ខ្សែការពារកណ្តាលកំពស់ខ្ពស់ John Stones បានត្រៀមខ្លួនរួចរាល់ហើយ ដើម្បីពិភាក្សាជាមួយ អតីតគ្រូបង្វឹកជំនួយកំលុងពេលនៅក្លឹប Man.City លោក Mikel Arteta ដើម្បីផ្លាស់មកកាន់កីឡាដ្ឋាន Emirate Stadium ជាមួយក្រុម Arsenal នៅខែមករានេះ។

John Stones and Mikel Arteta
John Stones and Mikel Arteta

ប្រភពព៌តមានពីគេហទំព័រ The Sun បានអោយដឹងថា Stones ចាប់អារម្មណ៍ផ្លាស់មកក្រុមកាំភ្លើងធំ Arsenal ខណៈដែលរូបគេចង់មានពេលវេលាទៀងទាត់នៅក្នុងក្រុមតោកំណាចអង់គ្លេសត្រៀមប្រកួតព្រឹត្តិការណ៏ឆ្នាំ ២០២០ ។

photo of John Stones
ខ្សែការពារកណ្តាលកំពស់ខ្ពស់ John Stones

កីឡាករវ័យ ២៥ឆ្នាំរូបនេះបានបរាជ័យទទួលការជឿជាក់ពីលោក Pep Guardiola បន្ទាប់ពីមិនបានបង្ហាញទម្រង់លេងគួរជាទីពេញចិត្ត និងបានសាងកំហុសឆ្គងមួយចំនួនកំលុងចុងក្រោយនេះក្រោយពេល ៣ ឆ្នាំកន្លះ នៅទឹកដី Etihad ខណៈតួនាទីរបស់គេនិងខ្សែការពារកណ្តាលរូបនេះត្រូវបានជំនួសដោយខ្សែបម្រើ-ការពារ Fernandinho។

photo of Mikel Arteta
លោក Mikel Arteta

ក្រុមកាំភ្លើងធំ Arsenal កំពុងតាមប្រមាញ់រកខ្សែការពារកណ្តាលដើម្បី ពង្រឹងតំបន់ការពារបន្ទាប់ពី Calum Chambers ត្រូវបានអវត្តមានរហូតបញ្ចប់រដូវវបកាលនេះក្រោយរងរបួសជង្គង់ធ្ងន់ធ្ងរហើយ គ្រូបង្វឹកថ្មីArteta ចង់នាំយក Stonesមកបំពេញតួនាទីដែលកំពុងចន្លោះប្រហោងនេះ ។