ក្លិបហង្សក្រហម Liverpool បានប្រកាសថាពួកគេបានទិញយកខ្សែបម្រើការពារ Ben Doak ពីក្លិប Celtic នៃប្រទេសស្កុតឡេន បានសម្រេចហើយ ដោយក្លិបបានផ្ដល់ថ្លៃសងជំងឺចិត្តចំនួន ៦០០០០០ផោន(ស្មើនឹងប្រមាណ ៧៨៦០០០ ដុល្លារ)។

Ben Doak
Ben Doak

កីឡាករវ័យ១៦ឆ្នាំរូបនេះទើបតែបានឡើងមកលេងនៅឈុតធំរបស់ក្រុម Celtic នៅខែមករាតែមិនទាន់បានចុះកុងត្រាផ្លូវការនៅឡើយទេទើប Liverpool ឆក់យករូបគេតែម្ដង។

សារព័ត៌មាន The Athletic បានចុះផ្សាយថា មុនដំបូងក្លិប Leeds United ចង់ទិញយកគេប៉ុន្តែ Doak សម្រេចចិត្តថានឹងចូលរួមជាមួយ Liverpool ភ្លាមពេលដឹងថាភាគីលោក Jurgen Klopp ចង់បានគេ។

យ៉ាងណាមិញ Ben Doak មិនទាន់អាចចូលលេងឲ្យ Liverpool ទេគឺចាំរហូតទាល់តែដល់រដូវកាលក្រោយ ហើយគេរំពឹងទុកថានឹងពាក់អាវលេខ៧របស់ ខ្សែបម្រើ James Milner ទៀតផង៕