អ្នក​ចាត់​ការ Thomas Tuchel បាន​​សរសើរ​ដល់​ខ្សែប្រយុទ្ធ Kai Havertz ដែល​បាន​​ប្រឹង​លេង​ទាំង​មាន​របួស​បាក់​ម្រាម​ដៃ​ក្នុង​ជំនួប Chelsea យក​ឈ្នះ ២-០ លើ Spurs ពាន​រង្វាន់ League Cup។

Kai Havertz
Kai Havertz

Havertz រក​បាន​មួយ​គ្រាប់ ដែល​ជា​គ្រាប់​ទី​៥​ក្នុង​រដូវ​កាល​នេះ ជួយ​ឲ្យ​តោ​ខៀវ​ឈ្នះ​មាន់​ខ្នាយ​មាស ប៉ុន្តែ​កីឡាករ​សញ្ជាតិ​អាល្លឺម៉ង់​​បាន​មាន​បញ្ហា​បាក់​ម្រាម​ដៃ​នៅ​មុន​បញ្ចប់​វគ្គ​ទី​មួយ។

កីឡាករ​វ័យ​២២​ឆ្នាំ​បាន​ព្យាយាម​ប្រឹង​លេង​រហូត​ដល់​​ចប់​វគ្គ​ទី​មួយ​ បន្ទាប់​មក​ក៏​ផ្លាស់​ប្ដូរ​ចេញ​ក្នុង​វគ្គ​ទី​ពីរ​ជំនួស​ដោយ​កីឡាករ Timo Werner។ ត្រង់​ចំណុច​នេះ​លោក Tuchel បាន​សរសើរ​ថា Havertz ​មាន​បញ្ហា​ម្រាម​ដៃ។​ គេ​បាន​បាក់​ម្រាម​ដៃ​និង​មើល​ទៅ​គូរ​ឲ្យ​ស្រៀវ។ ហើយ​គេ​ខំ​លេង​ទាំង​ឈឺ​ចាប់ រហូត​ដល់​ចប់​វគ្គ​ទី​មួយ មុន​ពេល​ផ្លាស់​ប្ដូរ​ចេញ។

នេះ​គឺ​ជា​ការ​ប្រកួត​ជើង​ទី​មួយ​​ក្នុង​វគ្គ​​ពាក់​កណ្ដាល​ផ្ដាច់ព្រ័ត្រ​ពាន​រង្វាន់ League Cup រវាង Chelsea និង Spurs។ សម្រាប់​ការ​ប្រកួត​ជើង​ទី​ពីរ​នឹង​លេង​នៅ​ថ្ងៃ​ទី ១២ ខែ មករា​ខាង​មុខ៕