Luis Suarez ត្រៀមចាកចេញពីក្លឹប Atletico Madrid នៅបញ្ចប់រដូវកាលនេះ
16 May 2022 - 20:18:58 SHARE
ក្លិប Atletico Madrid បានប្រកាសជាផ្លូវការថា ខ្សែប្រយុទ្ធ Luis Suarez នឹងចាកចេញពីក្លិបក្រោយបញ្ចប់រដូវកាលនេះ។
ជាការពិតណាស់ Suarez បានចាកចេញពី Barcelona មករួមរស់ជាមួយ Atletico Madrid នៅក្នុងឆ្នាំ២០២០ ដោយ រូបគេបានរួមចំណែកជួយក្រុមឲ្យឈ្នះពាន La Liga នៅក្នុងឆ្នាំដំបូងតាមរយៈការបង្ហាញទម្រង់លេងដ៏លេចធ្លោ ២១គ្រាប់ក្នុងមួយរដូវកាល។
យ៉ាងណាក្តី មកទល់ពេលនេះ កុងត្រារបស់គេជាមួយក្លិបនឹងអស់សុពលភាពក្រោយបញ្ចប់រដូវកាលនេះ ហើយ ការចរចារលើការបន្តកិច្ចសន្យាថ្មីក៏មិនបានធ្វើឡើងដូចគ្នា។
ក្រោយការប្រកាសចាកចេញរបស់ Suarez ក៏មានពាក្យចចាមអារ៉ាមមួយចំនួនបានលើកឡើងថា រូបគេទំនងជានឹងវិលត្រឡប់ទៅកាន់ Barcelona បើពុំដូច្នោះទេគេនៅបន្តលេងនៅតំបន់អឺរ៉ុប ពោលគេមិនមានបំណងចង់ផ្លាស់ទៅកាន់លីគនៃសហរដ្ឋអាមេរិកនៅឡើយទេ៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Football News
Thiago Alcantara បានសរសើរ Henderson គឺជាខ្សែបម្រើល្អបំផុត
Thiago Alcantara លើកឡើងដោយមិនលាក់លាមថា Jordan Henderson គឺជាខ្សែបម្រើល្អបំផុតម្នាក់ ដែលគេធ្លាប់លេងជាមួយ។ ជាការពិតណាស់ Thiago គឺជាកីឡាករដែលមានបទពិសោធន៍ជោគជាំម្នាក់ ហើយគេធ្លាប់បានលេងជាមួយខ្សែបម្រើឆ្នើមៗជាច្រើន ក្នុងនោះមានទាំង Andrea Iniesta និង Xavi Hernandez ជាដើម ប៉ុន្តែរូបគេបានជ្រើសរើសយក Henderson ដែលជាមិត្តរួមក្រុមថ្មីនៅ Liverpool របស់ខ្លួន ថាជាខ្សែបម្រើដ៏ឆ្នើមម្នាក់៕ ដកស្រង់ពាក្យសម្តីដើមពីកាសែត ESPN UK Thiago បាននិយាយយ៉ាងដូច្នេះថា៖ “គាត់ Henderson គឺជាខ្សែបម្រើល្អបំផុតម្នាក់ ដែលខ្ញុំធ្លាប់បានលេងជាមួយនៅក្នុងជីវិតរបស់ខ្ញុំ”៕
26 Jun 2022
Football News
លោក Kevin Campbell ប្រាប់ឲ្យ Liverpool លក់ Joe Gomez ជាបន្ទាន់
លោក Kevin Campbell ឲ្យ Liverpool លក់ខ្សែការពារ Joe Gomez ចេញពីក្លិប ជាបន្ទាន់។ ជាការពិតណាស់ Gomez នៅសល់កុងត្រាជាមួយ Liverpool រហូតដល់២ឆ្នាំទៀតឯណោះ ក៏ប៉ុន្តែដោយសារ Matip និង Konate បង្ហាញទម្រង់លេងបានល្អជាង ទើបធ្វើឲ្យ Gomez មិនមែនជាជម្រើសចម្បង របស់ Liverpool តទៅទៀត។ Gomez បង្ហាញខ្លួនបានតែ ២១ប្រកួតប៉ុណ្ណោះ ក្នុងរដូវកាលនេះ ក៏ព្រោះតែ តួនាទីរបស់គេ ត្រូវមិត្តរួមក្រុមដទៃទៀត ដែលមានទម្រង់លេងល្អជាង រ៉ាប់រង ជំនួសអស់។ លោក Campbell បាននិយាយថា៖ “ខ្ញុំគិតថា គេគួរតែ ដើរចេញ ពេលមានសំណើណាសមស្រប ចូលមក។ បញ្ហាដែលគេគួរចាកចេញនោះ ព្រោះតែ គេលេងបាល់មិនបានគ្រប់គ្រាន់។ប្រសិនបើគេនៅតែជាជម្រើសដំបូងរបស់ក្រុម ខ្ញុំមិនថាទេ តែនេះ គេដូចជា ជម្រើសទីបួន សម្រាប់ក្រុមហើយ គេគួរតែចាកចេញល្អជាង”៕
26 Jun 2022
Football News
ប្រធានក្លិប Chelsea លោក Todd Boehly កំពុងណាត់ជួបជាមួយភ្នាក់ងាររបស់ Ronaldo
ប្រធានក្លិបថ្មីរបស់ Chelsea លោក Todd Boehly ត្រូវបានគេរាយការណ៍ថា កំពុងតែណាត់ជួបជាមួយនឹងលោក Jorge Mendes ដែលជាភ្នាក់ងាររបស់ Cristiano Ronaldo ជុំវិញលទ្ធភាពនាំយកកីឡាករសញ្ជាតិព័រទុយហ្គាល់ខាងលើមកកាន់កីឡដ្ឋាន Stamford Bridge។ ជាការពិតណាស់ ក្រោយមិនមានកៅអីលេងក្នុងពានរង្វាន់ Champions League គឺ Ronaldo តែងតែមានពាក្យចចាមអារ៉ាមក្នុងការចាកចេញពី Man Utd ខណៈ ក្លិបដែលសារព័ត៍មានតែងតែចុះផ្សាយគេអាចចូលរួមនោះ គឺ មាន Real Madrid, Bayern Munich និង Paris Saint Germain ជាដើម។ បើយោងទៅតាមការចុះផ្សាយរបស់អ្នកកាសែតកីឡាលោក David Ornstein បានលើកឡើងថា Ronaldo ពេញចិត្តក្នុងការបន្តលេងនៅ Man Utd ប៉ុន្តែ Man Utd ហាក់មិនមានភាពច្បាស់លាស់ជាមួយគេ ខណៈ លោក Todd កំពុងតែព្យាយាមទាក់ទងភ្នាក់ងារ Ronaldo ដើម្បីបង្កើនលទ្ធភាពនៃការផ្ទេរនេះកើតឡើងបាន៕
26 Jun 2022
Football News
Cristiano Ronaldo នឹងមិនចាកចេញពីកីឡដ្ឋាន Old Trafford ឡើយនូវរដូវកាលក្រោយ
ខ្សែប្រយុទ្ធក្លិប Manchester United កីឡាករ Cristiano Ronaldo នឹងមិនចាកចេញពីកីឡដ្ឋាន Old Trafford ឡើយសម្រាប់ទីផ្សារដោះដូរកីឡាកររដូវក្តៅខាងមុខនេះ។ ជាការពិតណាស់ ក្រោយការប្រកាសអំពីការតែងតាំងលោក Ten Hag ជា អ្នកចាត់ការក្រុមរបស់ Man Utd ចាប់ពីរដូវកាលក្រោយទៅ Ronaldo ក៏ត្រូវបានគេលើកជាប្រធានបទ ដោយអ្នកខ្លះយល់ឃើញថា រូបគេនឹងមិនអាចស្ថិតនៅក្នុងផែនការរបស់អ្នកចាត់ថ្មីបានឡើយ ដោយសារ លោកទាមទារកីឡាកររូបណាដែលធ្វើការខ្លាំងលើទីលាន ដូចជាការដេញដាក់សម្ពាធលើក្រុមគូប្រកួតជាដើម។ យ៉ាងណាក៏ដោយ បើយោងតាមការចុះផ្សាយរបស់លោក Fabrizio Romano បានបញ្ជាក់យ៉ាងច្បាស់ថា Ronaldo នឹងបន្តលេងនៅ Man Utd សម្រាប់ការប្រកួតប្រជែងរដូវកាលថ្មី ហើយ ក្លិបក៏នឹងមិនបើកកិច្ចពិភាក្សាណាមួយក្នុងការដាក់រូបគេនោះទេ៕
26 Jun 2022
Football News
ជើងចាស់ Darren Bent ផ្ដល់យោបលឲ្យក្លឹប Chelsea ជ្រើសរើស Sterling ជាជាង Neymar
ជាការពិតណាស់ មួយរយៈក្រោយក្លិបតោខៀវ Chelsea កំពុងមានដំណឹងចចាមអារ៉ាម ពាក់ព័ន្ធ នឹងការផ្ទេរយក ខ្សែប្រយុទ្ធ Raheem Sterling និង Neymar ខណៈ ជើងចាស់ Darren Bent យល់ឃើញថា Chelsea គួរជ្រើសរើសយក Sterling ។ បើយោងតាមកាសែត The Athletic ក្លិប Chelsea ចាប់អារម្មណ៍ចង់បាន Sterling ដែលមានសល់កុងត្រាត្រឹម១ឆ្នាំគត់នៅ Man City ។ ដោយឡែក កីឡាករ Neymar នៅសល់កុងត្រា៣ឆ្នាំទៀត ជាមួយ Paris Saint-Germain ហើយ Chelsea ជាបេក្ខភាពចំបងមួយ ដែលអាចផ្ទេរយកខ្សែប្រយុទ្ធសញ្ជាតិប្រេស៊ីល នៅរដូវក្ដៅនេះ ។ បន្ថែមពីនេះ ក្រៅពី Chelsea ក្លិបមួយចំនួនទៀត ដូចជា Newcastle, Barcelona និង Real Madrid ក៏មានដំណឹងពាក់ព័ន្ធនឹង
25 Jun 2022
Football News
ក្លឹប Liverpool បើកភ្លើងខៀវឲ្យ Salah ចាកចេញក្នុងនៅទីផ្សារដោះដូរររដូវក្ដៅនេះ
យោងតាមសេចក្ដីរាយការណ៍បានឲ្យដឹងថា ក្លិបហង្សក្រហម Liverpool នឹងបើទ្វារឲ្យខ្សែប្រយុទ្ធ Mohamed Salah ចាកចេញ នៅទីផ្សារដោះដូររដូវក្ដៅនេះ ក្នុងតម្លៃ៦០លានផោន (ឬប្រមាណ៧៣លានដុល្លារ)។ ខ្សែប្រយុទ្ធវ័យ៣០ឆ្នាំខាងលើ បានជាប់គាំងក្នុងការចរចាកុងត្រាថ្មីជាមួយ Liverpool ជាច្រើនខែមកហើយ ប៉ុន្តែមកទល់ពេលនេះការចរចារវាងភាគីទាំងពីរ នូវមិនទាន់មានភាពវិជ្ជមានទៀត។ ហើយប្រសិនបើ ការចរចានៅបន្តមិនត្រូវរូវបែបនេះ នោះ Salah នឹងក្លាយជាកីឡាករគ្មានក្លិបលេង (free agent) នៅរយៈពេល១២ខែទៀត ដោយ Liverpool នឹងត្រូវបណ្ដោយឲ្យរូបគេចាកចេញ ដោយគ្មានទទួលបានអ្វីមួយសេន។ ជាមួយគ្នានេះ បើយោងតាមកាសែត The Sun ក្លិប Liverpool បានត្រៀមឲ្យ Salah ចាកចេញ ក្នុងតម្លៃ៦០លានផោន ជាមួយគ្នានេះក្លិបយក្សអេស្ប៉ាញ Real Madrid កំពុងតាមដាន យ៉ាងយកចិត្តទុកដាក់ទៅលើស្ថានភាពរបស់ អតីតខ្សែប្រយុទ្ធ Roma រូបនេះ ជាមួយ Liverpool។ គួររម្លឹកដែរថា Salah ជាម្ចាស់ស្បែកជើងមាស នៅ Premier League រដូវកាលមុន
25 Jun 2022
