Modric ថាគេមិនធ្វើដូច Mbappe ដាក់ Real Madrid រឿងចរចាកុងត្រានោះឡើយ
27 May 2022 - 19:58:11 SHARE
កុងត្រារបស់ខ្សែបម្រើ Luka Modric នឹងបញ្ចប់ជាមួយនឹង Real Madrid នៅថ្ងៃទី៣០ ខែមិថុនា ឆ្នាំ២០២២ ដែលធ្វើឲ្យអ្នកកាសែតបានសួរទៅគេថា គេនឹងធ្វើដូចខ្សែប្រយុទ្ធ Kylian Mbappe ធ្វើដាក់ Real Madrid រឿងចរចាកុងត្រាឬអត់។
Modric ក៏បានឆ្លើយតបថា៖” ខ្ញុំមិនធ្វើអញ្ចឹងនោះទេ។ ខ្ញុំមិនធ្វើអញ្ចឹងជាដាច់ខាត។ ទុកឲ្យក្លឹបជាអ្នកធ្វើអញ្ចឹងដាក់ខ្ញុំទៅចុះ (និយាយបែបលេងសើច) ទេមិនអញ្ចឹងទេ ខ្ញុំនិយាយលេងទេ “។
កីឡាករនេះបន្តថា៖” រវាងខ្ញុំនឹង Real យើងមានភាពជឿជាក់គ្នាណាស់ យើងគឺត្រូវរ៉ូវជាមួយគ្នាច្រើនណាស់ អញ្ចឹងអ្វីដែលត្រៀមកើតឡើង នឹងកើតឡើងហើយ។ តែឥឡូវនេះការដែលសំខាន់គឺប្រកួត Champions League ផ្ដាច់ព្រ័ត្រ អញ្ចឹងហើយខ្ញុំអត់ចង់គិតអីផ្សេងក្រៅពីហ្នឹងឡើយ។
បើតាមការចុះផ្សាយរបស់កំពូលអ្នកកាសែត Fabrizio Romano បានឲ្យដឹងថា អនាគតរបស់ Modric គឺនឹងបន្តកុងត្រាថ្មីជាមួយ Real រហូតដល់ថ្ងៃទី៣០ ខែមិថុនា ២០២៣ ឆាប់ៗនេះ។
ទាក់ទងនឹងបញ្ហា Mbappe ធ្វើដាក់ Real Madrid គឺខាង Real Madrid មានការខកចិត្តជាខ្លាំងព្រោះពួកគេមានភាពជឿជាក់ខ្លាំងដែលកីឡាករនេះនឹងមក ដោយសារតែគេធ្លាប់បញ្ជាក់ថាគេចង់មក Real នេះប៉ុន្តែចុងក្រោយ Mbappe បែរជាតកុងត្រាជាមួយនឹង PSG រហូតដល់ឆ្នាំ២០២៥ទៅវិញ៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Football News
ក្លឹប PSG ចង់លក់ខ្សែការពារ Kimpembe ក្នុងតម្លៃ 50លានអឺរ៉ូ
ក្លិប Paris Saint-Germain នឹងលក់ខ្សែការពារ Presnel Kimpembe ក្នុងតម្លៃខ្ទង់ ៥០លានអឺរ៉ូ(ស្មើនឹងប្រមាណ ៥២.១លានដុល្លារ) ខណៈដែល Chelsea កំពុងចង់ទិញយកគេ នេះបើតាមការបង្ហើបពី Foot Mercato ។ កីឡាករវ័យ២៣ឆ្នាំរូបនេះចង់មាននាទីចូលលេងយ៉ាងទៀងទាត់ក្នុងក្រុមដើម្បីអាចឲ្យលោក Didier Deschamps កោះហៅទៅលេងនៅជម្រើសជាតិបារាំង ក្នុងព្រឹត្តិការណ៍បាល់ទាត់ពិភពលោកឆ្នាំ២០២២។ PSG ពេលនេះកំពុងចង់ទិញយកខ្សែការពារបន្ថែម ដោយ Milan Skriniar នៃក្លិប Inter Milan ជាគោលដៅមួយដូច្នេះហើយទើប Kimpembe ចង់ចាកចេញតែម្ដង។ ក្លិប Chelsea និង Juventus សុទ្ធតែចង់ខ្សែការពារម្នាក់នេះនៅទីផ្សារដោះដូររដូវក្ដៅ ដោយគេក៏ធ្លាប់លេងក្រោមការដឹកនាំរបស់លោក Thomas Tuchel ដែលជាអតីតគ្រូរបស់ PSG ផងដែរ។ យ៉ាងណាមិញ Presnel Kimpembe នៅសល់កុងត្រាស្នាក់នៅទឹកដី Parc des Princes ចំនួន២ឆ្នាំទៀត ខណៈនៅរដូវកាលមុនគេបង្ហាញខ្លួនបាន៤១ប្រកួតនិងស៊ុតបញ្ចូលទីបាន២គ្រាប់៕
02 Jul 2022
Football News
ក្លឹប PSG មិនត្រឹមតែចង់លក់ Neymar ទេថែមទាំងចង់ចែកផ្លូវជាមួយ Messi ទៀត
យោងតាមអ្នកកាសែត Pedro Morata បានបង្ហើបឲ្យដឹងថា ក្លិប Paris Saint-Germain មិនត្រឹមតែចង់លក់ ខ្សែប្រយុទ្ធ Neymar Jr. ប៉ុណ្ណោះទេតែក៏ត្រៀមចែកផ្លូវគ្នាជាមួយ Lionel Messi ផងដែរ។ ថ្មីៗនេះលេចឮថា Neymar អាចនឹងចាកចេញពីក្លិបដោយ PSG នឹងលក់គេបើសិនក្លិបផ្សេងអាចឲ្យតម្លៃផ្ទេរមួយដ៏សមរម្យ ប៉ុន្តែ លោក Luis Campos ដែលជាប្រធានដឹកនាំផ្នែកកីឡាថ្មីរបស់ក្លិប ក៏មានបំណងចង់លក់ Messi ដែលទើបតែផ្ទេរមកទីនេះបាន១ឆ្នាំ។ Messi នៅសល់កុងត្រាស្នាក់នៅទឹកដី Parc des Princes ចំនួន១ឆ្នាំទៀតហើយនៅរដូវកាលមុន រូបគេបានទទួលបានការរិះគន់យ៉ាងក្រាស់ក្រែលដោយសារខ្សត់គ្រាប់បាល់ដោយរកបានតែ១១គ្រាប់ប៉ុណ្ណោះ។ យ៉ាងណាមិញ អ្នកកាសែត Morata ថាឧបសគ្គដ៏ធំបំផុតសម្រាប់ PSG ក្នុងការលក់ Messi គឺគេមានប្រាក់ឈ្នួលខ្ពស់ពេកដែលក្លិបផ្សេងៗពិបាកនឹងផ្ដល់ឲ្យព្រោះក្លិបបានចាយប្រាក់ឲ្យម្ចាស់ពាន Ballon d’Or ៧សម័យនេះដល់ទៅ ៣.៣៧៥លានអឺរ៉ូ(ស្មើនឹងប្រមាណ ៣.៥១៩ លានដុល្លារ)ក្នុងមួយខែឯណោះ៕
02 Jul 2022
Football News
Salah ក្លាយជាកីឡាករដែលមានប្រាក់ខែខ្ពស់ជាងគេនៅក្របខណ្ឌ Premier League
ប្រាក់ខែថ្មីរបស់ Mohamed Salah ដែលទទួលបាន ៤សែនផោន (ឬប្រមាណ៤៨ម៉ឺនដុល្លារ) ក្នុងមួយសប្តាហ៍នៅ Liverpool បានធ្វើឱ្យគាត់ក្លាយជាកីឡាករបាល់ទាត់ដែលមានប្រាក់ខែខ្ពស់ជាងគេ នៅ Premier League។ បន្ទាប់ពីមានភាពស្រពេចស្រពិលទៅលើអនាគតរបស់ខ្លួន ពេលនេះ Salah បានបញ្ចប់មន្ទិលសង្ស័យហើយ ដោយយល់ព្រមកាន់ប៊ិចចុះហត្ថលេខាកុងត្រាថ្មីជាមួយ Liverpool រហូតដល់ឆ្នាំ២០២៥។ ហើយកុងត្រាថ្មីនេះផងដែរ បានធ្វើឲ្យ Salah ក្លាយអ្នកទទួលបានប្រាក់ពលកម្ម បានច្រើនជាងគេនៅ Premier League ដោយនាំមុខ Cristiano Ronaldo និង Kevin De Bruyne ដែលមានប្រាក់ខែ ៣៨៥,០០០ ផោនក្នុងមួយសប្តាហ៍។ ចំណែក កីឡាករ Erling Haaland ដែលជាខ្សែប្រយុទ្ធចំណូលថ្មីរបស់ Manchester City ទទួលបានប្រាក់ឈ្នួល 375,000 ផោនក្នុងមួយសប្តាហ៍ ដែលស្មើគ្នា នឹងអ្នកចាំទី David de Gea របស់ក្រុម Manchester United ៕
02 Jul 2022
Football News
Barcelona សម្រេចចិត្តមិនទិញផ្ដាច់ Adama Traore ពីក្លឹប Wolves ទេ
Barcelona បានចែកផ្លូវជាមួយ ខ្សែប្រយុទ្ធ Adama Traore បន្ទាប់ពីបានបញ្ចប់ការខ្ចីជើង ដោយរូបគេនឹងត្រូវវិលត្រឡប់ទៅក្លិប Wolves វិញ។ ភាគីលោក Xavi Hernandez អាចទិញផ្ដាច់ Traore បានតែក្លិបមិនចង់ទិញយកកីឡាកររូបនេះឡើយ ដូច្នេះហើយហើយទើប Traore នឹងត្រឡប់ទៅ Wolves វិញដោយគេហទំព័ររបស់ក្លិបនៅ Premier League មួយនេះក៏បានបង្ហោះរូបភាព Traore ចូលរួមហ្វឹកហាត់មុនបើករដូវកាលផងដែរ។ ចំណាយពេលខ្ចីជើងពាក់កណ្ដាលរដូវកាលនៅ Barcelone គឺ Adama Traore រកបាន១គ្រាប់និងបញ្ជូនបាល់បាន៤គ្រាប់ក្នុងការបង្ហាញខ្លួនចំនួន ២០ប្រកួតឲ្យក្លិប។ ខណៈនោះដែរ Barcelona ក៏ត្រៀមស្វាគមន៍ខ្សែប្រយុទ្ធ Francisco Trincao និង Alex Collado ត្រឡប់មកពីខ្ចីជើងនៅក្លិប Wolves និង Granada ផងដែរ៕
02 Jul 2022
Football News
ក្លិប Atletico Madrid បានប្រកាសចែកផ្លូវជាមួយកីឡាករ Sime Vrsaljko ហើយ
ក្លិប Atletico Madrid និងកីឡាករ Sime Vrsaljko បានចែកផ្លូវគ្នាជាផ្លូវការហើយ។ ខ្សែការពារសញ្ជាតិក្រូអាតបានចូលរួមជាមួយ Atletico ពីក្លិប Sassuolo ក្នុងឆ្នាំ ២០១៦ ក្នុងតម្លៃ 14 លានអឺរ៉ូ ខណៈកាលពីពេលថ្មីៗនេះ ក្លិប At.Madrid បានបញ្ជាក់ពីការចាកចេញរបស់គាត់នៅលើគេហទំព័រហ្វេសប៊ុកផ្លូវការរបស់ក្លិប បន្ទាប់ពីកិច្ចសន្យារបស់គាត់បានផុតកំណត់នៅបំណាច់ខែមិថុនា។ គួររម្លឹកដែរថា ក្នុងរយៈពេលប្រាំរដូវកាលកន្លងមកនេះ Vrsaljko បង្ហាញខ្លួនសរុបបាន១០០ប្រកួតប៉ុណ្ណោះ ដោយសាររូបគេ មិនសូវទទួលបានការទុកចិត្ត ពីលោកគ្រូ Diego Simeone ឡើយ។ ខណៈកាលពីរដូវកាល២០១៨/១៩ ធ្លាប់ត្រូវបានក្លិបបញ្ជូនឲ្យ Inter Milan ខ្ចីជើងទៀតផង៕
01 Jul 2022
Football News
ផ្លូវការ! Man City នាំយកអ្នកចាំទីមួយរូបពីក្លឹបអាល្លឺម៉ង់
ក្លឹប Manchester City បានធ្វើការប្រកាសជាផ្លូវការនាំយកអ្នកចាំទី Stefan Ortega Moreno ពីក្លឹបអាល្លឺម៉ង់ Arm. Bielefeld នៅក្នុងថ្ងៃនេះ។ Ortega បានព្រមព្រៀងចុះកុងត្រាជាមួយ Man City រយៈពេល៣ឆ្នាំចាប់ពីរដូវកាលថ្មី រហូតដល់ថ្ងៃទី៣០ ខែមិថុនា ឆ្នាំ២០២៥ខាងមុខ។ ក្លឹបអង់គ្លេសបានមកយកកីឡាកររូបនេះដោយ Free Transfer ក្រោយអ្នកចាំទីរូបនេះបានដាច់កុងត្រាជាមួយក្លឹបអាល្លឺម៉ង់ខាងលើ។ Ortega នឹងជាអ្នកចាំទីដៃទី២ របស់ Man City ខណៈ Zack Steffen ជាអ្នកចាំទីដៃទី២ របស់ក្លឹបសព្វថ្ងៃនេះនឹងចាកចេញទៅក្លឹបផ្សេងក្នុងលក្ខខ័ណ្ឌខ្ចីជើង៕
01 Jul 2022
