ខ្សែបម្រើក្លិប Paris Saint Germain កីឡាករ Ander Herrera បានបង្ហើបប្រាប់គ្មានសល់ អំពីឥទ្ធិពលរបស់មិត្តរួមក្រុមថ្មីរបស់គេ គឺ កីឡាករ​ Lionel Messi។

Ander Herrera
Ander Herrera

ជាការពិតណាស់  Messi បានផ្លាស់ពី Barca មកចូលរួមជាមួយ PSG កាលពីទីផ្សារដោះដូរ កីឡាកររដូវក្តៅ កន្លងទៅ នេះបន្ទាប់ពី Barca​ បានជួបបញ្ហាហិរញ្ញវិត្ថុ នៅ ក្នុងក្លិប។ យ៉ាងណាមិញ យើងឃើញថា Messi ពុំសូវជះឥទ្ធិពលខ្លាំង ដូចកាលនៅ Barca ទេ ដោយហេតុព្រោះ គេមិនទាន់សម្របនឹងអាកាសធាតុ នៅទឹកដីថ្មីនេះបាន។

Herrera បាននិយាយថា៖ “កីឡាករល្អកម្រិតដូច Messi នេះ គេត្រូវការពេលដើម្បីសម្របខ្លួននឹងអាកាសធាតុ នៃតំបន់ថ្មីៗដែលគេទៅ មិនថា គេទៅដល់ បារាំង​ អេស្ប៉ាញ ឬ ជប៉ុន អ្វីទេឲ្យតែគេសម្របបាន គេដឹងតែបានទម្រង់ដើមមកវិញដែរហើយ។

លើសពីនេះទៅទៀត ការហ្វឹកហាត់ជាមួយគេ គឺមានភាពហ្មត់ចត់ណាស់ មិនងាយមានការលេងសើចទេ។ មួយវិញទៀត ពួកយើងទាំងអស់គ្នានៅក្នុងក្រុម ក៏ត្រូវមានតួនាទី ក្នុងការជួយជ្រោមជ្រែង ធ្វើជាអ្នកគាំទ្រគេលើទីលានដែរ ដើម្បីឲ្យគេងាយឆាប់សម្របនឹងទឹកដីថ្មីនេះបាន” ៕