photo of Juventus
Juventus លត់ AC Milan លើក​ពាន​ធំ​ទី​ពីរ​របស់​អ៊ីតាលី​

ក្រុមសេះបង្កង់ Juventus បានឈ្នះ​ពាន​​អ៊ីតាលីជាលើកទី៤ ក្រោយពីបំបាក់ក្រុមបីសាចក្រហម AC Milan​ ៤-០ នៅវគ្គផ្តាច់ព្រ័ត្រ Coppa Italia Cup ដែលជាពានធំលំដាប់ទី២ របស់អ៊ីតាលី។

វាជាការឈ្នះពាន Italian Cup ជាលើកទី១៣ សម្រាប់ក្រុម Juventus ដែលក៏ត្រៀមលក្ខណៈរួចរាល់ផងដែរ ក្នុងការក្លាយជាក្រុមអ៊ីតាលីដំបូងគេក្នុងការឈ្នះពាន ២ ក្នុងរដូវកាលតែ១ ចំនួន ៤ឆ្នាំជាប់ៗគ្នា។

photo of Juventus
Juventus អបអរជ័យជំនះរបស់ខ្លួន

ជ័យ​ជម្នះ​នៅ​កីឡដ្ឋាន​ Stadio Olimpico ធ្វើ​ឲ្យ​ក្រុម​រហស្សនាម​ថា​សេះ​បង្កង់​លើក​ពាន​ធំ​ទី​ពីរ​របស់​អ៊ីតាលី​នេះ​ជា​លើក​ទី​៤​រដូវ​កាល​ជាប់​ៗ​គ្នា។​ ជំនួប​យប់​មិញ​ក្រុម​ទាំង​ពីរ​គ្មាន​ការ​ស៊ុត​បញ្ចូល​ទី​គ្នា​នោះ​ទេ​នៅ​វគ្គ​ទី​មួយ​ រហូត​ដល់​វគ្គ​ទី​ពីរ​នាទី​ ៥៦​ Dybala បាន​លើក​បាល់​ឲ្យ​ Benatia តែ​ត​បញ្ចូល​ទី​១​គ្រាប់​ មុន​ពេល​ខ្សែ​ការពារ​កណ្ដាល​រូប​នេះ​បន្ថែម​១​គ្រាប់​ទៀត​នាទី​៦៤។​ ហើយតាមដោយកីឡាករ Dounglas Costa ១គ្រាប់ទៀតនៅនាទីទី៦១ និងការទាត់ចូលទីខ្លួនឯងរបស់កីឡាករ Nikola Kalinic នៅនាទីទី៧៦។ Juventus នៅសល់ពានមួយទៀត គឺ Seria A ខណ:ក្រុមមួយ​នេះមានភាគរយខ្ពស់ ក្នុងការឈ្នះ ដោយរង់ចាំអ៊ុតតែការប្រកួតមួយប្រកួតទៀត​ប៉ុណ្ណោះ ហ្នឹងដឹងលទ្ធផលហើយ។

គួរបញ្ជាក់ថា ក្រុមរបស់លោក Massimiliano Allegri ត្រូវការត្រឹមតែ ១ពិន្ទុទៀតប៉ុណ្ណោះដើម្បីលើកពានក្របខ័ណ្ឌ Serie A ជាលើកទី៧ ជាប់ៗគ្នា ខណៈដែលនៅសល់ការប្រកួត ២លើកទៀត។