​​​លោក Ronald Koeman អ្នក​ចាត់​ការ​របស់​ Barcelona បច្ចុប្បន្ន​បាន​​ធ្វើ​ការ​ផ្ដាំ​ផ្ញើ​ទៅ​កាន់​​អ្នក​គាំទ្រ​របស់​​​ខ្លួន​ថា រដូវ​កាលនេះ​លោក​មិន​សង្ឃឹម​​ថា​​​ ក្រុម​របស់​ខ្លួន​នឹង​អាច​ឆ្ពោះ​ទៅ​កាន់​កម្រិត​កំពូល​វិញ​ទេ។ ការ​និយាយ​បែបនេះ​ធ្វើ​ឡើង​ក្នុង​ការ​ត្រៀ​ជួប Benfica យប់​នេះ​នៅ​ទឹក​ដី​ព័រទុយហ្គាល់នៅ​ពាន​រង្វាន់​ UEFA Champions League ​។

Ronald Koeman
Ronald Koeman

​បន្ទាប់​ពី​សុបិន​អាក្រក់​ជា​មួយ Bayern Munich ​កាល​ប្រកួត​ UEFA Champions League បើ​ឆាក​ដែល​ចាញ់​ក្នុង​ដី​ខ្លួន​ឯង​ដល់​៣-០។ អ្នក​ចាត់​ការ​សញ្ជាតិ​ហុល្លង់​ត្រូវ​តែ​រៀបចំ​ការ​ក្រុមយ៉ាង​ណា​ ដើម្បី​អាច​​ទទួល​បាន​លទ្ធផល​ល្អ​មក​វិញ​នៅ​យប់​នេះ​​ សម្រាប់ការ​ប្រកួត​ទល់​ក្រុម​ Benfica នៅ​ទីលាន Estadio da Luz​ ប្រទេស​ព័រទុយហ្គាល់​។ ប៉ុន្តែ​ទោះ​ជា​យ៉ាង​អ្នក​ចាត់​ការ​ខាង​លើ​មើល​ឃើញ​ថា ក្រុម​របស់​លោក​នឹង​ស្ថិត​ក្នុង​ស្ថានភាព​​ពិបាក​ក្នុង​ការ​ប្រជែង​ពាន​ UCL នៅ​ឆ្នាំ​នេះ​ដដែល​​។

លោក​ប្រាកដ​ណាស់​ថា​ ស្ថិត​ក្នុង​ស្ថានភាព​បច្ចុប្បន្ន​ Barca ​នឹង​ពិបាក​​ក្នុង​​ការ​វិល​ទៅ​រក​កម្រិត​កំពូល​វិញ។ បើ​នៅ​ La Liga វិញ​៣​ប្រកួត​ចុង​ក្រោយ​​​ស្មើ​ពីរ​ឈ្នះ១ ហើយ​ជ័យជម្នះ​ត្រូវ​បាន​គេ​មើល​ឃើញ​ថា ​ក៏​មាន​ការ​វិល​ត្រឡប់​មក​កាន់​ទីលាន​​វិញ​របស់​​ខ្សែ​ប្រយុទ្ធ​ពាក់​លេខ​១០ Barca ថ្មី​គឺ Ansu Fati ​ថែម​ទាំង​រក​បាន​មួយ​គ្រាប់​នៅ​ចុង​ម៉ោង​ថែម​ទៀត​ផង​។​

ទាក់​ទង​​ Fati គឺ​​ក្នុង​អំឡុង​ហ្វឹកហាត់​ម្សិលមិញ​​មិន​មាន​បញ្ហា​អ្វី​ទេ​។ ក្នុង​ប្រកួត​ទល់​ Benfica នេះ​លោក Koeman ​នឹង​ព្យាយាម​ដាក់ Fati ឲ្យ​លេង​​តាម​ដែល​ Fati ច្បាស់​ខ្លួន​ឯង​ថា អាច​លេង​បាន​ប៉ុន្មាន​៕