ខ្សែ​ប្រយុទ្ធ​​ Lionel Messi បាន​និយាយ​ក្រោយ​ប្រកួត​ឈ្នះ​នឹង​កូឡុំប៊ី​នៅ​ក្នុង​ថ្ងៃ​នេះ​ថា​ អ្នក​ចាំ​ទី​ Emiliano Martinez នេះ​ហើយ​ជា​នាក់​ជួយ​ក្រុម​អាហ្សង់ទីន​ឲ្យ​ឡើង​ទៅ​វគ្គ​ផ្ដាច់​ព្រ័ត្រ​ប្រកួត​ Copa America ។

Lionel Messi
Lionel Messi

Messi បាន​និយាយ​ថា​៖” នេះ​ដោយ​សារ​តែ​យើង​មាន​ Emi ហ្នឹង​ឯង​។ គេ​ជា​អ្នក​ចាំ​ទី​ដ៏​អស្ចារ្យ​ និង​ជា​វីរបុរស​របស់​យើង​។

កីឡាករ​រូប​នេះ​បាន​បន្ថែម​ថា​៖” លទ្ធផល​ទាំង​អស់​គឺ​ដោយ​សារ​យើង​ទាំង​អស់​ បាន​ជឿ​ជាក់​ទុក​ចិត្ត​គេ​ អញ្ចឹង​ហើយ​បាន​ជា​យើង​ទាំង​អស់​គ្នា​នេះ​បាន​ចូល​រួម​លេង​គ្រប់​ប្រកួត​បាន​បែប​នេះ​ ហើយ​ឥឡូវ​នេះ​យើង​បន្ត​បាន​ទៅ​លេង​នៅ​ប្រកួត​វគ្គ​ផ្ដាច់ព្រ័ត្រ​ថែម​ទៀត​ “។

អាហ្សង់ទីន​នឹង​ត្រូវ​ឡើង​ប៉ះ​ជា​មួយ​ប្រេស៊ីល​ក្នុង​ប្រកួត​ Copa America វគ្គ​ផ្ដាច់​ព្រ័ត្រ​នៅ​ថ្ងៃ​ទី​១១ ខែ​កក្កដា ឆ្នាំ​២០២១​ខាង​មុខ​៕