Morata ស៊ុតពីរគ្រាប់ជួយ Chelsea យកឈ្នះ Crystal Palace 3-1 (វីដេអូ)

ខ្សែប្រយុទ្ធ Alvaro Morata ស៊ុតបញ្ចូលទីពីរគ្រាប់ម្នាក់ឯង ដោយជួយតោខៀវ Chelsea យកឈ្នះលើក្រុម Crystal Palace 3-1 ប្រកួតក្នុងលីគកំពូលរបស់អង់គ្លេស Premier League នៅសប្តាហ៍ទី 11 កាលពីយប់មិញ។

គួរតែដឹងហើយថា ចាប់​តាំង​ផ្ទេរ​ពី​ Real Madrid ក្នុង​ឆ្នាំ​2017​កីឡាករ​វ័យ​26​ឆ្នាំ​មិន​ទាន់​លេង​ដល់​កម្រិត​កំពូល​របស់​ខ្លួន​នៅ​ឡើយ​​ទេ។​ បញ្ហា​នេះហើយទើបធ្វើឱ្យគ្រូបង្វឹករបស់គេលោក Maurizio Sarri​ ថា៖​ ខ្ញុំ​មិន​ដឹង​ថា​សមត្ថភាព​របស់​គាត់​ខ្លាំង​ដល់​កម្រិត​ណា​ទេ​ Morata ត្រូវ​តែ​បង្ហាញ​ពី​សក្ដានុពល​ និង​ជំនឿ​ចិត្ត​របស់​ខ្លួន​ ព្រោះ​ពេល​ខ្លះ​គាត់​នៅ​ទន់ជ្រាយ ទោះបីជាគាត់ស៊ុតពីគ្រាប់ម្នាក់ឯងកាលពីយប់មិញក៏ដោយ។

3គ្រាប់របស់តោខៀវ Chelsea រកបានដោយខ្សែប្រយុទ្ធ Alvaro Morata 2គ្រាប់ នឹងខ្សែប្រយុទ្ធ Pedro 1គ្រាប់។ ចំណែក1 គ្រាប់របស់ Crystal Palace រកបានដោយខ្សែបម្រើប្រយុទ្ធ Andros Townsend៕

Update ព័ត៏មានបាល់ទាត់ Highlights បាល់ទាត់ ព័ត៏មានបាល់ទាត់, ពិន្ទុ និង កម្មវិធីបាល់ទាត់នៅ https://km.buaksib.com

ប្រភព៖ BBC