​ក្រុម PSG ​បាន​បញ្ជាក់​ច្បាស់​ថា​ខ្សែ​ប្រយុទ្ធ Kylian Mbappe ​ពិត​ជា​ចង់​ចាកចេញ​មែន ហើយ​ពួកគេ​ក៏​មិន​ហាម​ឃាត់​អ្វី​ដែរ ​ឱ្យ​ក្រុម​តែ Real Madrid ​ត្រូវ​បង់​ផ្ដាច់​កុងត្រា​១​ឆ្នាំ​សិន។

Kylian Mbappe
Kylian Mbappe

​ដោយ​តម្លៃ​ផ្ដាច់​កុងត្រា​១​ឆ្នាំ​នៅ​សល់ ​ត្រូវ​បាន​ក្រុម PSG ​ទាមទារ​រហូត​ដល់​២២០​លាន​អឺរ៉ូ​ឯ​ណោះ។ ខណៈ​ដែល​សំណើរ​របស់​ក្រុម Real Madrid ​ផ្ដល់​ឱ្យ​តែ​១៥០​លាន​អឺរ៉ូ​ប៉ុណ្ណោះ។ ​ការ​ទាមទារ​ខ្ពស់​របស់​ក្រុម​អ្នក​មាន​បារាំង​នេះ ក៏​ព្រោះ​តែ​ពួកគេ​មើល​ឃើញ​ថា Mbappe ​ទិញ​ចូល​មក​ពី​ក្រុម Monaco ​ក៏​ថ្លៃ​ជិត​២០០​លាន​អឺរ៉ូ​ទៅ​ហើយ ដូច្នេះ​បណ្ដុះបណ្ដាល​គេ​ជា​ច្រើន​ឆ្នាំ​មក​នេះ ក៏​មិន​អាច​ខាត​ដើម​ដែរ។

មួយ​វិញ​ទៀត​តម្លៃ​២២០​លាន​អឺរ៉ូ​នេះ គឺ​ទាប​ជាង​តម្លៃ​ផ្ទេរ​របស់ Neymar ​កន្លង​ទៅ​ទេ។ ដោយ​កាល​នោះ PSG ​ចំណាយ​ដល់​២២២​លាន​អឺរ៉ូ​ទើប​អាច​យក Neymar ​ពី​ក្រុម Barcelona ​បាន។ តែ​យ៉ាង​ណា ​យុទ្ធសាស្ត្រ​របស់​លោក Perez ​ប្រធាន​ក្លឹប Real Madrid ​ទំនង​ជា​មិន​ចង់​ចាយ​ច្រើន​បែប​នវ​លើ​កីឡាករ​ម្នាក់​ទេ។ ​ពួកគេ​អាច​នឹង​រង់ចាំ​ដល់​ឆ្នាំ​ក្រោយ ដើម្បី​អស់​កុងត្រា​យក Free Free ​តែ​ម្ដង ព្រោះ​ខុស​ត្រូវ​គ្នា​តែ​១​ឆ្នាំ​ប៉ុណ្ណោះ៕