ខ្សែ​ប្រយុទ្ធ​វ័យ​ក្មេង Erling Braut Haaland  នៅ​តែ​បន្ត​រក​គ្រាប់​បាន​ឲ្យ Borussia Dortmund ​កាល​ពី​យប់​មិញ ត្បិត​មិន​អាច​ជួយ​ក្រុម​ឈ្នះឲ្យឡើងទៅវគ្គបន្តនៃការប្រកួតពានរង្វាន់លំដាប់ទី២ អាល្លឺម៉ង់ German DFB Cup ឆ្នាំ២០២០ ក្រោយចាញ់ម្ចាស់ផ្ទះ Werder Bremen ៣-២។

photo of Erling Haaland
Erling Haaland

១គ្រាប់របស់សមាជិកថ្មីដែលទើបចូលរួមជាមួយ Dortmund នាខែមករា ឆ្នាំ២០២០ នេះ គឹបានកើតឡើងនៅនាទីទី៦៧ ដែលជាគ្រាប់ទី៨ ក្នុងចំណោម ៤ប្រកួតរបស់គេក្នុងក្លឹបអាល្លឺម៉ង់មួយនេះ ពោលគឺនៅពេលម្ចាស់ផ្ទះ Bremen បានបើកការនាំមុខ ២-០ ទៅហើយនៅនាទីទី១៣ និងនាទីទី៣០។

យ៉ាងណាក៏ដោយ Rashica ជាអ្នករកបានគ្រាប់ទី៣ ឲ្យ Bremen នៅនាទី៧០ មុនពេល Reyna រកបានតែ ១គ្រាប់ទៀតឲ្យ Dortmund មុនត្រឡប់ទៅផ្ទះវិញ។

Haaland បាន​ងើប​ពី​កៅអី​បម្រុង​តាម​បាន​១​គ្រាប់​វិញ​ឲ្យ Dortmun ដែល​ជា​គ្រាប់​ទី​៨ ក្នុង​ការ​លេង​៨​ប្រកួត ចាប់​តាំង​ផ្ទេរ​ពី​ខែ​មករា។ Milot Rashica ជា​អ្នក​រក​គ្រាប់​ទី​៣​ឲ្យ Bremen មុន​ពេល Giovanni Reyn ទាត់​ចូល​គ្រាប់​ទី​ពីរ​ឲ្យ Dortmund

គួរបញ្ជាក់ថា ១គ្រាប់បន្ថែមនេះដែរ បានធ្វើឲ្យខ្សែប្រយុទ្ធទើបមានវ័យ ១៩ឆ្នាំ សញ្ជាតិន័រវេសកើនគ្រាប់ស៊ុតបាន ២៦គ្រាប់ក្នុងចំណោលចូលលេងបាន ៣២ប្រកួតទាំងក្នុងក្លឹប Borussia Dortmund និង RB Salzburg របស់អូទ្រីសនារដូវកាលនេះ និងក៏ជាអ្នកស៊ុតហែតទ្រីក (៣គ្រាប់) មុនគេនៅ UEFA Champions League រដូវកាលឆ្នាំ២០១៩-២០២០ ទៀតផង៕