ខែ្សបម្រើ Andres Iniesta បានប្រកាសជាផ្លូវការថា រូបគេនឹងចាកចេញពីក្រុម FC Barcelona នាពេលបញ្ចប់រដូវកាលនេះ ក្រោយចំណាយពេលជាង 22ឆ្នាំ ជាមួយក្លឹប។

photo of Andres Iniesta
Andres Iniesta of Barcelona

កីឡាករវ័យ 33 ឆ្នាំរូបនេះមិនទាន់បានបង្ហាញពីកន្លែងដែលគាត់នឹងត្រូវលេងនៅរដូវកាលក្រោយឡើយ ទោះបីជាគាត់ត្រូវបានផ្សារភ្ជាប់ទៅនឹងការផ្លាស់ប្តូរទៅកាន់ក្របខ័ណ្ឌចិន Super League ក៏ដោយ។

គាត់បាននិយាយប្រាប់សារព័ត៌មាន SkySports ថា៖ «នេះគឺជារដូវកាលចុងក្រោយរបស់ខ្ញុំនៅទីនេះហើយ ។ សម្រាប់​ខ្ញុំ Barcelona គឺ​ជា​ក្លឹប​ដែល​ល្អ​ជាង​គេ​លើ​លោក។ ក្លឹប​នេះ​ហើយ​ ដែល​ផ្ដល់​ឲ្យ​ខ្ញុំ​នៅ​អ្វីៗ​គ្រប់​យ៉ាង ។ ខ្ញុំសូមអរគុណដល់មិត្តរួមក្រុមដែលកន្លងមកតែងតែជួយខ្ញុំដែលធ្វើឱ្យខ្ញុំក្លាយជាកីឡាករល្អម្នាក់។ ក្តីសុបិន្តរបស់ខ្ញុំបានក្លាយជាការពិតហើយ ដែលបានឈ្នះពានរង្វាន់ជាច្រើននៃអាជីពរបស់ខ្ញុំ។ ខ្ញុំមានមោទនភាពណាស់» ៕

ប្រភពពី៖ soccerladuma