អតីតកីឡាកររបស់ក្លឹប Barcelona ខ្សែបម្រើ Andres Iniesta  យល់ព្រមបន្តកុងត្រាជាមួយក្លិប Vissel Kobe ក្នុងលីក J1 League (លីកជប៉ុន) រហូតដល់ឆ្នាំ ២០២៣ នៅពេលគាត់ឈានចូលវ័យ ៣៩ ឆ្នាំ។

Andres Iniesta
Andres Iniesta

ខ្សែបម្រើចាស់វស្សា Andres Iniesta បានចុះកុងត្រាថ្មីរយៈពេល ២ ឆ្នាំជាមួយនឹងក្លិប Vissel Kobe នៃ ក្របខ័ណ្ឌ J1 League (លីកជប៉ុន) ។ នៅថ្ងៃអង្គារនេះជាថ្ងៃកំណើតគម្រប់អាយុ ៣៧ ឆ្នាំរបស់ Iniesta ក្លឹបជប៉ុនបានបង្ហើបថាគាត់បានបន្តកុងត្រារហូតដល់ឆ្នាំ ២០២៣ ។

Andres Iniesta
Andres Iniesta

បន្ទាប់ពីអាជីពដ៏ភ្លឺស្វាងអស់រយៈពេល ២២ ឆ្នាំជាមួយក្លឹប Barcelona កីឡាករ Iniesta បានផ្លាស់មកលេងនៅប្រទេសជប៉ុនក្នុងឆ្នាំ ២០១៨ ។ កាលពីថ្ងៃទី ១ ខែមករាខ្សែបម្រើរូបនេះបានជួយ ក្រុម Vissel Kobe ឲ្យឈ្នះការប្រកួតវគ្គផ្តាច់ព្រ័ត្រពានរង្វាន់ Emperor’s Cup និងការឡើងទៅវគ្គជម្រុះ AFC Champions League ជាលើកដំបូង។ នៅខែកុម្ភៈឆ្នាំ ២០២០ ពួកគេក៏បានឈ្នះពានរង្វាន់ជប៉ុន Super Cup ផងដែរ។

Andres Iniesta
Andres Iniesta

ខ្សែបម្រើ Iniesta បានប្រាប់អ្នកយកព័ត៌មានថា“ ខ្ញុំនៅតែមានទឹកចិត្តក្នុងការបន្តគម្រោងនេះ” ។ “ខ្ញុំមានអារម្មណ៍រឹងមាំនៅពេលដែលខ្ញុំមកទីនេះកាលពីបីឆ្នាំមុនហើយខ្ញុំនៅតែមានអារម្មណ៍ដដែល” ។