Higuain រកបានគ្រាប់បាល់អោយ Juventus ឈ្នះ Inter Milan នៃក្របខ័ណ្ឌ Serie A
08 Oct 2019 - 03:08:33 SHARE
កីឡារករ Gonzalo Higuain ខ្សែប្រយុទ្ធបម្រុងរបស់ Juventus បានរកគ្រាប់បាល់ឈ្នះនៅជិតបញ្ចប់ការប្រកួត ខណៈដែលក្រុមម្ចាស់ការពារតំណែងជើងឯក Juventus បានបញ្ចប់ការចាប់ផ្តើមយ៉ាងល្អឥតខ្ចោះរបស់ក្រុម Inter Milan ក្នុងក្របខ័ណ្ឌលីក តាមរយៈការដណ្តើមបានជ័យជម្នះ ២-១ ដើម្បីឡើងឈរលើកំពូលតារាងនៃក្របខ័ណ្ឌ Serie A កាលពីថ្ងៃអាទិត្យ។
Higuain បានស៊ុតបាល់យ៉ាងខ្លាំងផុតដៃអ្នកចាំទី Samir Handanovic នៅរយៈពេល១០នាទីចុងក្រោយ ដើម្បីជួយឲ្យក្រុមរបស់លោក Maurizio Sarri នាំមុខ១ពិន្ទុលើគូប្រកួតរបស់ខ្លួន នាកីឡដ្ឋាន San Siro។ ខ្សែប្រយុទ្ធបម្រុង Higuain បានស៊ុតបាល់បញ្ចូលទីនៅនាទី ទី៨០ ក្រោយពីខ្សែបម្រើស្លាប Paulo Dybala បានរកគ្រាប់បាល់បើកឆាក នៅនាទី ទី៤ នាកីឡដ្ឋាន San Siro។ ខ្សែបម្រើសញ្ជាតិអាហ្សង់ទីនម្នាក់ទៀតគឺ Lautaro Martinez បានវាយបកដើម្បីជួយឲ្យក្រុម Inter Milan តាមស្មើវិញនៅនាទី ទី១៨ ប៉ុន្តែ លោកគ្រូបង្វឹក Antonio Conte បានរងបរាជ័យក្នុងពេលជួបអតីតក្លិបរបស់លោកជាលើកទី១ បើគិតចាប់តាំងពីចាកចេញពី Juventus ដើម្បីទៅដឹកនាំក្រុមបាល់ទាត់ជម្រើសជាតិកាលពីឆ្នាំ២០១៤។
Juventus បានឡើងទៅឈរលើកំពូលតារាង ដោយនាំមុខ១ពិន្ទុលើក្រុម Inter បន្ទាប់ពីការប្រកួត ៧លើក ខណៈដែលពួកគេកំពុងសម្លឹងរកការឈ្នះពានក្របខ័ណ្ឌលីកជាលើកទី៩ ជាប់ៗគ្នា។ Higuain បានឲ្យដឹងថា៖ «យើងបានលេងការប្រកួតដ៏អស្ចារ្យមួយនៅពេលប្រកួតជាមួយនឹងក្រុមដ៏រឹងមាំបំផុតក្នុងលីកនេះ ដែលបានឈ្នះការប្រកួត៦លើកក្នុងចំណោមការប្រកួតទាំង៦លើក។ យើងបានលេងដោយមានការប្តេជ្ញាចិត្តយ៉ាងខ្លាំង។ ពេលនេះ យើងឈរលេខ១»៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Chelsea គ្រោងសម្រេចកិច្ចព្រមព្រៀងផ្ទេរខ្សែបម្រើ Kays Ruiz Atil របស់ក្លឹប PSG
មានព័ត៌មានថា ក្លឹប Chelsea ជិតសម្រេចកិច្ចព្រមព្រៀងផ្ទេរកីឡាករវ័យក្មេង Kays Ruiz Atilរបស់ក្លឹប Paris Saint-Germain ខណ:អតីតកីឡាកររបស់ក្លឹប Chelsea លោក Claude Makeleleបានធ្វើដំណើរទៅទីក្រុងប៉ារីស ដើម្បីធ្វើការងារជាមួយខ្សែបម្រើវ័យក្មេងរូបនេះ ដែលកំពុងមិនសប្បាយចិត្តចំពោះថ្នាក់ដឹកនាំនៅក្របខណ្ឌ Ligue 1 ។ Chelsea នឹងត្រូវចរចាតម្លៃជាមួយក្លឹប PSG ដើម្បីទទួលបានហត្ថលេខារបស់ Kays ស្របពេលមន្ត្រីនៅក្លឹប PSG កំពុងមិនសប្បាយចិត្តចំពោះកង្វះការចរចារវាងក្លឹបទាំងពីរ។ មានព័ត៌មានលម្អិតថា ក្លឹប Chelsea បានទាក់ទងជាមួយតំណាងរបស់ Kays ជុំវិញលទ្ធភាពផ្ទេរមកទីក្រុងឡុងដ៍។ខ្សែបម្រើកណ្តាលវ័យ១៧ឆ្នាំរូបនេះបានចាកចេញពីក្លឹប Barcelona ទៅកាន់ទីក្រុងប៉ារីសកាលពីឆ្នាំ២០១៥ ៕
18 Jan 2020
Other News
Man Utd គ្រោងបន្តកិច្ចសន្យារយៈពេលពីរឆ្នាំដល់ខ្សែការពារ Eric Baily
ក្លឹប Man Utdបានត្រៀមកិច្ចសន្យាថ្មី២ឆ្នាំទៀត ដើម្បីរក្សាទុកខ្សែការពារ Eric Baillyដល់ឆ្នាំ២០២២។ កិច្ចសន្យារបស់កីឡាករសញ្ជាតិកូតឌីវ័ររូបនេះគ្រោងចប់នៅរដូវក្តៅនេះ ប៉ុន្តែ Man Utdចង់ពន្យារកិច្ចសន្យាបន្ថែមទៀត។ Baily មិនទាន់បានបង្ហាញមុខក្នុងក្រុមជម្រើស Man Utdនៅឡើយទេនៅរដូវកាលនេះ បន្ទាប់ពីរងរបួសក្បាលជង្គង់ អំឡុងប្រកួតកម្តៅសាច់ដុំមុនរដូវកាល ប៉ុន្តែលោក Ole Gunnar Solskjaerបានសារភាពថា Baily អាចនឹងមានឱកាសចូលរួមក្នុងក្រុមជម្រើស Man Utdសម្រាប់ជំនួបជាមួយក្រុម Liverpool ។ លោក Solskjaer បាននិយាយថា “គាត់ជិតនឹងត្រឡប់មកវិញ ហើយ។ គាត់អាចនឹងត្រឡប់មកវិញនៅចុងសប្តាហ៍នេះ។ សង្ឃឹមថា គាត់អាចលេងបាន៩០នាទីពេញ”។ បើទោះបីជាមានបញ្ហាប្រព័ន្ធការពារ ក៏លោក Solskjaer ចាត់ទុក Baily គឺជាផ្នែកសំខាន់នៃក្រុមជម្រើសរបស់លោក៕
18 Jan 2020
Other News
ក្លឹប Inter Milan នឹងសម្រេចកិច្ចព្រមព្រៀងខ្ចីជើងខ្សែបម្រើស្លាប Victor Moses របស់ Chelsea
ក្លឹបអ៊ីតាលីInter Milan ជិតសម្រេចកិច្ចព្រមព្រៀងខ្ចីជើងខ្សែបម្រើស្លាប Victor Moses ពីក្លឹប Chelsea បន្ទាប់ពីអតីតគ្រូបង្វឹកគ្រូបង្វឹក Antonio Conte បានដាក់សំណើរច្បាស់លាស់ ដើម្បីផ្ទេរកីឡាកររូបនេះ។ កីឡាករវ័យ២៩ឆ្នាំរូបនេះ ធ្លាប់លេងនៅក្រោមការដឹកនាំរបស់លោក Conte នៅពេលគ្រូបង្វឹកសញ្ជាតិអ៊ីតាលីរូបនេះដឹកនាំក្លឹប Chelseaហើយបានបង្ហាញពីបំណងចង់ផ្ទេរទៅលេងនៅក្លឹប Inter Milan ភ្លាមៗផងដែរ។ ក្លឹប Fenerbahceគឺជាក្លឹបដែលកីឡាករសញ្ជាតិនីហ្សេរីយ៉ារូបនេះលេងក្នុងកិច្ចសន្យាខ្ចីជើង ប៉ុន្តែនឹងមិនរារាំងការចាកចេញរបស់ Moses ទៅលេងនៅអ៊ីតាលីនោះទេ។ ខ្សែបម្រើស្លាបរូបនេះនឹងវិលត្រឡប់ទៅ Chelsea វិញ ដើម្បីរៀបចំលេងខ្ចីជើងទៅក្លឹប Inter Milan ភ្លាមៗ គឺរហូតដល់ខែមិថុនាដោយឥតតម្លៃផ្ទេរ៕
18 Jan 2020
Other News
Raphael Varane ប្រាប់វិធីបង្អាក់ការបណ្តើរបាល់ដ៏រស់រវើករបស់ Lionel Messi
Raphael Varane បាននិយាយដោយបើកចំហរអំពីការលំបាកក្នុងការរារាំងនិងបញ្ឈប់កំពូលខ្សែប្រយុទ្ធ Lionel Messi ឱ្យនៅស្ងៀមរឺមានន័យថាមិនអោយរូបគេធ្វើចលនាបណ្តើរបាល់នៅទីលានបានដោយងាយនោះ។ កីឡាករអន្តរជាតិបារាំងនិងជាសមាជិកជ័យលាភី World Cup ២០១៨ បានសង្កត់ធ្ងន់យ៉ាងដូច្នេះថាៈ អ្នកមិនអាចធ្វើការការពារការវាយសម្រុកពីរូបគាត់ដូចដែលធ្វើជាមួយខ្សែប្រយុទ្ធដទៃទៀតបានទេ។ មានន័យថារាល់ការប្រកួតដែលប្រឈមមុខមួយទល់និងមួយជាមួយ Messi គឺពិបាកបំផុតព្រោះតែបច្ចេកទេស បណ្តើរបាល់ដូចវេទមន្តរបស់ កំពូលខ្សែប្រយុទ្ធអន្តរជាតិអាហ្សង់ទីនរូបនេះធ្ចើចលនាបំលាស់ទីលឿនបំផុតនៅលើទីលាននោះ។ ប្រធានក្រុម Barcelona រូបនេះគឺជាកីឡាករ រកគ្រាប់បាល់បានច្រើនបំផុតនៅក្របខណ្ឌ La Liga រយៈពេល ១០ឆ្នាំចុងក្រោយ ពោលគឺមិនតិចជាង ២៦គ្រាប់ក្នុង១រដូវកាលនិងជាកីឡាករដ៏គ្រោះថ្នាក់បំផុតសម្រាប់ក្រុមគូប្រជែង។ យ៉ាងណាមិញជាក់ស្តែងសូម្បីតែខ្សែការពារកណ្តាលឆ្នើមនិងជាដៃគូរបស់ Verane គឺ Sergio Ramos ក៏ធ្លាប់ទទួលរងការវាយឆ្មក់និងញ៉ាក់ដាច់ចង្កេះជាញឺកញយផងដែរ ក្រោមថ្វីជើង Lionel Messi អស់រយៈពេលជាច្រើនឆ្នាំកន្លងមកនេះជាពិសសេសគឺក្នុងជំនួប El-Classico។ Varane បានរួមរស់ជាមួយក្លឹបនៅឯកីឡដ្ឋាន Santiago Bernabeu អស់រយៈពេលជិតមួយទសវត្សរ៍ ចាប់តាំងពីផ្លាស់ចេញពីក្លឹប Lens ក្នុងឆ្នាំ ២០១១ ដោយបានលើកពានរង្វាន់ Champion League បួននិង La Liga ២ដង ។
18 Jan 2020
Other News
ខ្សែបម្រើមាឌតូចមួយរូបរបស់ Liverpool អាចនឹងផ្លាស់ទៅចូលរួមជាមួយ AS Roma
យោងតាមការចុះផ្សាយរបស់ Gianluca Di Marzio ខ្សែបម្រើស្លាបរបស់ក្លិបហង្សក្រហម Liverpool កីឡាករ Xherdan Shaqiri បានកំពុងក្លាយជាប្រធានបទដែលទទួលបានការចាប់អារម្មណ៍ពីសំណាក់ក្លឹប AS Roma ។ ក្លិប Liverpool និង Roma បានបើកកិច្ចពិភាក្សារួចហើយអំពីការផ្ទេរដែលអាចទៅរួចដោយក្រុមកំពុងឈរនៅកំពូលតារាងនៃក្របខណ្ឌ Premier League សុខចិត្តអនុញ្ញាតឱ្យកីឡាករអន្តរជាតិស្វីសវ័យ ២៨ឆ្នាំរូបនេះចាកចេញក្នុងកិច្ចព្រមព្រៀងខ្ចីជើង ។ ក្រុមយក្សនៃក្របខណ្ឌ Serie A បានបង្វែរការចាប់អារម្មណ៍របស់ពួកគេទៅលើ Shaqiri បន្ទាប់ពីបានបាត់បង់គោលដៅសំខាន់ គឺកីឡាករ Matteo Politano ដែលបានផ្ទេរទៅកាន់ក្រុម Inter Milan ខណៈដែលពួកគេកំពុងសម្លឹងមើលកីឡាករមកជំនួសខ្សែបម្រើកំពុងទទួលរបួស Nicolo Zaniolo ។ សូមជម្រាបឱ្យដឹងថា អតីតខ្សែបម្រើឆ្នើមរបស់ក្លឹប Bayern Munich និង Inter Milan កីឡាករ Xherdan Shaqiri បានផ្ទេរមកកាន់ក្លឹប Liverpool ពីក្លឹប Stoke City កាលពីឆ្នាំ២០១៨
18 Jan 2020
Other News
Manchester United គ្រោងបន្តកិច្ចសន្យារយៈពេលពីរឆ្នាំដល់ខ្សែការពារ Eric Baily
Manchester United កំពុងត្រៀមបន្តកិច្ចសន្យាថ្មី២ឆ្នាំទៀត ដើម្បីរក្សាទុកខ្សែការពារ Eric Bailly ដល់ឆ្នាំ២០២២ ។ កិច្ចសន្យារបស់កីឡាករសញ្ជាតិកូតឌីវ័ររូបនេះគ្រោងចប់នៅរដូវក្តៅនេះ ប៉ុន្តែ Manchester United ចង់ពន្យារកិច្ចសន្យាបន្ថែមទៀត។ ខ្សែការពាររូបនេះមិនទាន់បានបង្ហាញមុខក្នុងក្រុមជម្រើស Man Utd នៅឡើយទេនៅរដូវកាលនេះ បន្ទាប់ពីរងរបួសក្បាលជង្គង់ អំឡុងប្រកួតកម្តៅសាច់ដុំមុនរដូវកាល ប៉ុន្តែលោក Ole Gunnar Solskjaer បានសារភាពថា Baily អាចនឹងមានឱកាសចូលរួមក្នុងក្រុមជម្រើស Man Utd សម្រាប់ជំនួបជាមួយក្រុម Liverpool ។ លោក Solskjaer បាននិយាយថា “គាត់ជិតនឹងត្រឡប់មកវិញ ហើយ។ គាត់អាចនឹងត្រឡប់មកវិញនៅចុងសប្តាហ៍នេះ។ សង្ឃឹមថា គាត់អាចលេងបាន៩០នាទីពេញ”។ បើទោះបីជាមានបញ្ហាប្រព័ន្ធការពារ ក៏លោក Solskjaer ចាត់ទុក Baily គឺជាផ្នែកសំខាន់នៃក្រុមជម្រើសរបស់លោក៕
18 Jan 2020
