ក្រុមបិសាចក្រហម Manchester United ត្រូវបានអ្នកគាំទ្រខ្លួនឯងសើចចំអក ស្របពេល Burnley ឈ្នះនៅ Old Trafford ជាលើកដំបូងក្នុងក្របខ័ណ្ឌ Premier League យប់ថ្ងៃពុធទី២២ខែមករាឆ្នាំ២០២០ ដោយលទ្ធផល០-២។

Manchester United Vs Burnley
Manchester United Vs Burnley

Burnley បានបើកការនាំមុខក្នុងនាទី៣៩ដោយខ្សែប្រយុទ្ធនូវ៉ែលហ្សេឡង់ Chris Wood មុន Jay Rodriguez ស៊ុតគ្រាប់ចុងក្រោយក្នុងនាទី៥៦ តាមរយៈការលេង មួយ-ពីរ ជាមួយ Wood។នេះជាលើកទី៣ជាប់គ្នាដែល Burnley រកបាន២គ្រាប់មុនក្នុងការប្រកួតទល់ Man Utd នៅ Old Trafford តែជាលើកទី១ដែលពួកគេទទួលបាន៣ពិន្ទុពេញនៅទីនេះ។

Manchester United Vs Burnley
Manchester United Vs Burnley

ក្រុមលោក Ole Gunnar Solskjaer ដែលទើបមានបញ្ហាថែមទៀតជាមួយរបួសរបស់ Marcus Rashford លេងដូចជាគ្មានថាមពលក្នុងខ្លួននិងកម្របង្កភាពគំរាមកំហែងនៅទីរបស់ Nick Pope ណាស់។នៅពេលសម្រាកវគ្គទី១ អ្នកគាំទ្របិសាចក្រហមបានបន្លឺសំឡេងចំអកក្រុមរបស់ខ្លួន និងម្ដងទៀតនៅពេលចប់វគ្គទី២ ខណៈផ្នែកជាច្រើននៃកន្លែងអង្គុយត្រូវបានចាកចេញ៥នាទីមុនចប់ការប្រកួត។

Burnley
ក្រុម Burnley

Man Utd នៅឈរលេខ៥ដដែល តែនៅក្រោមក្រុមលេខ៤ Chelsea ៦ពិន្ទុ។ ចំណែក Burnley ឡើងផុតតំបន់ក្រហម មកឈរលេខរៀងទី១៣។តាំងពី លោក Solskjaer ​ក្លាយ​ជាអ្នកចាត់ការ​ពេញ​សិទ្ធិ​ក្នុង​ខែមករា​ឆ្នាំ​២០១៩មក Man Utd ​បាន​ចាញ់ការ​ប្រកួត Premier League (១២ប្រកួត) ច្រើន​ជាង​ឈ្នះ (១១ប្រកួត)៕