Football Khmer News

ក្នុងពហុកីឡដ្ឋានជាតិកាលពីម្សិលមិញ ក្រុមជើងឯកលីគកំពូលកម្ពុជា ព្រះខ័នរាជស្វាយរៀង បានប្រកួតឈ្នះក្រុមជើងឯករងលីគកំពូលឡាវ Master 7 ដោយលទ្ធផល ៤ទល់នឹង១ នៅក្នុងការប្រកួតវគ្គជម្រុះ Play-Off ពានរង្វាន់ AFC Cup ជើងទីមួយ។   ៤គ្រាប់របស់ក្រុមជើងឯកលីគកំពូលកម្ពុជារកបានដោយខ្សែប្រយុទ្ធ Privat ២គ្រាប់ និងខ្សែបម្រើ ហួយ ផល្លីន ២គ្រាប់ផងដែរ ខណៈ១គ្រាប់របស់ក្រុមភ្ញៀវរកបានដោយខ្សែប្រយុទ្ធ Souleymane Coulibaly។ គួរឱ្យដឹងថា ព្រះខ័នរាជស្វាយរៀង នឹងត្រូវប្រកួត Master 7 ក្នុងជើងទីពីរ នៅទីក្រុងវៀងចន្ទន៍ នាថ្ងៃពុធ ទី២៩ មករាខាងមុខនេះ។ ដោយឡែកសម្រាប់ការប្រកួតពូល G មាន Ceres Negros របស់ហ្វីលីពីន, ក្លិបវៀតណាម Than Quang Ninh និង ក្លិបឥណ្ឌូនេស៊ី Bali United ឬក្លិបលេខ៣នៅលីគកំពូលឥណ្ឌូនេស៊ីកំពុងរង់ចាំស្រាប់៕

នៅទីបំផុតក្រុមបាល់ទាត់ Samrong United បានក្លាយជាម្ចាស់ជើងឯក Tiger Street Football 2020 ប្រចាំមណ្ឌលសៀមរាប ដែលជាមណ្ឌលទី២ ដោយយកឈ្នះក្រុមបាល់ទាត់គិរីដងរែកក្នុងលទ្ធផល៣ទល់០ វគ្គផ្តាច់ព្រ័ត្រ កាលពីថ្ងៃអាទិត្យ ។ ប្រធានក្រុម Samrong United កីឡាករ ហួត លាងហាប់ បានលើកឡើងថា នេះជាលើកទី៣ហើយ ដែលក្រុមខ្លួនបានពុះពារមកពីខេត្តឧត្តរមានជ័យមកប្រកួតនៅមណ្ឌលសៀមរាបនេះ ហើយ ការប្រជែងបានជាម្ចាស់ជើងឯកលើកទី៣នេះ គេសប្បាយរីករាយខ្លាំងណាស់ ព្រោះក្រុមគេនឹងឡើងទៅលេងនៅរាជធានីភ្នំពេញ ដើម្បីបានឱកាសជួបផ្ទាល់ជាមួយតារាបាល់ទាត់ពិភពលោក។ កីឡាករ ហួត លាងហាប់ អះអាងទៀតថា អ្វីដែលជាចំណុចខ្លាំងដែលធ្វើឲ្យក្រុមខ្លួនក្លាយជាម្ចាស់ជើងឯកប្រចាំមណ្ឌលសៀមរាប៣ឆ្នាំជាប់គ្នានេះ គឺដោយសារតែក្រុមរបស់គេមានកីឡាករនៅក្នុងក្រុមធ្លាប់លេងជាមួយគ្នាទម្រង់លេងគឺស៊ីសង្វាក់គ្នាល្អបូករួមទាំងការសាមគ្គីក្នុងក្រុមល្អផងនោះ ទើបធ្វើឲ្យក្រុមទទួលបានជោគជ័យ និងក្លាយជាជើងឯកប្រចាំមណ្ឌលសៀមរាប៣ឆ្នាំជាប់ៗគ្នា។ ប្រធានក្រុមរូបនេះ បញ្ជាក់ទៀតថាក្រុមបាល់ទាត់ Samrong United ខេត្ត ឧត្តរមានជ័យនេះ ធ្លាប់បានទៅលេងវគ្គផ្តាច់ព្រ័តនៅរាជធានីភ្នំពេញ២លើករួចមកហើយ ហើយលទ្ធផលគឺបិះឡើងដល់វគ្គកណ្តាលផ្តាច់ព្រ័ត្រ ហើយសម្រាប់លើកទី៣នេះ គេតាំងចិត្តដ៏មោះមុតថា និងពង្រឹងការហ្វឹកហាត់ឲ្យខ្លាំងបន្ថែមទៀត ដើម្បីឈានទៅដណ្តើមជើងឯកទូទាំងប្រទេសឲ្យបាន លើមុខមាត់ខេត្តឧត្តរមានជ័យ។​ ជាមួយគ្នានេះ ប្រធានក្រុមរូបនេះ បានថ្លែងអំណរគុណដល់ក្រុមហ៊ុនស្រាបៀរ Tiger(CBL)​​ ដែលបានបង្កើតព្រឹត្តិការណ៍ប្រកួតនេះឡើង បានផ្តល់ឱកាសឲ្យពួកគេបានបង្ហាញសមត្ថភាព ពិសេសបានបង្ហាញនូវក្តីស្រលាញ់ចំពោះបាល់ទាត់ដែលពួកយើងមាន ដើម្បីឈានទៅអភិវឌ្ឍខ្លួនក្លាយជាកីឡាករអាជីពនៅពេលខាងមុខ។ សម្រាប់មហាព្រឹត្តិការណ៍បាល់ទាត់ដ៍ធំប្រចាំប្រទេសកម្ពុជា គឺ Tiger Street Football

ក្លឹបបាល់ទាត់ភ្នំពេញក្រោន មានសេចក្តីសោមន្សរីករាយក្នុងការប្រកាសតែងតាំងលោក ស៊ុំ វណ្ណា ជាគ្រូបង្វឹកអចិន្ត្រៃយ៍សម្រាប់ក្រុមធំក្នុងការត្រៀមរដូវកាលថ្មីនេះ។ លោក ស៊ុំ វណ្ណា បានចូលរួមជាមួយក្លឹបបាល់ទាត់ភ្នំពេញក្រោន កាលពីរដូវកាល២០១៩ ក្នុងនាមជាជំនួយការគ្រូបង្វឹក និងបានប្រកាសតែងតាំងជាគ្រូបង្វឹកបណ្តោះអាសន្នជំនួសលោក Leonardo Vitorino ដែលត្រូវបានក្លឹបសម្រេចចែកផ្លូវកាលពីខែឧសភា។ ខណៈប្រកួតដំបូងក្នុងនាមជាគ្រូបង្វឹកបណ្តោះអាសន្នលោកបានដឹកនាំ ភ្នំពេញក្រោន ទទួលបានជ័យជម្នះ៣ទល់០ អគ្គស្នងការដ្ឋាននគរបាលជាតិ កាលពីថ្ងៃទី១២ ខែឧសភា​ ឆ្នាំ២០១៩។ ក្នុងនាមជាគ្រូបង្វឹកបណ្តោះអាសន្នពេញមួយរដូវកាល២០១៩ លោក ស៊ុំ វណ្ណា បានដឹកនាំក្រុមចំនួន២៥ប្រកួត ឈ្នះ១៦ ស្មើ៤ និង៥ គ្រប់ការប្រកួតពានរង្វាន់ទាំងអស់(លីគកំពូលកម្ពុជា និងពានរង្វាន់សម្តេចតេជោហ៊ុន សែន)។ គ្រូបង្វឹកវ័យ៣៩ឆ្នាំរូបនេះ បានសាងស្នាដៃនារដូវកាលដំបូងដោយជួយឲ្យក្រុមទទួលបានចំណាត់ថ្នាក់លេខ៣នៅក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០១៩ និងបញ្ចប់ចំណាត់ថ្នាក់លេខ៦ ក្នុងលីគកំពូលកម្ពុជា៕

ក្លិបបាល់ទាត់ភ្នំពេញក្រោន មានសេចក្តីសោមន្សរីករាយប្រកាសជាផ្លូវការចុះកិច្ចសន្យាជាមួយកីឡាករ Andrés Nieto និងក្លាយជាកីឡាករសញ្ជាតិកូឡុំប៊ី ដំបូងគេបង្អស់មកប្រកបអាជីពនៅកម្ពុជា។ ខ្សែបម្រើប្រយុទ្ធវ័យ២៣ឆ្នាំរូបនេះ នឹងក្លាយជាកីឡាករបរទេសទី២ដែលក្លិបភ្នំពេញក្រោន នាំយកសម្រាប់រដូវកាលថ្មីនេះ។ Nieto បានចាប់ផ្តើមហ្វឹកកហាត់បាល់ទាត់ចាប់តាំងពីអាយុ៥ឆ្នាំ ជាមួយក្លិប Ibague នៅស្រុកកំណើត។ ខណៈកីឡាករមកពីទ្វីបអាមេរិកឡាទីនរូបនេះ ក៏បានជំហ៊ានហ្វឹកហាត់ជាមួយសាលាបាល់ទាត់យុវជនថ្នាល Academia Toilimense ក្នុងនាមជាយុវជនថ្នាល មុនពេលវិវត្តិន៍ខ្លួនទៅជាកីឡាករអាជីពជាមួយក្លិប Deportes Tolima របស់កូឡ៉ំប៊ី។ បន្ទាប់មកបានធ្វើការចេញទៅប្រកបអាជីពនៅក្រៅស្រុកលើកដំបូងជាមួយក្លិប Real Frontera របស់ វ៉េណេស៊ុយអេឡា, Club 6 de Febrero, Atlético San Francisco និង O&M FC នៅសាធារណរដ្ឋដូមីនីកែន៕

ខ្សែការពារស្លាបស្តាំ ឈិន ឈឿន បានបង្ហើបពីមូលហេតុដែលចាកចេញពីក្រសួងការពារជាតិ ផ្លាស់មកចូលរួមជាមួយ ព្រះខ័នរាជស្វាយរៀង គឺដោយសារតែការចង់លេងនៅក្នុងព្រឹត្តិការណ៍ AFC Cup នៅក្នុងអាជីពរបស់ខ្លួន។ ម្ចាស់អាវលេខ១៧នៅក្រុមជម្រើសជាតិបានបន្ថែមថា៖ “ខ្ញុំត្រូវស្វែងរកការប្រកួតប្រជែងថ្មីៗ និងទទួលបានបទពិសោធន៍បន្ថែមទៀត ការចាកចេញរបស់ខ្ញុំនឹងក្លាយជាឱកាសសម្រាប់កីឡាករយុវជនទទួលបានការលេងច្រើន។ ដោយឡែក វាជាឱកាសដ៏ល្អសម្រាប់ខ្ញុំក្នុងការលេងក្នុងពានរង្វាន់ AFC Cup ហើយអ្វីដែលសំខាន់បំផុតនោះគឺការលេងនៅក្នុងព្រឹត្តិការណ៍ AFC Cup ដែលយើងនឹងត្រូវជួបជាមួយក្លឹបបរទេស។” គួរឲ្យដឹងថា ព្រះខ័នរាជស្វាយរៀងគឺទើបតែទទួលបានសិទ្ធិចូលរួមប្រកួតពានរង្វាន់នេះពីសហព័ន្ធកីឡាបាល់ទាត់ទ្វីបអាស៊ីក្រោយក្លាយជាជើងឯកក្របខណ្ឌ Metfone Cambodian League 2019។ ព្រះខ័នរាជស្វាយរៀង នឹងទទួលភ្ញៀវជើងឯករងលីគកំពូលឡាវ ក្លិប Master 7 នៅថ្ងៃពុធ ទី២២ មករា សម្រាប់ជើងទីមួយ មុនទៅលេងនៅវៀងចន្ទន៍ ជើងទីពីរ ថ្ងៃពុធ ទី២៩ មករា។ ពូល G នេះមាន Ceres Negros របស់ហ្វីលីពីន, ក្លិបវៀតណាម Than Quang Ninh និង ក្លិបឥណ្ឌូនេស៊ី Bali

កាលពីម្សិលមិញ កម្មវិធីពិធីប្រគល់ពានរង្វាន់បាល់ទាត់កម្ពុជា ឆ្នាំ២០១៩ ដែលរៀបចំឡើងដោយ CNCC បានធ្វើឡើងនៅក្នុងសាលសន្នសីទចតុម្មុខ ដោយមានការចូលរួមពីសំណាក់មន្ត្រី និងកីឡាករមកពីបណ្ដាក្លឹបនានា ដែលបានចូលលេងរង្វាន់លេងក្នុងពានរង្វាន់ Metfone Cambodian League 2019 និង Hun Sen Cup 2019។ ក្នុងនោះ ខ្សែប្រយុទ្ធវ័យក្មេងកំពុងតែលេចធ្លោ និងទទួលបានការចាប់អារម្មណ៍ សៀង ចន្ធា បានឈ្នះពានរង្វាន់ដល់ទៅបួនម្នាក់​ឯក។ ពានរង្វាន់ទាំង៤បួននោះមានដូចជា៖ កីឡាករដែលមានប្រជាប្រិយភាពជាងគេប្រចាំឆ្នាំ ២០១៩ កីឡាករល្អប្រចាំឆ្នាំ ២០១៩ កីឡាករវ័យក្មេងល្អប្រចាំឆ្នាំ ២០១៩ កីឡាករល្អទាំង១១នាក់ ប្រចាំពានរង្វាន់លីគកំពូលកម្ពុជា ២០១៩ ជាមួយគ្នានេះ ខ្សែប្រយុទ្ធមានដើមកំណើតមកពីខេត្តកំពត ចាន់ វឌ្ឍនាកា ក៏បានឈ្នះពានរង្វាន់ចំនួនបីផងដែរ ដូចជា៖ កីឡាករខ្មែរទាត់បញ្ចូលទីច្រើនជាងគេ កីឡាករល្អទាំង១១នាក់ ប្រចាំពានរង្វាន់លីគកំពូលកម្ពុជា ២០១៩ កីឡាករល្អទាំង១១នាក់ ប្រចាំពានរង្វាន់សម្ដេចអគ្គមហាសេនាបតីតេជោ ហ៊ុន សែន ២០១៩ គួរឲ្យដឹងដែរថា​ សៀង ចន្ធា បានផ្លាស់ចេញពីសាលាបាល់ទាត់ជាតិបាទី មកចូលរួមជាមួយបឹងកេតហើយ ដូច្នេះនៅរដូវកាលថ្មី២០២០ខាងមុខ

យុវជន៥នាក់មកពីក្រុមបាល់ទាត់ភ្នំពេញក្រោន អាយុក្រោម១៨ឆ្នាំ ត្រូវបានក្លិបផ្តល់កិច្ចសន្យាកីឡាករអាជីព និងដំឡើងមកកាន់ក្រុមធំសម្រាប់ត្រៀមរដូវកាល២០២០ ខាងមុខនេះជាមួយនឹងក្តីសង្ឃឹមថា ពួកគេនឹងទទួលបានចំណេះដឹងក៏ដូចជាបទពិសោធន៍ថ្មីៗដើម្បីអភិវឌ្ឍសមត្ថភាពជាកីឡាករអាជីពក្នុងការប្រកួតប្រជែងទាំងកម្រិតក្លិប ឬអាចមានឱកាសជាប់ជាជម្រើសជាតិនាពេលអនាគតផងដែរ។ ចំពោះកីឡាករទាំង៥រួមមាន អ្នកចាំទី ហាន់ មាន, បម្រើកណ្តាល ឈុំ សុខហៃ, បម្រើប្រយុទ្ធ រស់ ដារ៉ាពេជ្រ ព្រមទាំងខ្សែប្រយុទ្ធ ចន ចម្រើន និង សំអុល ទីណា។ សូមបញ្ជាក់ថា ពួកគេទាំងអស់នោះសុទ្ធតែទទួលបានការបណ្តុះបណ្តាល និងហ្វឹកហាត់ជាមួយក្រុមយុវជនថ្នាលភ្នំពេញក្រោន ប្រមាណជិត៥ឆ្នាំមកហើយមុនពេលត្រូវបានជ្រើសរើសឡើងមកកាន់ក្រុមធំដោយគ្រូបង្វឹកគឺលោក ស៊ុំ វណ្ណា ផ្ទាល់៕

ក្លឹបទាំង ១៣មាន ព្រះខ័នរាជស្វាយរៀង, ណាហ្គាវើល, វិសាខា,បឹងកេត, អង្គរថាយហ្គឺរ, នគរបាលជាតិ, ភ្នំពេញក្រោន, សូលទីឡូអង្គរ, ក្រសួងការពារជាតិ, គិរីវង់សុខសែនជ័យ, អាស៊ីអឺរ៉ុបយូណាយធីត, អគ្គិសនីកម្ពុជា និងយុវជនសាលាបាល់ទាត់ជាតិបាទីអាយុក្រោម១៨ឆ្នាំ ខណៈកំពង់ចាមត្រូវអវត្តមាន។ អ្វីដែលសំខាន់ផងនោះ គណៈកម្មការប្រកួតបាល់ទាត់ជាតិកម្ពុជា CNCC នឹងរៀបចំការចាប់គូសម្រាប់ការប្រកួតក្របខណ្ឌលីកកំពូលកម្ពុជា រដូវកាលឆ្នាំ២០២០ នាពហុកីឡដ្ឋានជាតិ ថ្ងៃអង្គារ ទី១៧ ខែធ្នូ ដោយមានការចូលរួមពីតំណាងក្លឹបចំនួន ១៣។ ក្រៅពីប្រធានបទចាប់គូប្រកួតរៀងរាល់សប្ដាហ៍ គណៈកម្មការក៏មានលើកឡើងពីច្បាប់ថ្មីនានា ដែលបានចងក្រងសម្រាប់រដូវកាលថ្មីដល់ក្លឹបទាំង ១៣ផងដែរ។ សូមបញ្ជាក់ផងដែថា ការប្រកួតក្របខណ្ឌលីគកំពូលកម្ពុជា រដូវកាលឆ្នាំ២០២០ នឹងចាប់ផ្ដើមពីថ្ងៃទី១៥ ខែកុម្ភៈ ដល់ថ្ងៃទី២៥ ខែតុលា៕

ក្លឹប​កីឡាបាល់ទាត់​វិសាខា​បាន​​​ប្រ​កាស​ចុះ​អនុស្សារ​ណៈ​យោគ​យល់​គ្នា​(MoU) ជា​មួយ​ក្លិប Yokohama FC ដែល​ជា​ក្លិប​សមា​ជិក J1-League 2020 ដើម្បី​ពង្រឹង​ចំ​ណង​មិត្ត​ភាព​កម្ពុជា-ជប៉ុន និង​ពង្រីក​កិច្ច​សហ​ប្រតិបត្តិការ​ការ​ងារ​រវាង​ក្លិប​ទាំង​ពីរ។ ជា​ពិសេស​សម្រាប់​ការ​ផ្លាស់​ប្ដូរ​កីឡាករ​យុវ​ជន​ថ្នាល ក៏​ដូច​ជា​គ្រូ​បង្វឹក សំ​ដៅ​ជំ​រុញ​ការ​អភិវឌ្ឍ​ក្លឹប​ទាំង​ពីរ ឆ្ពោះ​ទៅ​រក​ភាព​រីក​ចម្រើន​របស់​ក្លឹប​បន្ថែម​ទៀត ។ ពិធីចុះ MoU នេះ បានធ្វើកាលពីថ្ងៃទី១៥ ខែ​ធ្នូ ឆ្នាំ២០១៩ ក្រោម​វត្ត​មាន​ឯក​ឧត្តម ស សុខា ស្ថាប​​និក​ក្លឹប​កី​ឡា​បាល់​​ទាត់​វិសាខា លោក​ជំទាវ កែ សួនសុភី ប្រ​ធាន​ក្លិប​កី​ឡា​បាល់​ទាត់​វិសាខា និង​លោក Onodera Hiroshi ប្រ​ធាន​ក្លិប Yokohama FC របស់​ជប៉ុន ព្រម​ទាំង​ក្រុម​ការ​ងារ​ក្លិប​ទាំង​ពីរ​ផងដែរ ៕

កាលពីពេលថ្មីៗនេះ ក្រុមបាល់ទាត់យុវជនគោព្រៃកម្ពុជា អាយុក្រោម១៨ ឆ្នាំត្រូវបាន ក្លិប Becamex Binh Doung អញ្ជើញឱ្យចូលរួមប្រកួតក្នុងពានរង្វាន់ ​BTV International Football Tournament Cup ប្រទេសវៀតណាម។ ក្រុមដែលចូលរួមប្រកួតក្នុងពាននេះ មានក្រុមយុវជនជម្រើសជាតិអាយុក្រោម២០ឆ្នាំ មកពីប្រទេសចំនួន៣ គឺ មីយ៉ាន់ម៉ា វៀតណាម កម្ពុជា និង ក្រុមបាល់ទាត់ឈុតធំ ក្លិប Becamex Binh Doung ដែលជាក្លិបលេងនៅលីគកំពូលវៀតណាម។ ដោយឡែកក្រុមបាល់ទាត់យុវជនគោព្រៃកម្ពុជា បានបង្ហាញបញ្ជីឈ្មោះកីឡាករចំនួន២០រូបដើម្បីទៅចូលរួមក្នុងពាននេះហើយ ដោយកីឡាករទាំងអស់សុទ្ធសឹងជាកីឡាករអាយុក្រោម ១៨ ឆ្នាំទាំងអស់។ ការប្រកួតនឹងចាប់ផ្តើមចន្លោះពីថ្ងៃទី១៤ ដល់ថ្ងៃទី ១៨ ខែធ្នូ ឆ្នាំ២០១៩ ក្នុងនោះ U20 វៀតណាម និង ប៉ះជាមួយនឹងក្រុមបាល់ទាត់យុវជនអាយុក្រោម១៩ឆ្នាំ កម្ពុជា នៅថ្ងៃទី១៥ ខែធ្នូ ឆ្នាំ២០១៩ វេលាម៉ោង ៦ល្ងាចនៅកីឡដ្ឋាន Binh Duong ខេត្តប៊ិនដុង ប្រទេសវៀតណាម ហើយក្រុមឈ្នះនឹងឡើងទៅជួបគ្នានោវគ្គផ្តាច់ព្រ័ត្រដណ្តើមពានរង្វាន់មួយនេះ

សៀង ចន្ធា ត្រូវបានជ្រើសរើសចូលបញ្ជី២០នាក់របស់ក្រុមបាល់ទាត់ជម្រើសជាតិកម្ពុជាអាយុក្រោម២០ឆ្នាំ ទៅចូលរួមការប្រកួតពានរង្វាន់អន្តរជាតិមួយនៅខេត្តប៊ិញយឿង ប្រទេសវៀតណាម ដែលប្រព្រឹត្តទៅពីថ្ងៃទី១៤ ដល់ថ្ងៃទី១៨ ខែធ្នូ។ ខ្សែប្រយុទ្ធវ័យ១៧ឆ្នាំជាកម្លាំងស្នូលមួយរូបសម្រាប់ក្រុមជម្រើសជាតិនាពេលកន្លងមក និងរួមចំណែកសំខាន់នាំក្រុម U22 ទៅកាន់​វគ្គពាក់កណ្ដាលផ្ដាច់ព្រ័ត្រស៊ីហ្គេមជាប្រវត្តិសាស្ត្រ។ សូមជម្រាបជូនដែរថា ពានរង្វាន់មិត្តភាពនៅខេត្តប៊ិញយឿងនេះមាន៣ក្រុមផ្សេងទៀតចូលរួម គឺ​ U20 វៀតណាម, ក្រុមធំ Becamex Binh Duong និង U20 មីយ៉ាន់ម៉ា។ U20 វៀតណាម ត្រូវជួបជាមួយ U20 កម្ពុជា នៅថ្ងៃអាទិត្យ ទី១៥ មួយថ្ងៃក្រោយម្ចាស់ផ្ទះ Binh Duong ជួប U20 មីយ៉ាន់ម៉ា។ ក្រុមឈ្នះត្រូវប៉ះគ្នា​នៅវគ្គផ្ដាច់ព្រ័ត្រ ខណៈក្រុមចាញ់ប្រកួតយកលេខ៣៕  

ក្រុមបាល់ទាត់យុវជនអាយុក្រោម ២២ឆ្នាំកម្ពុជា ជាប្រភេទកីឡាមួយ ក្នុងចំណោម ៣១ប្រភេទកីឡាដែលកម្ពុជា បញ្ជូនទៅប្រកួតប្រជែងយកមេដាយក្នុងព្រឹត្តិការណ៍កីឡា SEA Games 2019 ដែលមានប្រទេសហ្វីលីពីនធ្វើម្ចាស់ផ្ទះ។ ជាលទ្ធផលប្រភេទកីឡាករដែលលេងលើវាលស្មៅនេះ មិនទាន់ទទួលបានមេដាយនោះទេ តែបានបំបែកកំណត់ត្រា២ ក្នុងយុទ្ធនាការដែលមានរយៈពេល ២ឆ្នាំម្តង ពោលគឺ U22 កម្ពុជា បានឆ្លងផុតវគ្គចែកពូល ឆ្លងចូលវគ្គពាក់កណ្តាលផ្តាច់ព្រ័ត្រ (វគ្គ ៤ក្រុមចុងក្រោយ) ជាលើកដំបូង និងទី២នោះ គ្រាប់បំប៉ោងសំណាញ់ទីដ៏លឿនបំផុត ដែលធ្វើបានដោយកីឡាករវ័យក្មេង សៀង ចន្ធា មានត្រឹមតែ ១៨វិនាទីប៉ុណ្ណោះ ក្នុងចំណោមគ្រាប់បាល់សរុប ១១១គ្រាប់ពី ២៩ប្រកួតដែលមាន ១១ប្រទេសចូលរួម។ មួយវិញទៀត U22 កម្ពុជា ក៏បានយកឈ្នះក្រុមខ្លាំង U22 ម៉ាឡេស៊ី ក្នុងលទ្ធផល ៣-១ មួយប្រកួតកាត់សេចក្តីនៃវគ្គសន្សំពិន្ទុប្រចាំពូល A ដ៏គួរឲ្យភ្ញាក់ផ្អើលផងដែរ។ ទន្ទឺមគ្នានោះដែរ កីឡាករសំខាន់ ២រូបរបស់កម្ពុជាដែលត្រូវបានគេចាប់អារម្មណ៍ក្នុង SEA Games 2019 នេះ រួមមាន កីឡាករខ្សែប្រយុទ្ធពាក់លេខ១៤ កែវ

ក្រុមបាល់ទាត់ជម្រើសជាតិកម្ពុជា អាយុក្រោម ២២ឆ្នាំ នឹងត្រូវជួបប្រកួតជាមួយ ក្រុមជម្រើសជាតិមីយ៉ាន់ម៉ា អាយុក្រោម ២២ឆ្នាំ ក្នុងវគ្គដណ្តើមចំណាត់ថ្នាក់លេខ៣នៅ ព្រឹត្តិការណ៍ស៊ីហ្គេមឆ្នាំ២០១៩នេះនាវេលាម៉ោង៣រសៀលនេះ។ ក្រៅពីការប្រកួតថ្ងៃចុងក្រោយក្រុមទាំង២ខាងលើ ក្រុមជម្រើសជាតិវៀតណាមក៏នឹងត្រូវតទល់ជាមួយក្រុមជម្រើសជាតិឥណ្ឌូនេស៊ីនៅថ្ងៃនេះផងដែរនាវេលាម៉ោង៧ក្នុងការប្រកួតដណ្តើមមេដាយមាស។ ក្រុមរហស្សនាមគោព្រៃបានចាញ់ក្រុមជម្រើសជាតិវៀតណាមនៅវគ្គពាក់កណ្តាលផ្តាច់ព្រ័តក្នុងលទ្ធផល៤ទល់នឹង០ ខណៈដែលមីយ៉ាន់ម៉ាបានចាញ់ក្រុមជម្រើសជាតិឥណ្ឌូនេស៊ីដោយលទ្ធផល៤ទល់នឹង២។ បើរំលឹកអំពីការជួបគ្នាលើកចុងក្រោយវិញ កម្ពុជាបានបរាជ័យក្រោមថ្វីជើងរបស់មីយ៉ាន់ម៉ាដោយលទ្ធផល២ទល់នឹង១ នៅក្នុងវគ្គចែកពូលនៃព្រឹត្តិការណ៍ស៊ីហ្គេមឆ្នាំ២០១៩នេះដោយលទ្ធផល២ទល់នឹង១។

ក្រុមបាល់ទាត់ជម្រើសជាតិកម្ពុជា នឹងត្រូវក្រុមប៉ះម្ចាស់ផ្ទះហុងកុង ក្នុងប្រកួតជើងទី២ វគ្គសន្សំពិន្ទុ ប្រចាំពូល C នៃព្រឹត្តិការណ៍ FIFA World Cup 2022 នាម៉ោង ៧៖០០នាទីយប់ (ម៉ោងនៅកម្ពុជា) ថ្ងៃអង្គារ ទី១៩ ខែវិច្ឆិកា ឆ្នាំ២០១៩ ក្នុងជុំទី២ ប្រចាំទ្វីបអាស៊ីផងដែរ។ បន្ទាប់ពីបញ្ចប់ការប្រកួតលក្ខណៈមិត្តភាពជាមួយក្រុមជម្រើសជាតិម៉ុងហ្គោលី ក្នុងលទ្ធផល ១-១ កាលពីសប្តាហ៍ មុននៅពហុកីឡដ្ឋានជាតិរួចមក ក្រុមគោព្រៃកម្ពុជានឹងបន្តជួបក្រុមម្ចាស់ផ្ទះហុងកុងនៅយប់ថ្ងៃអង្គារ ទី១៩ ខែវិច្ឆិកា ឆ្នាំ២០១៩ ក្នុងប្រកួតទី៥ នៃវគ្គសន្សំពិន្ទុប្រចាំពូល C វគ្គជម្រុះពានរង្វាន់បាល់ទាត់ពិភពលោក World Cup 2022 ជុំទី២។ គួររំលឹកផងដែរថា កាលពីប្រកួតជើងទី១ នៅក្នុងទឹកដីកម្ពុជា គឺបានបញ្ចប់ក្នុងលទ្ធផលស្មើគ្នា ១-១ និងគិតត្រឹម ពេលនេះ កម្ពុជាស្ថិតនៅបាតតារាង ដោយមានតែ ១ពិន្ទុប៉ុណ្ណោះ បន្ទាប់ពីឆ្លងកាត់ ៤ប្រកួត ដោយចាញ់ ៣ដង និងស្មើ១ដង និងជាការជួបគ្នាលើកទី៧ ផងដែរគិតចាប់តាំងពីឆ្នាំ១៩៥៧ មក

តាមការបង្ហើបឱ្យដឹងពីសហព័ន្ធកីឡាបាល់ទាត់កម្ពុជា បានបញ្ជាក់ថាការប្រកួតកីឡាអាស៊ីអាគ្នេយ៍ឫ ស៊ីហ្គេម ចុងឆ្នាំ ២០១៩ នេះ នៅប្រទេសភីលីពីន ក្នុងវិញ្ញាសារបាល់ទាត់ គ្រូបង្វឹកគឺជាលោក Félix Dalmas ចំណែកឯអ្នកចាត់ការក្រុមគឺលោក Keisuke Honda។ នេះគឺជាលើកទី២ហើយ ដែលលោកទាំង២ ដឹកនាំក្រុមយុវជនអាយុក្រោម២២ឆ្នាំនេះ ព្រោះកាលពីពាន AFF U22 Championship 2018 ដែលគ្រានោះកម្ពុជា ធ្វើជាម្ចាស់ផ្ទះ កាលនោះ គឺស្ថិតនៅក្រោមការដឹកនាំរបស់ជនបរទេសទាំង ២ រូបនេះដូចគ្នា ដោយគ្រានោះ ក្រុមយុវជនគោព្រៃកម្ពុជា ធ្វើបានយ៉ាងល្អ និង បានទទួលចំណាត់ថ្នាក់លេខ ៤ ទៀតផង។ គួរបញ្ជាក់ផងដែរថា ស៊ីហ្គេម ចុងឆ្នាំនេះ នៅភីលីពីន ត្រូវបានអនុញ្ញាតិឱ្យមានកីឡាករលើសអាយុក្នុងក្រុមចំនួន ២រូប និង តម្រូវឱ្យមានសមាសភាពកីឡាករសរុបទាំងអស់ ២០ រូបតែប៉ុណ្ណោះ៕

ក្រោយបញ្ចប់រដូវកាល២០១៩ ក្លិបបាល់ទាត់ភ្នំពេញក្រោន សូមប្រកាសជាផ្លូវការក្នុងការសម្រេចចែកផ្លូវជាមួយកីឡាករ Shane Booysen, នៅ សុខសិលា និងពុំ តុលា ។ ខ្សែបម្រើ សុខសិលា បានចូលរួមជាមួយយើងកាលពីដើមរដូវកាល២០១៩ ដោយលេង ៦លើក រកបាន២គ្រាប់ គ្រប់ពានរង្វាន់ ខណៈ តុលា លេងបាន៣ប្រកួត ។ ស្របពេល Booysen ចូលរួមជាមួយយើងម្តងទៀតនាពាក់កណ្តាលរដូវកាល ដោយរកបាន៧គ្រាប់ ក្នុងចំណោម១២ប្រកួត ។ គ្រប់គ្នានៃក្លិបសូមអរគុណកីឡាករ៣រូបចំពោះកិច្ចខិតខំប្រឹងប្រែង និងការប្តេជ្ញាចិត្តរបស់គេហើយយើងសូមជូនពរអោយមានសំណាងល្អសម្រាប់ថ្ងៃអនាគត ៕

ខ្សែការពារកណ្តាល និងជាអតីតប្រធានក្រុម កីឡាករ កុក បូរីស បានសម្រេចចុះកិច្ចសន្យាចូលរួមលេងជាមួយក្លិបបាល់ទាត់ភ្នំពេញក្រោន សារជាថ្មីម្តងទៀតសម្រាប់រដូវកាល២០២០។ បុរសសញ្ជាតិខ្មែរ-បារាំងរូបនេះ ធ្លាប់ចំណាយពេល៥រដូវកាលជាមួយ ភ្នំពេញក្រោន ចាប់តាំងពីឆ្នាំ២០១២ដល់២០១៧ មុនចាកចេញត្រលប់ទៅប្រទេសបារាំង។ បូរីស ធ្លាប់លេងឲ្យក្លិបនៅប្រទេសបារាំងដូចជា Jarville JF, US Vandœuvre-lès-Nancy, FC Toul, Nancy Olympique និងភ្នំពេញក្រោន៕

ជំនួបគូជក់ចិត្តរវាងក្រុមបាល់ទាត់គោព្រៃកម្ពុជាជម្រើជាតិកម្ពុជា ប៉ះក្រុមម្ចាស់ផ្ទះហុងកុង ក្នុងវគ្គជម្រុះ World Cup 2022 និងវគ្គជម្រុះ Preliminary Joint Qualification Round 2 នៅថ្ងៃទី១៩ ខែវិច្ឆិកា ឆ្នាំ២០១៩ ចាប់ម៉ោង ១៨៖៣០ នាទីតទៅ (ម៉ោងនៅកម្ពុជា) មានផ្សាយជូនទស្សនានៅលើកញ្ចក់ទូរទស្សន៍ CTN និង Facebook Page: CBS Sport។ នេះជាការជួបគ្នាលើកទី២ រវាងក្រុមទាំងពីរក្នុងព្រឹត្តិការណ៍ខាងលើ ដែលកាលពីជើងទី១ កម្ពុជាបានប្រកួតស្មើជាមួយហុងកុង ដោយលទ្ធផល ១-១ នៅពហុកីឡដ្ឋានជាតិ រាជធានីភ្នំពេញកាលពីថ្ងៃទី៥ ខែកញ្ញា ឆ្នាំ២០១៩។ សម្រាប់ជំនួបជើងទី២ នៅថ្ងៃទី១៩ ខែវិច្ឆិកាខាងមុខនេះ កម្ពុជាបានត្រៀមខ្លួនបានយ៉ាងល្អ ដើម្បីធ្វើដំណើរទៅសួរសុខទុក្ខក្រុមម្ចាស់ផ្ទះហុងកុង។ ចំពោះកម្ពុជា មុនការប្រកួតផ្លូវការទល់នឹងហុងកុង ក៏បានណាត់ជួបគ្នាជាមួយក្រុមជម្រើសជាតិម៉ុងហ្គោលី នៅថ្ងៃទី១៤ ខែវិច្ឆិកា ដែលជាការប្រកួតមិត្តភាពកម្ដៅសាច់ដុំតែប៉ុណ្ណោះ។ ដោយឡែក ហុងកុងនឹងស្វាគមន៍ក្រុមបារ៉ែន ដែលស្ថិតក្នុងពូល C ជាមួយគ្នា ក្នុងការប្រកួតក្នុងវគ្គជម្រុះ World Cup

ក្រុមបាល់ទាត់ជម្រើជាតិកម្ពុជា នឹងត្រូវបើកទ្វារផ្ទះទទួលក្រុមជម្រើសជាតិម៉ុងហ្គោលី នាវេលាម៉ោង ៦:៣០នាទីល្ងាចនេះនៅពហុកីឡដ្ឋានជាតិ ហើយក៏ជាការប្រកួតមិត្តភាពអន្ដរជាតិក្នុងទឹកដីលើកចុងក្រោយសម្រាប់ឆ្នាំ២០១៩ របស់ក្រុមជម្រើសជាតិកម្ពុជាផងដែរ។ ចំពោះការប្រកួតមិត្តភាពនេះ គោលបំណងសំខាន់របស់ក្រុមទាំងពីរ គឺដើម្បីពង្រឹងសមត្ថភាពត្រៀមបន្ដបេសកកម្មប្រកួតជម្រុះពានរង្វាន់បាល់ទាត់ពិភពលោក ឆ្នាំ២០២០ នៅប្រទេសកាតា(FIFA World Cup Qatar 2022) រៀងៗខ្លួន ពោលគឺកម្ពុជា ត្រៀមជួបហុងកុងក្រៅដី ខណៈម៉ុងហ្គោលី ត្រូវជួបក្រុមម្ចាស់ផ្ទះមីយ៉ាន់ម៉ា នាថ្ងៃទី១៩ ខែវិច្ឆិកាខាងមុខដូចគ្នា ។ លោក Felix G.Dalmas គ្រូបង្វឹកក្រុមគោព្រៃកម្ពុជាបានអះអាងថា កូនក្រុមលោកបានត្រៀមខ្លួនហើយជាស្រេច សម្រាប់ការប្រកួតមិត្តភាពអន្ដរជាតិនេះ ដ្បិតលោកបានចាត់ទុកការប្រកួតនេះ គឺជាការត្រៀមខ្លួនដ៏ល្អរបស់ក្រុមជម្រើសជាតិកម្ពុជា ដើម្បីត្រៀមជួបក្រុមជម្រើសជាតិហុងកុង នៅទីក្រុងហុងកុង នាថ្ងៃទី១៩ ខែវិច្ឆិកាខាងមុខ ។ លោកជឿជាក់កូនក្រុមខ្លួន នឹងធ្វើបានល្អក្នុងការប្រកួតនេះ ដើម្បីប្រជែងកៅអីចុងក្រោយ ។ ដោយឡែកលោក Michael Weiss គ្រូបង្វឹកក្រុមជម្រើសជាតិម៉ុងហ្គោលី បានលើកឡើងស្រដៀងគ្នាថា ការប្រកួតថ្ងៃនេះ ពិតជាសំខាន់សម្រាប់ក្រុមខ្លួន ដើម្បីស៊ាំនឹងអាកាសធាតុ មុនជួបក្រុមអាស៊ាន គឺក្រុមមីយ៉ាន់ម៉ា។ មួយវិញទៀត លោកក៏ចង់ឲ្យកូនក្រុមស៊ាំនឹងកីឡដ្ឋាន ដែលមានអ្នកគាំទ្រចូលរួមទស្សនាច្រើននៅក្នុងប្រទេសកម្ពុជាផងដែរ មុនការប្រកួតផ្លូវការចូលមកដល់។ គួរបញ្ជាក់ថា