photo of Pep Guardiola
លោក Pep Guardiola គ្រូបង្វឹករបស់ក្រុម Manchester City

គ្រូបង្វឹករបស់ Manchester City លោក Pep Guardiola បាននិយាយថា កូនក្រុមរបស់ខ្លួន ត្រូវលេងឱ្យបានល្អឥតខ្ចោះក្នុងជើងទី2 វគ្គ8ក្រុមចុងក្រោយពាន Champions League នៅម៉ោង 1៖45 រំលងអធ្រាត្រថ្ងៃអង្គារទី10ខែមេសានេះ បើចង់វាយបកយកឈ្នះ Liverpool វិញក្រោយពីចាញ់ក្នុងលទ្ធផល 3ទល់0 នៅជើងទី1 ។

រំលឹក​កាល​ពី​ជើង​ទី​មួយ​ហង្សក្រហម Liverpool បានលត់លត់ Manchester City យ៉ាងចាស់ដៃនៅលទ្ធផល 3-0 វគ្គ ៨ក្រុម​ចុងក្រោយ នៃការប្រកួតក្រប​ខណ្ឌ UEFA Champions League ​កាលពី​រាត្រី​ថ្ងៃ​ពុធ​ទី4 សប្ដាហ៍មុន ។

ពិតណាស់ទោះបីជាចាញ់ 3-0 នៅជើងទីមួយក៏ដោយ ក៏គ្រូបង្វឹកសញ្ចាតិអេស្ប៉ាញ​រូបនេះ នៅតែមានជំនឿថា Man City នៅតែអាចវាយបកយកឈ្នះពួកគេវិញ គាត់បន្តទៀតថា៖ «របៀបតែមួយគត់ដើម្បីលេងបាល់ទាត់បានល្អគឺគិតវិជ្ជមាន»។

«ដើម្បីឡើង អ្នកត្រូវលេងឱ្យល្អឥតខ្ចោះ បង្កើតឱកាសច្រើន និងរបូតឱកាសតិចតួច។ ឱកាសដែលយើងទទួល យើងត្រូវការពារឱ្យបានល្អ។ យើងមាន 90នាទីហើយអ្វីក៏អាចកើតឡើងដែរ។ អ្វីដែលយើងត្រូវធ្វើគឺព្យាយាម» ៕

ប្រភពពិ៖ bbc