ក្លឹប Paris St-Germain នឹង​​ត្រូវ​ស្វាគមន៍ Real Madrid នៅ​រាត្រី​នេះ​សម្រាប់​ការ​ប្រកួត​ជើង​ទី​មួយ​វគ្គ​១៦​ក្រុម​ចុងក្រោយ​ពាន​រង្វាន់​ Champions League។

Marquinhos
Marquinhos

នេះ​ជា​ការ​ប្រកួត​ដ៏​ធំ​ដែល​អ្នក​គាំទ្រ​ក្រុម​ទាំង​ពីរ​កំពុង​រង​ចាំ​ទស្សនា។ PSG បច្ចុប្បន្ន​​ជា​ក្រុម​កំពុង​​ឈរ​នៅ​កំពូល​តារាង Ligue 1 ខណៈ Real Madrid ក៏​កំពុង​​ស្ថិត​នៅ​លេខ​​មួយ​ដូច​គ្នា​​ក្នុង​ក្របខណ្ឌ La Liga។

មុន​ការ​ប្រកួត​មក​ដល់​ខ្សែ​ការពារ Marquinhos បាន​បង្ហាញ​ជំហរ​​​និង​តាំង​ចិត្ត​រួចរាល់​​ក្នុង​ការ​ជួប Real Madrid។ “វា​គឺ​ជា​ការ​ប្រកួត​សំខាន់ ពួក​យើង​លេង​នៅ​ក្នុង​​ផ្ទះ ហើយ​​​នឹង​ព្យាយាម ជា​ពិសេស​​រក​គ្រាប់​បាល់​ដើម្បី​ឈ្នះ”។ សម្ដី Marquinhos។

សម្រាប់ Karim Benzema ក៏​បាន​និយាយ​ខ្លះ​ដែរ​អំពី​ការ​ប្រឈម​មុខ​ជាមួយ Lionel Messi, Neymar និង Mbappe។ កីឡាករ​សញ្ជាតិ​បារាំង​បាន​លើក​ឡើង​ថា លេង​ជាមួយ Mbappe នឹង​មាន​​រឿង​ក្ដី​រំភើប។ ចំពោះ Messi គឺ​ជា​កីឡាករ​អស្ចារ្យ ហើយ​​ធ្លាប់​លេង​ជាមួយ​គ្នា​ច្រើន​ដង​មក​ហើយ​ ខណៈ Neymar ជា​កីឡាករ​កំពូល៕