Keita ត្រូវបញ្ជូនទៅមន្ទីរពទ្យក្រោយរងរបួសខ្នងអំឡុងការប្រកួត Liverpool ចាញ់ Napoli យប់មិញ

កីឡាករខ្សែបម្រើ Naby Keita របស់ក្រុមហង្សក្រហម Liverpool ត្រូវបាន​បញ្ជូន​ទី​កាន់មន្ទីរពេទ្យ​កាល​ពីយប់ថ្ងៃពុធ​ បន្ទាប់ពី​កីឡាកររូបនេះមាន​បញ្ហា​របួស​ខ្នង​អំឡុងពេលប្រកួត Liverpool ប្រកួតចាញ់ក្រុមម្ចាស់ផ្ទះ Napoli ១-០ នាក្របខ័ណ្ឌ Champions League បន្ទាប់ពីចូលលេងអោយក្រុមបាន១៩នាទី។

ខ្សែបម្រើ​សញ្ជាតិហ្គីណេ​រូបនេះត្រូវ​បានសែង​ចេញពីទីលាន​នៅ​នាទី​ទី​២០​បន្ទាប់ពី​ទទួល​ការព្យាបាល​យ៉ាងយូរ​បន្ទាប់ពីប៉ះបង្គិចជាមួយ​កីឡាករ Lorenzo Insigne ដែល​រកបាន​គ្រាប់បាល់ជួយឲ្យ​ក្រុម​ Napoli ទទួលបានជ័យជំនះ ។

យោងតាមវេបសាយផ្លូវការរបស់ Liverpool បានអោយដឹងថា Keita កំពុងឆ្លងកាត់កាត់ការពិនិត្យសុខភាពមួយដើម្បីវាយតម្លៃស្ថានភាពរបួស។ មិនទាន់មានការសម្រេចចិត្តណាមួយនៅឡើយទេថារូបគេនិងត្រូវធ្វើការវះកាត់ រឺត្រូវសម្រាក ព្យាបាលរបួសរយៈពេលយូរប៉ុណ្ណា។

គួរបញ្ជាក់ថា​ ខ្សែបម្រើសញ្ជាតិហ្គីណេ Keita វ័យ ២៣ឆ្នាំដែលបានផ្ទេរពីក្រុម RB Leipzig ក្នុងតម្លៃ ៤៨លានផោននៅរដូវក្តៅនេះ។ Keita បានបង្ហាញខ្លួន ៩លើកសម្រាប់ក្រុម Liverpool នៅរដូវកាលនេះរួមទាំងការចាប់ផ្តើម ៤ប្រកួតនៅក្របខ័ណ្ឌ Premier League ។