអស់សុពុលភាពនៅរដូវក្ដៅឆ្នាំក្រោយនេះហើយ ដោយសារព័ត៌មាន TalkSPORT បានផ្សាយថា ក្លិបបិសាចក្រហមកំពុងពិចារណាថាស្នើកុងត្រាថ្មីដល់គេឬយ៉ាងណា។ នៅរដូវកាលថ្មីនេះក្រោមការដឹកនាំរបស់ Erik Ten Hag គឺ De Gea នៅតែបន្តក្លាយជាះអ្នកចាំទីដៃទី១ ដោយបង្ហាញខ្លួនបាន ៨ ប្រកួត។ បើសិនបិសាចក្រហមមិនផ្ដល់កុងត្រាថ្មីដល់គេគឺ Juventus រីករាយនឹងយក De Gea ដោយគ្មានតម្លៃខ្លួនខណៈក្នុងក្រុមមានអ្នកចាំទី Wojcech Szczeszny, Mattia Perin និង Carlo Pinsoglio ហើយ៕


27 Sep 2022

Tottenham Hotspur

Richarlison ប្រាប់​ពី​មូលហេតុ​ផ្លាស់​មក​ Spurs ចោល​ Arsenal និង​ Chelsea

ខ្សែប្រយុទ្ធ​ Richarlison បាន​និយាយ​ទៅ​កាន់​សារព័ត៌មាន​នៅ​ក្នុង​ថ្ងៃ​នេះ​ពី​មូលហេតុ​ដែល​សម្រេច​ចិត្ត​ចាកចេញ​ពី​ Everton ផ្លាស់​មក​ Tottenham Hotspur ចោល​ក្លឹប​ Arsenal និង​ Chelsea ខណៈ​ដែរ​ក្លឹប​ទាំង​ពីរ​ក៏​ចង់​បាន​គេ​ដែរ​កាល​ពី​រដូវកាល​ទិញដូរ​កីឡាករ​រដូវកាល​ក្ដៅ​កន្លង​ទៅ​នេះ​។ Richarlison បាន​និយាយ​ថា​៖” ខ្ញុំ​ដឹង​ថា​ Chelsea ក៏​បាន​ដាក់​តម្លៃ​ចង់​ទិញ​យក​ខ្ញុំ​ផង​ដែរ​ ហើយ​ខ្ញុំ​ក៏​ជឿជាក់​ថា​ Arsenal ក៏​បាន​ទាក់ទង​មក​ Everton សួរនាំ​ពី​រឿង​នេះ​ផង​ដែរ​ ក៏​ប៉ុន្តែ​ខាង​ Spurs វិញ​ចូល​មក​ដល់​ ហើយ​បោះ​លុយ​សុទ្ធ​ទិញ​យក​តែ​ម្ដង​។ អ្នក​ទាំង​អស់​គ្នា​ច្បាស់​យល់​ហើយ​ គឺ​ថា​ស្រួល​អញ្ចឹង​តែ​ម្ដង​ “។ កីឡាករ​នេះបន្ត​ថា​៖” កាល​ហ្នឹង​ Everton ត្រូវ​បាន​លក់​កីឡាករ​មួយ​ចំនួន​ដើម្បី​កុំ​ឲ្យ​មាន​បញ្ហា​ជា​មួយ​ច្បាប់​ហិរញ្ញវត្ថុ​​ និយាយ​ឲ្យ​ស្មោះ​ត្រង់​ទៅ​អញ្ចឹង​ហើយ​ បាន​ជា​ចរចា​ផ្លាស់​មក​ក្លឹប​នេះ​គឺ​ដិត​ដល់​ប៉ុន្មាន​ទេ​។ ណា​មួយ​ទៀត​កាល​ហ្នឹង​ខ្ញុំ​កំពុង​​ស្ថិត​ក្នុង​ពេល​សម្រាក​នៅ​ប្រេស៊ីល​ ហើយ​ខ្ញុំ​ក៏​ឮ​ថា​ Spurs ចង់​បាន​ ខ្ញុំ​សប្បាយ​ចិត្ត​មែន​ទែន​ពេល​ដឹង​អញ្ចឹង​ ព្រោះ​គេ​ជា​ក្រុម​ដ៏​ធំ​ ក្រោយ​ខាង​ក្លឹប​ក៏​ធ្វើ​រឿង​ស្នាម​កុងត្រា​ហ្នឹង​ ក៏​ចប់​រួច​រាល់​ ពេល​ចរចា​ហ្នឹង​ លោក​ Conte ក៏​ទូរស័ព្ទ​មក​ខ្ញុំ​ថា​គាត់​ពេញ​ចិត្ត​ចង់​បាន​ខ្ញុំ​ ពេល​ហ្នឹង​ហើយ​ជា​មូលហេតុ​ដែល​​ខ្ញុំ​សម្រេច​ចិត្ត​មក​ជា​មួយ​គាត់​ “។ Richarlison មក​លេង​ឲ្យ​ Spurs ក្នុង​រដូវកាល​ ដោយ​ចូល​លេង​បាន​៨ប្រកួត​ និង​ស៊ុត​ចូល​២គ្រាប់​។


23 Sep 2022

Tottenham Hotspur

Ten Hag អាច​ឈ្នះ​ពាន​អ្នកចាត់ការ​ឆ្នើម​ PL ប្រចាំ​ខែ​កញ្ញា

​លោក​ Erik Ten Hag អ្នកចាត់ការ​ក្លឹប​ Manchester United ជាប់​ក្នុង​ចំណោម​បេក្ខជន​៣រូប​ ដែល​អាច​ឈ្នះ​ពាន​អ្នកចាត់ការ​ឆ្នើម​ប្រចាំ​ខែ​កញ្ញា​ របស់​ Premier League ។ នៅ​ក្នុង​ខែ​កញ្ញា​នេះ​ Ten Hag បាន​ដឹកនាំ​ Man Utd ឲ្យ​ឈ្នះ​ពាន​ ២ប្រកួត​ គឺ​ឈ្នះ​នឹង​ Leicester City ១-០ និង​ឈ្នះ​នឹង​ Arsenal ៣-១ ដែល​ធ្វើ​ឲ្យ​ក្រុម​របស់​លោក​ឈរ​នៅ​ចំណាត់​ថ្នាក់​ទី​៥ ក្នុង​តារាង​ប្រកួត​ Premier League ក្នុង​ពេល​នេះ​។ ចំពោះ​បេក្ខជន​២រូប​ទៀត​ ដែល​អាច​ឈ្នះ​ពាន​អ្នកចាត់ការ​ឆ្នើម​ប្រចាំ​ខែ​កញ្ញា​ PL នេះ​គឺ​ លោក​ Antonio Conte អ្នកចាត់ការ​ក្លឹប​ Tottenham Hotspur និង​ លោក​ Gary O’Neil អ្នកចាត់ការ​ក្លឹប​ Bournemouth៕


23 Sep 2022

Xavi Hernandez

PSG ត្រៀមប្រាក់២០លានទិញយកកីឡាករ Griezmann ពី Barca

ក្លិប Paris Saint-Germain កំពុងចាប់អារម្មណ៍ចង់ទិញយកខ្សែប្រយុទ្ធ Antonie Griezmann ក្នុងតម្លៃធូរថ្លៃត្រឹម ២០លានដុល្លារ នេះបើយោងតាមការផ្សាយរបស់ El Nacional ។ ភាគីលោក Christophe Galtier ចង់ទិញយកកីឡាករសញ្ជាតិបារាំងរូបនេះនៅរដូវក្ដៅឆ្នាំ២០២៣ ខណៈដែល Griezmann កំពុងធ្លាក់ទម្រង់លេងនៅរដូវកាលទី២នៅ Atletico Madrid ក្នុងលក្ខខណ្ឌខ្ចីជើង។ លោក Xavi Hernandez ជាគ្រូបង្វឹករបស់ Barca មិនចង់បាន Griezmann ត្រឡប់មកទឹកដី Camp Nou វិញនោះឡើយក្នុងករណីដែល Atletico Madrid មិនទិញយកគេផ្ដាច់។ ដូច្នេះ PSG ឆក់ឱកាសនេះចង់ទិញយកអតីតតារាឆ្នើមរបស់ Real Sociedad ម្នាក់នេះខណៈកុងត្រារបស់គេជាមួយ Barca មានសុពុលភាពរហូតដល់ឆ្នាំ២០២៤៕


23 Sep 2022

Robertson

Robertson ថា បើមិនបានចូលនិវត្តន៍នៅ Liverpool គេចង់បញ្ចប់អាជីពនៅក្លិប Celtic

ខ្សែការពារស្លាបឆ្វេង Andrew Robertson បានលើកឡើងថា ប្រសិនបើគេមិនបានចូលនិវត្តន៍ជាមួយ Liverpool នោះទេ នោះ គេចង់បញ្ចប់អាជីពជាមួយ Celtic។ ជាការពិតណាស់ Robertson ចាប់ផ្តើមអាជីពដំបូងជាយុវជនថ្នាលរបស់ Celtic នៅក្នុងឆ្នាំ ២០០៩ មុនពេលដែលគេព្យាយាមប្រឹងប្រែងរហូតដល់ជោគជ័យដូចសព្វថ្ងៃជាមួយ Liverpool។ Robertson បាននិយាយថា៖ “គ្រប់ពេលដែលខ្ញុំទស្សនាការប្រកួតរបស់ Celtic ខ្ញុំតែងតែគិតអំពីការចូលនិវត្តន៍នៅទីនោះ។ យ៉ាងណាក៏ដោយ គំនិតដំបូងរបស់ខ្ញុំ គឺ ចង់ចូលនិវត្តន៍នៅ Liverpool”៕


23 Sep 2022

manchester united

De Jong ឆ្លើយ​តប​ពី​​មូលហេតុ​មិន​ទៅ​​ Man Utd ឬ​​ Chelsea ខណៈ​ក្លឹប​ទាំង​ពីរ​ចង់​បាន

​ខ្សែ​បម្រើ​ Frenkie de Jong បាន​និយាយ​ទៅ​កាន់​សារព័ត៌មាន​ឆ្លើយ​នឹង​បញ្ហា​ពាក់ព័ន្ធ​នឹង​មូលហេតុ​ដែល​កីឡាករ​នេះ​មិន​ផ្លាស់​​ចេញ​ពី​ក្លឹប​ Barcelona ទៅ​កាន់​ក្លឹប​ Manchester United ឬ​ក៏​ក្លឹប​ Chelsea ខណៈ​ក្លឹប​ទាំង​ពីរ​ដេញ​ចង់​បាន​គេ​រហូត​មក​កាល​ពី​រដូវកាល​ទិញ​ដូរ​កីឡាករ​រដូវកាល​ក្ដៅ​កន្លង​ទៅ​នេះ​។ De Jong បាន​និយាយ​ថា​៖” សម្រាប់​ខ្ញុំ​គឺ​ថា​ខ្ញុំ​ធ្លាប់​សម្រេច​ច្បាស់​លាស់​ហើយ​កាល​ពី​ខែ​ឧសភា​ ថា​ខ្ញុំ​នឹង​នៅ​បន្ត​ជា​មួយ​ក្លឹប​នេះ​ដដែល​ អញ្ចឹង​ហើយ​ចិត្ត​របស់​គឺ​អត់​ត្រូវ​មាន​ការ​គិត​គូរ​ពី​​រឿង​ទាំង​ហ្នឹង​ទេ​។ ខ្ញុំ​មាន​អារម្មណ៍​ថា​នៅ​ក្លឹប​នេះ​ស្វាគមន៍​ខ្ញុំ​ ទាំង​មិត្ត​រួម​ក្រុម​ខ្ញុំ​ក៏​អញ្ចឹង​ អត់​មាន​អី​ប្រែប្រួល​ផង​ “។ កីឡាករ​នេះ​បន្ត​ថា​៖” ពាក់ព័ន្ធ​នឹង​ Chelsea និង​ Man Utd ចង់​បាន​? និយាយ​ទៅ​មាន​រឿង​ជា​ច្រើន​ដែល​បាន​កើត​ឡើង​ ហើយ​រឿង​ខ្លះ​ស្មុគស្មាញ​បន្តិច​ ប៉ុន្តែ​ខ្ញុំ​សម្រេច​ចិត្ត​ហើយ​តាំង​ពី​ដំបូង​ថា​នៅ​ទី​នេះ​បន្ត​ “។ កាល​ពី​រដូវកាល​ទិញ​ដូរ​កីឡាករ​រដូវកាល​ក្ដៅ​កន្លង​ទៅ​នេះ​ De Jong ត្រូវបាន​ Man Utd និង​ Chelsea ចង់​បាន​ដោយ​ជាពិសេស​គឺ​ Man Utd បាន​ហ៊ាន​ឲ្យ​ថ្លៃ​ជា​ច្រើន​ដើម្បី​ចង់​បាន​ ប៉ុន្តែ​នៅ​តែ​ត្រូវ​បាន​បដិសេធ​ដោយ​សមី​ខ្លួន​។ តាម​ប្រភព​ល្ហិចល្ហៀង​ជា​ច្រើន​បាន​ឲ្យ​ថា​ មូលហេតុ​មួយ​ក្នុង​ចំណោម​ច្រើន​ ដែល​ធ្វើឲ្យ​ De Jong មិន​ទាន់​ចង់​ចាកចេញ​ ព្រោះ​ Barca មិន​ទាន់​ឲ្យ​លុយ​​ជំពាក់​នឹង​កីឡាករ​នេះ​អស់​នៅ​ឡើយ​៕


23 Sep 2022

World Cup 2022

Bale ពេញ​ចិត្ត​ខ្លាំង​នឹង​អ្នកគាំទ្រ​នៅ​ MLS នឹង​សង្ឃឹម​ អាចចូល​រួម​ World Cup 2022

ខ្សែប្រយុទ្ធ​ Gareth Bale ដែល​បច្ចុប្បន្ន​ជា​កីឡាករ​របស់​ក្លឹប​ Los Angeles (LAFC) ក្របខ័ណ្ឌ​ MLS បាន​ឆ្លើយ​តប​ទៅ​នឹង​សារព័ត៌មាន​ទាក់ទង​នឹង​អាជីព​របស់​គេ​នៅ​លីគ​អាមេរិក​មួយ​នេះ​ ដោយ​ថា​គេ​ពេញ​ចិត្ត​នឹង​នៅ​ទី​នេះ​ ព្រោះ​មាន​អ្នកគាំទ្រ​ជួយ​គាំទ្រ​បាន​ខ្លាំង​នៅ​ក្នុង​ថ្ងៃ​នេះ​។ Bale បាន​ចប់​កុងត្រា​នឹង​ Real Madrid រួច​ក៏​បាន​ផ្លាស់​មក​ LAFC ក្នុង​លក្ខខណៈ​ Free Agent ដោយ​មក​ទល់​នឹង​ពេល​នេះ​គឺ​ចូល​រួម​លេង​បាន​១១ប្រកួត​ និង​ស៊ុត​ចូល​២គ្រាប់​។ ទាក់ទង​នឹង​ជីវិត​និង​អាជីព​នៅ​ MLS នេះ​កីឡាករ​សញ្ជាតិ​វែល​រូប​នេះ​បាន​លើក​ឡើង​ថា​ មាន​ការ​ពេញ​ចិត្ត​នឹង​អ្នកគាំទ្រ​ខ្លាំង​ ព្រោះ​អ្នកគាំទ្រ​មាន​ការ​គាំទ្រ​ខ្លាំង​ និង​ទុក​ពេល​វេលា​ឲ្យ​បង្ហាញ​សមត្ថភាព​ឲ្យ​អស់​ពី​ខ្លួន​តែ​ម្ដង​ ដោយ​គ្រួសារ​គេ​ និង​គេ​ខ្លួន​ឯង​នៅ​ពេល​នេះ​គឺ​ពេញ​ចិត្ត​នឹង​ទី​នេះ​ខ្លាំង​ ដោយ​កាយ​សម្បទា​ និង​ទម្រង់​លេង​របស់​គេ​គឺ​កាន់​តែ​ប្រសើរ​ក្នុង​ខណៈ​នេះ​។ ទន្ទឺម​នឹង​ការ​ខិត​ខំ​នៅ​ LAFAC ​កីឡាករ​វ័យ​៣៣ឆ្នាំ​រូប​នេះ​គឺ​តែ​បង្ហាញ​ចិត្ត​ចង់​ចូល​រួម​ប្រកួត​ World Cup 2022 ដោយ​គេ​ថា​ គេ​ត្រៀម​ជា​និច្ច​សម្រាប់​ក្រុម​ជម្រើសជាតិ​ ដោយ​នឹង​ខិត​ខំ​ជា​និច្ច​ រួច​អ្វីៗ​គឺ​ស្ថិត​លើ​គ្រូ​ក្រុម​ជម្រើសជាតិ​ជា​អ្នក​សម្រេច​។ Bale ក៏​មាន​ឈ្មោះ​ចូល​លេង​ក្នុង​ប្រកួត​ Nations League ឲ្យ​ក្រុម​ជម្រើសជាតិ​វែល​ក្នុង​ខែ​នវ​ផង​ដែរ​៕​


23 Sep 2022

World Cup

Cannavaro ក្លាយ​ជា​​អ្នក​ចាត់​ការ​ក្នុង​​ក្លឹប​​មួយ​នៅ​ Serie B

លោក Fabio Cannavaro សមាជិក​ឈ្នះ​ World Cup ជាមួយ​អ៊ីតាលី​ ពេល​នេះ​បាន​ឡើង​កាន់​តំណែង​ជា​អ្នក​ចាត់​ការ​នៅ​អឺរ៉ុប​​ជា​លើក​ដំបូង​ក្នុង​ក្លិប​ Benevento ក្នុង​ក្របខណ្ឌ Serie B។ Cannavaro ដែល​ជា​ប្រធាន​ក្រុម​​នាំ​អ៊ីតាលី​ឈ្នះ World Cup ឆ្នាំ​២០០៦ បាន​ចូល​និវត្តន៍​ពី​បាល់ទាត់​កាល​ពី​ឆ្នាំ​២០១១ និង​បាន​ទៅ​ធ្វើ​គ្រូ​នៅ​តំបន់​អាស៊ី។ លោក​ធ្លាប់​ដឹក​នាំ​ក្លឹប​ក្នុង​ប្រទេស​ចិន​និង​អារ៉ាប៊ីសាអ៊ូឌីត​ និង​ចំណាយ​ពេល​៦​សប្ដាហ៍​​ជា​អ្នក​ចាត់​ការ​​ក្នុង​ក្រុម​ជម្រើសជាតិ​ចិន។ បុរស​វ័យ៦​៩​ឆ្នាំ​​បាន​ត្រឡប់​មក​កាន់​បាល់ទាត់​ប្រទេស​អ៊ីតាលី​ជា​លើក​ដំបូង​ចាប់​តាំង​ចាកចេញ​ពី Juventus កាល​ពី​ឆ្នាំ​២០១០។ តួនាទី​​ដឹក​នាំ​ចុងក្រោយ​របស់ Cannavaro គឺ​ជា​​គ្រូ​របស់​ក្លឹប Guangzhou FC ប៉ុន្តែ​លោក​បាន​ចាកចេញ​ពី​ក្លឹប​នេះ​កាល​​​ពី​ខែ​តុលា​ ឆ្នាំ​២០២១។ Benevento ដែល​បាន​កាត់​ចេញ​ពី Serie A កាល​ពី​រដូវ​កាល​២០២០-២១ ពេល​នេះ​កំពុង​ស្ថិត​នៅ​លេខ​១៣​ក្នុង​តារាង​ពិន្ទុ ​Serie B មាន​៧​ពិន្ទុ​ពី​ការ​លេង​៦​ប្រកួត៕


23 Sep 2022

buaksib.com ចងក្រងពត៏មានបាល់ទាត់នៅលើអេក្រង់របស់លោកអ្នករួមទាំងពត៏មានល្បីៗដែលកំពុងកើតឡើងនៅក្នុងពិភពកីឡាំបាល់ទាត់ដូចជា Juventus, ឈានចូលទៅជុំទី៤ជាក្រុមចុងក្រោយដែលឈ្នះការប្រកួតក្រុម Barcelona 3-0 យ៉ាងស្រស់ស្អាតដោយការសុតបាល់បញ្ចូលទី២គ្រាប់ជាប់គ្នារបស់កីឡាករ Paulo Dybala ខ្សែប្រយុទ្ធរបស់​ អាហ្សង់ទីន មុនពេលផ្ដួលក្រុម Real Madrid នៅវគ្គផ្ដាច់ព្រ័ត​ ២០១៧ ។

ខណះពេលដែលមួយគូរទៀតកើតហេតុការណ៏ដែលស្មានមិនដល់រហូតដល់មានការពន្យារពេលនែការប្រកួតជាគូរប្រកួតរវាងក្រុម Borussia Dortmund ជាក្រុម Monaco ដោយសារតែមានហេតុការណ៏ការបំផ្ទុះគ្រាប់បែកនៅក្បែររថយន្ដកីឡាករក្រុមអារលឿង ។

បើយ៉ោងតាមរបាយការណ៏ពត៏មានបានអោយដឹងថាក៏មានកីឡាករដែលត្រូវបានរងរបួសក្នុងហេតុការណ៏ដ៏រន្ធត់នៅពេលនោះគឺកីឡាករ Marc Bartra ដែលជាខ្លែការពារជនជាតិអេស្ប៉ាញ ។ បន្ទាប់ពីកើតហេតុការណ៏បែបនេះ UEFA (សហពន្ធ័បាល់ទាត់ទ្វីបអឺរ៉ុប) បានប្រកាសបញ្ចប់ការប្រកួត និងប្ដូរទៅប្រកួតនៅថ្ងៃបន្ទាប់ជាហេតុធ្វើអោយ Thomas Tuchel អ្នកចាត់ការក្រុម Borussia Dortmund មានការខកចិត្តយ៉ាងខ្លាំងដោយសារតែអ្នកគ្រប់គ្រងការប្រកួតពន្យាពេលនៃការប្រកួតទៅថ្ងៃបន្ទាប់ដោយមិនបានពិគ្រោះយោបល់ជាមួយគាត់ជាមុនដោយដឹងហើយថាកីឡាករប្រកួតនៅក្រុមរបស់គាត់កំពុងតែមានរបួសធ្វើអោយក្រុមទទួលបានលទ្ធផលចាញ់ក្រុម Monaco ២-៣ មុនពេលដែលក្រុមមកពីទីក្រុងទឹកអប់បានឆ្លងទៅកាន៉វគ្គពាក់កណ្ដាលផ្តាច់ព្រ័ត ។

ខណះដែលពត៏មានកីឡាបាល់ទាត់ក្របខណ័្ឌ AFC Champions League វគ្គចែកក្រុមតែមួយគត់នៅប្រទេសថៃ Muang Thong United ធ្វើបានលទ្ធផលល្អដោយធ្វើការវាយស្មើរទៅលើក្លឹប Ulsan Hyundai ក្រុមល្បីពីប្រទេសកូរ៉េដែលទទួលបានពិន្ទុ 0-0 មុននឹងឈានទៅវគ្គប្រកួតផ្តាច់ព្រ័តជាលើកដំបូងក្នុងប្រវត្តិសាស្រ្តរបស់ក្រុម ។

ដែលនៅក្នុងពេលនោះតាមរយះការរួមបញ្ចូលរបស់ក្រុម Muang Thong United ត្រូវបានលោក Kawin Thamsatchanan ផ្ដល់បទសម្ពាស៏ដល់ពត៏មានមកខាងយើងថា ” រូបខ្ញុំផ្ទាល់បានហ្វឹកហាត់និងត្រៀមខ្លួនជាស្រេចក្នុងការទទួលយកការមកកាន់ចំណុចនេះរបស់ក្រុម ដើម្បីធ្វើការប្រកួតជាមួយក្រុម Ulsan Hyundai មកពិកូរ៉េខាងត្បូង ដូចនេះហើយខ្ញុំចង់សុំអោយអ្នកទាំងអស់គ្នាជួយគាំទ្រនឹងផ្ដល់កំលាំងចិត្តអោយក្រុមខ្ញុំអោយច្រើនៗ ហើយក៏ជូនដំណឹងដល់អ្នកទាំងអស់គ្នាថា សំបុត្រសម្រាប់ចូលរួមទស្សនាការប្រកួតនៅមានច្រើនទៀត សម្រាប់អោយអ្នកគាំទ្រទាំងអស់គ្នាចូលទស្សនា” ។

ខណះដែលពត៏មានកីឡាបាល់ទាត់ក្របខណ័្ឌ AFC Champions League វគ្គចែកក្រុមតែមួយគត់នៅប្រទេសថៃ Muang Thong United ធ្វើបានលទ្ធផលល្អដោយធ្វើការវាយស្មើរទៅលើក្លឹប Ulsan Hyundai ក្រុមល្បីពីប្រទេសកូរ៉េដែលទទួលបានពិន្ទុ 0-0 មុននឹងឈានទៅវគ្គប្រកួតផ្តាច់ព្រ័តជាលើកដំបូងក្នុងប្រវត្តិសាស្រ្តរបស់ក្រុម ។

ដែលនៅក្នុងពេលនោះតាមរយះការរួមបញ្ចូលរបស់ក្រុម Muang Thong United ត្រូវបានលោក Kawin Thamsatchanan ផ្ដល់បទសម្ពាស៏ដល់ពត៏មានមកខាងយើងថា ” រូបខ្ញុំផ្ទាល់បានហ្វឹកហាត់និងត្រៀមខ្លួនជាស្រេចក្នុងការទទួលយកការមកកាន់ចំណុចនេះរបស់ក្រុម ដើម្បីធ្វើការប្រកួតជាមួយក្រុម Ulsan Hyundai មកពិកូរ៉េខាងត្បូង ដូចនេះហើយខ្ញុំចង់សុំអោយអ្នកគាំទ្រ sbobet mobile ទាំងអស់គ្នាជួយគាំទ្រនឹងផ្ដល់កំលាំងចិត្តអោយក្រុមខ្ញុំអោយច្រើនៗ ហើយក៏ជូនដំណឹងដល់អ្នកទាំងអស់គ្នាថា សំបុត្រសម្រាប់ចូលរួមទស្សនាការប្រកួតនៅមានច្រើនទៀត សម្រាប់អោយអ្នកគាំទ្រទាំងអស់គ្នាចូលទស្សនា” ។