កីឡាករ Mason Mount ថា គេចង់ជួយក្រុម Chelsea ឲ្យបានឈ្នះពាន Club World Cup ម្តង សម្រាប់កសាង ប្រវត្តិសាស្ត្រដំបូងឲ្យក្លិប។

Mason Mount
Mason Mount

ជាការពិតណាស់ ពាន Club World Cup នេះ ត្រូវបានបង្កើតឡើងដំបូង នៅឆ្នាំ ២០០០ ដោយ FIFA​ សម្រាប់ឲ្យ ក្រុមបាល់ទាត់កំពូលៗ មកពីជុំវិញពិភពលោកទាំងអស់ បានប្រកួតប្រជែងគ្នា​ ហើយក្រុមដែលធ្លាប់ឈ្នះពាននេះច្រើនបំផុតនោះគឺ ក្រុម Real Madrid ដែលធ្លាប់ឈ្នះរហូតដល់ ៤សម័យកាល។

យ៉ាងណាមិញ សម្រាប់ការប្រកួតពាន Club World Cup នេះ ក្រុមតោខៀវ Chelsea នឹងត្រូវប្រកួតវគ្គដំបូង នៅយប់ម៉ោង ១១:៣០នាទី នេះហើយ ទល់នឹងក្រុម Al Hilal fc មកពីលីគប្រទេស អារ៉ាប៊ីសាអូឌីត។

Mount បាននិយាយថា៖    “ពួកយើងពិតជាចង់ឈ្នះ ការប្រកួតពាននេះណាស់​ ព្រោះពួកយើងមិនដែលឈ្នះពាននេះទេ កាលពីកន្លងមក។ ពួកយើងតែងតែចង់ឈ្នះវាជាក្រុម ដូចជាយើងចង់ឈ្នះពានផ្សេងៗអ៊ីចឹង ព្រោះឆន្ទៈរបស់ពួកយើងទាំងអស់គ្នាគឺ រួមគ្នាដើម្បីជ័យជម្នះ ដូច្នេះហើយ ខ្ញុំសង្ឃឹមថា វានឹងដំណើរការបានល្អក្នុងការប្រកួតប្រជែងនេះ”៕