Monaco បាន​ផ្តួល​ក្រុម Montpellier ក្នុងលទ្ធផល ២-០ កាល​ពី​ថ្ងៃ​ពុធ ដោយការស៊ុត​បាល់​បញ្ចូល​ទី ២ គ្រាប់ របសស់ខ្សែប្រយុទ្ធ​អន្តរជាតិ​កូឡុំប៊ី Radamel Falcao  ដើម្បី​ឈាន​ទៅ​ជួប​ក្រុម Paris Saint-Germain ក្នុងការ​ប្រកួត​ពាន League Cup របស់​បារាំង វគ្គ​ផ្តាច់​ព្រ័ត្រ។

photo of Monaco vs PSG
Monaco, PSG replicate French League Cup final

កីឡាករ​ Falcao បាន​ជួយ​ឲ្យ​ក្រុម​ម្ចាស់ផ្ទះ​មាន​គ្រាប់​បាល់​នាំមុខ​មុន​នៅ​នាទី ទី ១៥ នា​កីឡដ្ឋាន Stade Louis II នៅ​មុន​ពេល Monaco មិន​ត្រូវ​បាន​អនុញ្ញាត​ឲ្យ​មាន​បាល់​ប៉េណាល់ទី ដោយសារ​តែ​ប្រព័ន្ធ​វីដេអូ​ជំនួយការ​អាជ្ញាកណ្តាល។

ខ្សែប្រយុទ្ធ​អន្តរជាតិ​កូឡុំប៊ី​រូបនេះ បាន​បន្ថែម​ការ​នាំ​មុខ​របស់​ក្រុម​ខ្លួន​នៅ​មុន​ពេល​ឈាន​ដល់​នា ទី ៣០ ហើយ​បើ​ទោះបី​ការ​ស៊ុត​បាល់​បញ្ចូល​ទី​ក្នុង​តង់​ទី ២ របស់​ខ្សែបម្រើ Rony Lopes មិន​ត្រូវ​បាន​យក​ជា​ផ្លូវការ ដោយ​បច្ចេកវិទ្យា​វីដេដូ សម្រាប់​បាល់​ក្រៅ​ទីតាំង​ល្បែង​ក៏ដោយ ប៉ុន្តែ ក្រុម​របស់​លោក Leonardo Jardim បាន​កត់ត្រា​ជ័យជម្នះ​ដោយ​ងាយ​ដើម្បី​កក់​កៅអី​វគ្គ​ផ្តាច់​ព្រ័ត្រ​ជាមួយ PSG នា​ថ្ងៃទី ៣១ ខែ​មីនា។

ក្រុម​ម្ចាស់​ការពារ​តំណែង​ជើងឯក​របស់ Ligue 1 មួយ​នេះ នឹង​សម្លឹង​រក​ការ​សង​សឹក​មួយ ក្រោយ​ពី​បាន​រង​បរាជ័យ​ក្រោម​ស្នាដៃ​ក្រុម PSG ក្នុង​លទ្ធផល ៤-១ ក្នុង​វគ្គ​ផ្តាច់ព្រ័ត្រ កាល​ពី​ឆ្នាំ​មុន។

លោក Jardim គ្រូបង្វឹក​របស់ Monaco បាន​ឲ្យ​ដឹង​ថា៖ “Falcao មិន​បាន​រក​គ្រាប់បាល់ ៣ ប្រកួត​មក​ហើយ ប៉ុន្តែ គ្រប់គ្នា​ដឹងថា រូបគេ​ជា​កីឡាករ​ដ៏​ឆ្នើម​ម្នាក់ ហើយ​កីឡាករ​ទាំងអស់​ដឹង​ថា មាន​ពេល​ជា​ច្រើន​ដែល​ពួកគេ​មិន​រក​គ្រាប់​បាល់​បញ្ចូល​ទី”៕

ប្រភព : channelnewsasia