ខ្សែ​បម្រើ​អ៊ីតាលី​ Jorginho និយាយ​ទៅ​កាន់​សារព័ត៌មាន​ The Athletic នៅ​ក្នុង​ថ្ងៃ​នេះ​ថា​ គេ​មិន​ចង់​ទៅ​លេង​នៅ​ក្លឹប​ណា​ក្រៅ​ពី​ក្លឹប​ Chelsea នោះ​ទេ​។

Jorginho
Jorginho

Jorginho បាន​និយាយ​ថា​៖” ច្បាស់​ណាស់​ខ្ញុំ​ពិត​ជា​ស្រលាញ់​ Chelsea មែន​ទែន​។ ខ្ញុំ​ពេញ​ចិត្ត​នឹង​នៅ​ទី​នេះ​ខ្លាំង​ អញ្ចឹង​គឺ​ថា​ច្បាស់​ណាស់​ខ្ញុំ​ចង់​បន្ត​នៅ​ទី​នេះ​ទៀត​”។

ខ្សែ​បម្រើ​រូប​នេះ​បន្ត​ថា​៖” ប៉ុន្តែ​យើង​ដឹង​ស្រាប់​ហើយ​ វា​មាន​រឿង​ច្រើន​ដែល​នឹង​​កើត​ឡើង​ច្រើន​ជា​បន្ត​បន្ទាប់​នៅ​ពេល​ខាង​មុខ​ ហើយ​យើង​មិន​ដឹង​វា​មុន​នោះ​ទេ​ ហើយ​ដូច​ខ្ញុំ​បាន​និយាយ​អញ្ចឹង​ ឥឡូវ​នេះ​ខ្ញុំ​នៅ​ក្លឹប​នេះ​ស្រាប់​ ហើយ​ខ្ញុំ​នៅ​មាន​កុងត្រា​ ហើយ​ខ្ញុំ​ស្រលាញ់​ក្លឹប​នេះ​ទៀត​ ខ្ញុំ​ពេញ​ចិត្ត​ខ្លាំង​នឹង​នៅ​ទី​នេះ​ អញ្ចឹង​ខ្ញុំ​មិន​គិត​ថា​ចង់​ទៅ​លេង​ណា​ផ្សេង​ក្រៅ​ពី​ក្លឹប​នេះ​នោះ​ទេ​ “។

Jorginho មក​លេង​ឲ្យ​ Chelsea ៤រដូវកាល​ហើយ​ដោយ​ចូល​រួម​លេង​បាន​ ១៨៨ប្រកួត​ ស៊ុត​ចូល​ ២៦គ្រាប់​ ដោយ​​ចប់​កុងត្រា​ជា​មួយ​ក្លឹប​នេះ​នៅ​ឆ្នាំ​២០២៣​ខាង​មុខ​៕