លោក Pep Guardiola គ្រូបង្វឹករបស់ក្រុម Manchester City បានសន្យាថា ឡានក្រុងដឹកកីឡាកររបស់ក្រុមហង្សក្រហម Liverpool នឹងចូលមកដល់បរិវេនកីឡដ្ឋាន Etihad ដោយសុវត្ថិភាព។

photo of Pep Guardiola
Pep Guardiola គ្រូបង្វឹករបស់ក្រុម Manchester City

ពិតណាស់ ពីការប្រកួតជើងទី1 វគ្គ8ក្រុមចុងក្រោយ ពានរង្វាន់ Champions League គ្រាដែល Liverpool លទ់ម្ចាស់ផ្ទះ Manchester City 3-0 ពេលនោះប្រិយមិត្ដរបស់ក្រុមហង្សក្រហម បានយកវត្ថុរឹង និងរបស់ផ្សេងៗគប់ទៅលើឡានដឹកកីឡាកររបស់ក្រុម Man City ដែលធើ្វឲ្យកីឡាករ មន្រ្ដីបុគ្គលិកទាំងមូលមានអារម្មណ៍ភ័យខ្លាច ទោះក្រុមមន្រ្ដីប៉ូលីសព្យាយាមហាមឃាត់យ៉ាងណាក៏ដោយ។

photo of Manchester City
ឡានក្រុងរបស់ក្រុម Manchester City ពេលចូលមកដល់ទឹកដី Anfield

គ្រូបង្វឹកសញ្ចាតិអេស្ប៉ាញរូបនេះបានអះអាងថា៖ «នឹង​មិន​មាន​ការ​សងសឹក ចំពោះ​រឿង​អ្នក​គាំទ្រ Liverpool គប់​រថយន្ត​ក្រុម​របស់ពួកគេនៅ  Anfield កាល​ពី​សប្ដាហ៍​មុន​ទេ។ វា​នឹង​មិនមាន​រឿង​អ្វី​កើត​ឡើង​ទេ មិន​បាច់​សួរ​ខ្ញុំ​ទេ។ ចាប់​តាំង​ពី​ខ្ញុំ​មក​ទី​នេះ វា​មិនដែល​មាន​រឿង​បែប​នេះ​កើត​ឡើង​​នៅ​ Etihad ទេ។ គូ​ប្រកួត​មក​ដល់​ទី​នេះ តែងតែ​មានសុវត្ថិភាពជានិច្ច»៕

photo of Liverpool
Pep សន្យាថានឹងធានា​សុវត្ថិភាព ពេលឡានក្រុង Liverpool មកដល់ទឹកដី Etihad

ប្រភពពី៖ Thesun