photo of Andrés Iniesta
Andrés Iniesta of Barcelona

Andres Iniesta បានបញ្ជាក់នៅលើបណ្តាញសង្គម Twitter កាលពីថ្ងៃពុធថា រូបគេនឹងធ្វើដំណើរទៅកាន់ «ផ្ទះថ្មី» ជាមួយនឹង «មិត្តភ័ក្តិ» របស់គេគឺលោក Hiroshi Mikitani ដែលជាម្ចាស់ក្លិប Vissel Kobe របស់ជប៉ុន ដើម្បីបង្ហាញថា រូបគេនឹងត្រូវលេងនៅទីនោះ ក្រោយពីចាកចេញពីក្លិប Barcelona។

កីឡាករ​វ័យ​៣៤​ឆ្នាំ​បាន​ចូល​លេង​​​ចុងក្រោយ​​ដែល​ជា​ប្រកួត​ទី​៦៧៤ឲ្យ​ក្លឹប Barcelona ជា​​ជើង​ឯក La Liga កាល​ពី​ថ្ងៃ​អាទិត្យ ពេល​យក​ឈ្នះ Real Sociedad ១-០។ កាល​ពី​ម្សិលមិញ​ជម្រើស​ជាតិ​អេស្ប៉ាញ​រូប​នេះ​​បាន​បង្ហោះរូប​អង្គុយ​ជាមួយ​ប្រធាន​ក្លឹប Vissel Kobe លោក Hiroshi Mikitani និង​សរសេរ​ភ្ជាប់​ថា៖ “ឆ្ពោះ​ទៅ​ផ្ទះ​ថ្មី​ ជាមួយ​មិត្ត​របស់​ខ្ញុំ”។

លោក Mikitani វ័យ​៥៣​ឆ្នាំ​ ជាស្ថាបនិក​និង​ជា​នាយកប្រតិបត្តក្រុមហ៊ុន Rakuten ដែលឧបត្ថម្ភ Barcelona នោះ បានបង្ហោះរូបថតលើយន្តហោះឯកជនជាមួយ Iniesta ស្របពេលខ្សែបម្រើឆ្នើមអេស្ប៉ាញវ័យ៣៤ឆ្នាំរូបនេះក៏បង្ហោះរូបថតខ្លួនឯងពីលើយន្តហោះដែរ។

ក្លិប Kobe បច្ចុប្បន្នកំពុងតែស្ថិតក្នុងចំណាត់ថ្នាក់លេខ៦ នៅលើតារាងក្របខ័ណ្ឌកំពូលរបស់ជប៉ុន J-League ក្រោយពីការប្រកួត ១៥លើក ហើយពួកគេបានបញ្ចប់ក្នុងចំណាត់ថ្នាក់លេខ៩ នៅលើតារាង កាលពីរដូវកាលមុន។ ប្រសិនបើការផ្ទេរទៅកាន់ Kobe ត្រូវបានប្រកាសជាផ្លូវការ Iniesta នឹងចូលរួមជាមួយនឹងអតីតខ្សែប្រយុទ្ធរបស់ក្លិប Arsenal គឺ Lukas Podolski ក្នុងទីក្រុងភាគខាងលិចរបស់ជប៉ុនមួយនេះ ក្រោយពីរូបគេបានបំពេញការផ្ទេរពីក្លិប Galatasaray កាលពីរដូវកាលមុន

ប្រភព៖ bbc