Man Utd ត្រូវបានអ្នកគាំទ្រខ្លួនឯងចំអក ពេលចាញ់ Burnley ឈ្នះនៅ Old Trafford
23 Jan 2020 - 17:07:56 SHARE
ក្រុមបិសាចក្រហម Manchester United ត្រូវបានអ្នកគាំទ្រខ្លួនឯងសើចចំអក ស្របពេល Burnley ឈ្នះនៅ Old Trafford ជាលើកដំបូងក្នុងក្របខ័ណ្ឌ Premier League យប់ថ្ងៃពុធទី២២ខែមករាឆ្នាំ២០២០ ដោយលទ្ធផល០-២។
Burnley បានបើកការនាំមុខក្នុងនាទី៣៩ដោយខ្សែប្រយុទ្ធនូវ៉ែលហ្សេឡង់ Chris Wood មុន Jay Rodriguez ស៊ុតគ្រាប់ចុងក្រោយក្នុងនាទី៥៦ តាមរយៈការលេង មួយ-ពីរ ជាមួយ Wood។នេះជាលើកទី៣ជាប់គ្នាដែល Burnley រកបាន២គ្រាប់មុនក្នុងការប្រកួតទល់ Man Utd នៅ Old Trafford តែជាលើកទី១ដែលពួកគេទទួលបាន៣ពិន្ទុពេញនៅទីនេះ។
ក្រុមលោក Ole Gunnar Solskjaer ដែលទើបមានបញ្ហាថែមទៀតជាមួយរបួសរបស់ Marcus Rashford លេងដូចជាគ្មានថាមពលក្នុងខ្លួននិងកម្របង្កភាពគំរាមកំហែងនៅទីរបស់ Nick Pope ណាស់។នៅពេលសម្រាកវគ្គទី១ អ្នកគាំទ្របិសាចក្រហមបានបន្លឺសំឡេងចំអកក្រុមរបស់ខ្លួន និងម្ដងទៀតនៅពេលចប់វគ្គទី២ ខណៈផ្នែកជាច្រើននៃកន្លែងអង្គុយត្រូវបានចាកចេញ៥នាទីមុនចប់ការប្រកួត។
Man Utd នៅឈរលេខ៥ដដែល តែនៅក្រោមក្រុមលេខ៤ Chelsea ៦ពិន្ទុ។ ចំណែក Burnley ឡើងផុតតំបន់ក្រហម មកឈរលេខរៀងទី១៣។តាំងពី លោក Solskjaer ក្លាយជាអ្នកចាត់ការពេញសិទ្ធិក្នុងខែមករាឆ្នាំ២០១៩មក Man Utd បានចាញ់ការប្រកួត Premier League (១២ប្រកួត) ច្រើនជាងឈ្នះ (១១ប្រកួត)៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Premier League News
កីឡាករ Liverpool នឹងបាន Bonus ៤លានផោន ប្រសិនបើជួយក្លឹបលើកពាន Premier League
ក្រុមកីឡាករ Liverpool ត្រូវបានគេដឹងថានឹងទទួលបានប្រាក់រង្វាន់បន្ថែម Bonus ដល់ទៅ៤លានផោន ប្រសិនបើពួកគេអាចលើកពានរង្វាន់ English Premier League បាន។ លោក Jurgen Klopp ត្រូវគេរំពឹងខ្ពស់ថា នឹងអាចជួយ Liverpool បំបែកកំណត់ត្រាលើកពាន Premier League ជាលើកដំបូងក្នុងរយៈពេល៣០ឆ្នាំ នៅខែក្រោយ បន្ទាប់ពីដាច់២២ពិន្ទុ សម្រាប់ការលេងទើប២៥ប្រកួត។ ចំពោះកីឡាករដែលបានចូលលេងនៅ Premier League រដូវកាលនេះមានសិទ្ធិទទួលបានប្រាក់លើកទឹកចិត្តទាំងអស់គ្នា។ សម្រាប់ប្រាក់ដែលពួកគេទទួលបានអាស្រ័យលើការបង្ហាញខ្លួនប្រកួត មានន័យថា អ្នកលេងបានច្រើនបានលុយច្រើន លេងបានតិចបានលុយតិច។ អ្វីដែលគួរឱ្យឆាប់អារម្មណ៍ថែមទៀតនោះ ប្រភពនៅអង់គ្លេសបានបញ្ជាក់ថាក្រុមកីឡាករហង្សក្រហម នឹងទទួលបានប្រាក់បន្ថែមដល់ទៅ៤លានផោន ប្រសិនបើពួកគេអាចលើកពានបាន។ ចំនួនប្រាក់ នឹងគិតតាមអ្វីដែលក្រុមធ្វើបានល្អបំផុត ព្រោះនេះជាឆ្នាំដំបូងក្រោយរយៈពេល៣០ឆ្នាំដែលក្រុម Liverpool ខកខានលើកពានរង្វាន់លីគកំពូលអង់គ្លេស៕ ក្រុម Liverpool វ៉ាដាច់ពិន្ទុក្រុមលេខ២ ដល់ទៅ២២ពិន្ទុទៅហើយ ដូច្នេះការឈ្នះពានរង្វាន់ Premier League របស់ពួកគេហាក់ដូចជាមើលឃើញច្បាស់រួចជាស្រេច។ អ្វីដែលក្រុមនេះបន្ដត្រូវធ្វើនោះគឺត្រូវឈ្នះការប្រកួតដែលនៅសល់ទាំងអស់ ដើម្បីបង្កើតប្រវត្តិសាស្ត្រដោយឈ្នះពានមាសតែម្ដង។
07 Feb 2020
Premier League News
West Ham ព្រមានដាក់ទណ្ឌកម្មក្រុមកីឡាកររបស់ខ្លួន ប្រសិនបើមិនអាចជួយក្លឹបបន្តនៅ Premier League
បើតាមការចុះផ្សាយរបស់ Daily Mails បានឲ្យដឹងថា ក្លឹបលីគកំពូលអង់គ្លេស West Ham ព្រមានដាក់ទណ្ឌកម្មក្រុមកីឡាកររបស់ខ្លួន ដោយកាត់ប្រាក់ខែពាក់កណ្ដាល ប្រសិនបើបរាជ័យក្នុងការជួយក្លឹបបន្តនៅ Premier League។ គួរឲ្យដឹងដែរថា កីឡាកររបស់ក្លឹបនេះភាគច្រើន បានដាក់លក្ខខ័ណ្ឌនេះនៅក្នុងកុងត្រាឯកជនរបស់ខ្លួន។ ការធ្វើបែបនេះគឺដើម្បីឲ្យមានស្ថិរភាពហិរញ្ញវត្ថុ ដោយកាត់បន្ថយការចំណាយលើប្រាក់ឈ្នួលកីឡាករ ពេលធ្លាក់ទៅក្របខ័ណ្ឌ Championship។ ប្រសិនបើធ្លាក់ទៅកាន់លីគទី២ មែន West Ham មិនត្រឹមតែបាក់មុខទេ ប៉ុន្តែក៏ជួបបញ្ហាទាក់ទងនឹងប្រាក់ចំណូលផងដែរ។ យ៉ាងណាមិញ មានពាក្យល្ហិចល្ហៀងថា ប្រសិនបើក្លឹបធ្លាក់មែន កីឡាករល្អៗមួយចំនួននឹងចាកចេញពីក្លឹបភ្លាម។ ក្លឹប West Ham ពេលនេះដែរកំពុងតែឈរនៅចំណាត់ថ្នាក់លេខ ១៨ ដែលជាតំបន់គ្រោះថ្នាក់ត្រូវកាត់ចេញ ដោយមាន ២៤ពិន្ទុ ខណៈក្លឹប Aston Villa ជាប់លេខ ១៧ មាន ២៥ពិន្ទុ៕
05 Feb 2020
Premier League News
Son តែតមួយគ្រាប់ចុងម៉ោងជួយ Spurs រកបានជ័យជម្នះលើកដំបូងនៅ Premier League
ក្រុមបាល់ទាត់ Tottenham Hotspur រកបានជ័យជម្នះលើកដំបូងនៃលីគកំពូលអង់គ្លេស Premier League ក្នុងឆ្នាំថ្មី២០២០នេះ ក្រោមការដឹកនាំដោយលោក Jose Mourinho ដោយបានយកឈ្នះក្រុមបាតតារាង Norwich City ក្នុងលទ្ធផល ២-១ ដែលការប្រកួតនេះធ្វើឡើងនាថ្ងៃទី ២៣ខែមករា ឆ្នាំ២០២០ ក្នុងសប្តាហ៍ទី ២៤ជើងទី ២។ ខ្សែបម្រើជម្រើសជាតិអង់គ្លេស Dele Alli បានរកគ្រាប់បាល់បើកការនាំមុខមុនឲ្យ Spurs នៅនាទីទី៣៨។ ប៉ុន្តែការប្រកួតអូសបន្លាយដល់នាទី៧០ Norwich បានតាមស្មើវិញដោយការទាត់បាល់ពិន័យ ១១ម៉ែត្ររបស់កីឡាករ Teemu Pukki។ យ៉ាងណាមិញ ខ្សែប្រយុទ្ធកូរ៉េខាងត្បូង Heung min-Son បានតែតបញ្ចូលទីមួយគ្រាប់នៅនាទីទី៧៨ ជួយ Spurs បន្តនាំមុខជាថ្មី និងរក្សាលទ្ធផល ២ទល់នឹង១ ដល់ចប់ការប្រកួត។ តាមលទ្ធផលនេះបានធ្វើឲ្យក្រុមលោក Jose Mourinho រកបាន ៣៤ពិន្ទុឈរនៅលេខរៀងទី ៦គិតត្រឹមសប្តាហ៍ទី ២៤ជើងទី ២នេះដោយស្មើពិន្ទុគ្នាជាមួយក្រុម Man Utd ដែលបានចាញ់ក្រុម
23 Jan 2020
Premier League News
Chelsea លេងស្មើក្រុមសល់តែ ១០នាក់ Arsenal នៃជំនួបសប្តាហ៍ទី២៤ នៅ PL
ការប្រកួតប្រជែងស្វែងរកពិន្ទុក្នុងសប្តាហ៍ទី២៤ នៃក្របខណ្ឌលីគកំពូលអង់គ្លេស Premier League 2019-2020 ក្នុងនោះការប្រកួតយ៉ាងស្វិតស្វាញរវាងក្រុមតោខៀវ Chelsea បានត្រឹមចែកគ្នាម្នាក់ ១ពិន្ទុជាមួយក្រុមកាំភ្លើងធំ Arsenal ដែលនៅសល់សមាជិកតែ ១០នាក់ ក្នុងលទ្ធផល ២-២ នៅកីឡដ្ឋាន Stamford Bridge នារាត្រីថ្ងៃទី២២ ខែមករា ឆ្នាំ២០២០។ ស្ថិតក្នុងការប្រកួតក្រុមតោខៀវ Chelsea ស្ថិតក្រោមការដឹកនាំដោយលោក Frank Lampard បានបើកការនាំមុននៅនាទី២៨ ដោយខ្សែបម្រើ Jorginho ពីការស៊ុតបាល់ពិន័យ ១១ម៉ែត្រ ក្រោយពេលខ្សែការពារ David Luiz បង្កកំហុសនិងត្រូវបានអាជ្ញាកណ្តាលពិន័យកាតក្រហមនៅនាទី២៦ ហើយក្រុមដែលនៅសល់គ្នាតែ ១០នាក់ Arsenal បានតាមស្មើវិញដោយ Gabriel Martinelli នៅនាទី៦៣ ខណៈកីឡាករខ្សែការពារ Cesar Azpillicueta រកបានគ្រាប់នាំមុខសាជាថ្មីនៅនាទី៨៤ និងគ្រាប់ស្មើគ្នា ២-២ កើតឡើងដោយខ្សែការពារ Hector Bellerin នៅនាទី៨៧៕ តាមរយៈលទ្ធផលនេះ បានធ្វើឲ្យក្រុមរបស់លោក Frank Lampard
22 Jan 2020
Premier League News
Liverpool បន្តឈរលើកំពូលតារាង Premier League ក្រោយយកឈ្នះ Manchester United ២-០ កាលពីយប់មិញ
Liverpool នៅតែបន្តក្តីសង្ឃឹមលើកពានរង្វាន់លីគកំពូលអង់គ្លេស Premier League រដូវកាលនេះ ក្រោយបន្តរកបាន ៣ពិន្ទុ ដោយបានយកឈ្នះក្រុមបិសាចក្រហម Manchester United ដោយលទ្ធផល ២-០ នៃសប្តាហ៍ទី២៣ ជើងទី២ នារាត្រីថ្ងៃទី១៩ ខែមករា ឆ្នាំ២០២០។ ការប្រកួតក្នុងទីលាន Anfiled ក្រុមលោក Jurgen Klopp ធ្វើបានយ៉ាងល្អបន្តការពារតំណែងលេងមិនចាញ់គិតត្រឹមសប្តាហ៍ទី២៣ ដោយបានយកឈ្នះក្រុមលោក Ole Gunnar Solskjaer ពីការព្យាយាមម្តងហើយម្តងទៀតពីសំណាក់កីឡាករឆ្នើមដែលជាខ្សែការពារ Virgil Van Dijk រកបានគ្រាប់ទី១ នៅនាទី១៤ ក្នុងតង់ទី១ ហើយមិត្តរួមក្រុម Mohamed Salah រកបាននៅនាទី៩០+៣ ចុងម៉ោង ដោយបន្តគម្លាត ១៦ពិន្ទុពីក្រុមការពារតំណែងជើងឯក Manchester City ដែលកំពុងឈរនៅលេខ២ មានតែ ៤៨ពិន្ទុប៉ុណ្ណោះ។ សម្រាប់លទ្ធផលនេះ បានក្លាយជាក្តីសង្ឃឹមខ្ពស់របស់លោក Jurgen Klopp ដោយបន្តរកបាន ៣ពិន្ទុបន្ថែមបាន ៦៤ពិន្ទុក្នុងការឈានទៅរកការឈ្នះពានរង្វាន់ Premier League
20 Jan 2020
Premier League News
Jose Mourinho ថាការកាត់សេចក្ដីរបស់ VAR មិនយុត្តិធម៌សម្រាប់ក្រុមSpurs
លោក Jose Mourinho បានបន្ទោសទៅលើបច្ចេកវិទ្យា VAR កាត់ក្ដីមិនយុត្ដិធម៏នោះទេ នៅក្នុងការប្រកួតដែល Tottenham បរាជ័យ ១-០ ទល់នឹង Liverpool កាលពីយប់ថ្ងៃសៅរ៍កន្លងទៅនេះ។ ក្រុមហង្សក្រហមមានឱកាសរកគ្រាប់បាល់បានមួយគ្រាប់ នៅក្នុងតង់ទី១ដោយខ្សែប្រយុទ្ធ Roberto Firmino ប៉ុន្ដែត្រូវបានពិនិត្យដោយ VAR ដោយសង្ស័យថាបាល់ប៉ះដៃ ប្រធានក្រុម Jordan Henderson។ Spurs មានការតវ៉ាចំពោះការផ្ដល់បាល់បោះទុស ដែលគួរតែផ្ដល់ឲ្យក្រុមរបស់ពួកគេ ដោយបាល់ដែលចេញទៅក្រៅ ហាក់ដូចជាប៉ះជើងរបស់ Sadio Mane។ ក្រោយចប់ការប្រកួតលោក Mourinho បាននិយាយថា៖ “ខ្ញុំមិនបានមើលការប្រកួតសារឡើងវិញទេ។ អ្វីដែលខ្ញុំបានឃើញគឺ ២០០% ដែលកបាល់បោះទុស មុនពេលមានគ្រាប់បាល់នោះ គឺគួរតែយើងជាអ្នកបោះ។ ខ្ញុំមានការយល់ច្រលំចំពោះ VAR ដោយសារតែរឿងនេះ។” ចំណុចនៃការកាត់សេចក្ដីបែបនេះហើយ ទើបធ្វើឱ្យលោក Jose មិនអស់ចិត្ត ហើយចោទថា VAR នេះ មិនមានប្រយោជន៍សម្រាប់ការប្រកួតនៅអង់គ្លេសឡើយ៕
12 Jan 2020
