កាលពីរាត្រីម្សិលមិញត្រូវនឹងថ្ងៃទី ០៧ ខែ ឧសភា ឆ្នាំ ២០២២ ក្រុមម្ចាស់ផ្ទះ Brighton បានបើកទ្វាកីឡដ្ឋាន Falmer Stadium របស់ខ្លួនទទួលស្វាគមន៍ក្រុមភ្ញៀវ Manchester United នៅក្នុងការប្រកួតសប្តាហ៍ទី ៣៦ នៃក្របខណ្ឌ Premier League។

Brighton លេងទល់នឹង Manchester United
Brighton លេងទល់នឹង Manchester United

ជាការពិតណាស់ ក្រុម Brighton ពិតជាធ្វើបានល្អមែនទែន ដោយយប់មិញនេះពួកគេបានទទួលជ័យជម្នះយ៉ាងចាស់ដៃទៅលើក្រុមភ្ញៀវ Man UTD ក្នុងលទ្ធផល ៤ ទល់នឹង ០ ។ក្នុងនោះគ្រាប់ដំបូងរបស់ក្រុមម្ចាស់ផ្ទះគឺរកបានដោយ Moises Caicedo នៅនាទីទី ១៥ គ្រាប់ទី ២ រកបានដោយ Marc Cucurella នៅនាទីទី ៤៩ គ្រាប់ទី ៣ រកបានដោយ Pascal Grob នៅនាទីទី ៥៧ និងគ្រាប់ចុងក្រោយរកបានដោយ Leandro Trossard នៅនាទីទី ៦០។

គួរបញ្ជាក់ថា Man UTD បានអស់ឱកាសក្នុងការប្រជែងកៅអី top ៤ នៅរដូវកាលនេះហើយ ក្រោយគិតមកដល់សប្តាហ៍ទី ៣៦ នេះពួកគេឈរនៅលេខរៀងទី ៦ និងមាន ៥៨ ពិន្ទុក្នុងដៃ ហើយត្រូវបានក្រុមលេខ៤ Arsenal ដែលទើបតែប្រកួតបាន ៣៤ ប្រកួតនៅ Premier League វ៉ាដាច់ ៥ ពិន្ទុឯណោះដោយឡែក Brighton បានហក់ឡើងមកឈរលេខរៀងទី ៩ បណ្តោះអាសន្នមាន ៤៧ ពិន្ទុក្នុងដៃ៕