អ្នក​ចាត់​ការ Ralf Rangnick បាន​បញ្ជាក់​ថា កីឡាករ​ Manchester United មិន​បាន​​បោះ​កន្សែង​ស​សុំ​ចុះ​ចាញ់​ Manchester City នោះ​ទេ ប៉ុន្តែ​ដោយ​សារ​គម្លាត​រវាង​ក្រុម​ទាំង​ពីរ​ឆ្ងាយ​គ្នា​ខ្លាំង​ពេក។

Ralf Rangnick
Ralf Rangnick

Kevin De Bruyne និង Riyad Mahrez ជា​អ្នក​​នាំ​ជ័យជម្នះ​ឲ្យ Man City ក្នងលិទ្ធផល ៤ ទល់នឹង ១ លើ Man United ក្នុង​កីឡដ្ឋាន Etihad។ ក្រោយ​​ការ​ប្រកួត​ឈាន​ចូល​វគ្គ​ទី​ពីរ គេ​មើល​ឃើញ​ថា City ពាន​គ្រប​ដណ្ដប់​សាច់​បាល់​​លើ​បិសាច​ក្រហម​ជា​ខ្លាំង។ ចំណុច​អវិជ្ជមាន​មួយ​នេះ​ហើយ​បាន​ធ្វើ​ឲ្យ Roy Keane និង Neville ខឹង​សម្បារ​ជា​ខ្លាំង។

ស្ថិត​ក្នុង​ការ​ប្រកួត​​បាន​បង្ហាញ​ Man United ប៉ះ​បាន​តែ​ ១៦​បាល់​ប៉ុណ្ណោះ​នៅ​១០​នាទីចុងក្រោយ​នៃ​ការ​ប្រកួត ខណៈ City ​ធ្វើ​បាន​កំណត់ត្រា​ ១២០​ប៉ះ។ ត្បិត​តែ​បរាជ័យ និង​រង​ការ​រិះគន់​បែប​នេះ​ក្ដី តែ​លោក Rangnick មិន​បាន​បន្ទោស​កូន​ក្រុម និង​​បញ្ជាក់​ហេតុផល​អំពី​ការ​ប្រកួត​នេះ។

Ralf Rangnick  និយាយថា ៖“និយាយ​ស្មោះត្រង់​ទៅ ខ្ញុំ​មិន​ចាប់​អារម្មណ៍​ដែល​គេ​ថា ពួក​គេ(កីឡាករ Man United) មិន​ប្រឹង​លេង។ ប៉ុន្តែ​​វា​គឺ​ពិត​​​ជា​ពិបាក​ក្នុង​ការ​លេង​ជាមួយ​ក្រុម​ដូច​ Man City។ ពេល​ដែល​​លទ្ធផល​ក្នុង​កំពុង​ចាញ់ ៣ ទល់នឹង ១ ទល់​នឹង​​ក្រុម​ដែល​​មាន​ការ​គ្រប់គ្រង​បាល់​ល្អ​ជាង​គេ​លើ​លោក វា​​ពិត​ជា​ពិបាក។ ក្រោយ​២៨​ប្រកួត ក្រុម​ទាំង​ពីរ​មាន​គម្លាត​ឆ្ងាយ​គ្នាណាស់​លើ​តារាង​ពិន្ទុ (ខុស​គ្នា​២២​ពិន្ទុ)”៕