Real Madrid ត្រៀមចាយទឹកប្រាក់៩០ លានផោននាំយក Rashford និង Eriksen
21 Nov 2018 - 15:48:08 SHARE
យោងគេហទំព័រ SunSport បានចុះផ្សាយថាៈក្រុមយក្ស Real Madrid របស់អេស្ប៉ាញបានសម្លឹងឃើញទម្រង់លេងល្អរបស់ខ្សែប្រយុទ្ធ Manchester United បន្ទាប់ពីជួយអោយអង់គ្លេសផ្តួលក្រុមជើងឯករង World Cup ២០១៨ ក្រូអាត ២-១ កាលពីថ្ងៃអាទិត្យនិងសម្លឹងឃើញថារូបគេជាបេក្ខភាពអាចជំនួស Cristiano Ronaldo ដែលផ្ទេរទៅ Juventus ទៅហើយនោះបាន ខណៈដែលសព្វថ្ងៃនេះលោក Solari មិនសូវពេញចិត្ត និងបង្ហាញភាពអត់ធ្មត់ជាមួយនិងទម្រង់លេងរបស់ Gareth Bale ព្រមទាំង Benzema ផងនោះ។
គ្រូបង្វឹក Real Madrid ថ្មីលោក Solari គឺជាអ្នកគាំទ្រនិងពេញចិត្តខ្សែប្រយុទ្ធ Rashford ត្រៀមរៀបចំសំណើរជាទឹកប្រាក់ ចំនួន ៥០លានផោនដើម្បីដេញថ្លៃយករូបគេនៅខែមករា ២០១៩ ខាងមុខ ស្របពេលដែលលោក Jose Mourinho អ្នកចាត់ការទូទៅរបស់ Man United មិនសូវបានដាក់ Rashford មានវ័យ ២១ឆ្នាំរូបនេះបង្ហាញទម្រង់លេងបានជាប់លាប់នោះទេហើយរដូវកាលថ្មីនេះ Rashford បង្ហាញទម្រង់លេងបានតែ ៥ប្រកួតប្រកួតប៉ុណ្ណោះ។
ម្យ៉ាងវិញទៀតក្រុមម្ចាស់ជើងឯក Champions League ក៏ចង់បានខ្សែបម្រើដាណឺម៉ាក Cristian Eriksen របស់ Spurs ផងដែរដើម្បីស្នងតំណែងខ្សែបម្រើចាស់វស្សា Luka Modric ដែលអាចនិងចាកចេញពីក្រុមនៅខែមករាខាងមុខផងដែរ។ក្រុម Real Madrid ក៏គ្រោងនឹងដេញថ្លៃនៅទឹកប្រាក់ ៤០លានផោនសម្រាប់ Eriksen ខណរូបគេមានកិច្ចសន្យានៅត្រឹមតែ ១៨ខែទៀតប៉ុណ្ណោះជាមួយក្រុម Spurs ក្រោយផ្ទេរពីក្រុម Ajax មកកាលពីឆ្នាំ២០១៣ ក្នុងតម្លៃ ១១,៥លានផោន។
ក្រុម Tottenham បច្ចុប្បន្នបាននិងកំពុងតែត្រៀមផ្តល់កិច្ចសន្យាថ្មីដើម្បីរក្សាទុកកីឡាករឆ្នើមមួយចំនួនមានដូចជាខ្សែបម្រើដៃគូបស់ Eriksen គឺ Dele Alli ផងដែរដោយទទួលបានប្រាក់ឈ្នួលពលកម្ម ១៥0.000ឮផោនក្នុងមួយសប្តាហ៍ ប៉ុន្តែកិច្ចពិភាក្សាលើកិច្ចព្រមព្រៀងថ្មីរបស់គាត់កំពុងដំណើរការនៅឡើយ។
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
ហេតុផលសំខាន់មួយដែល Rakitic មិនផ្លាស់ទៅ Man Utd នៅខែមករាខាងមុខ
កីឡាករ Ivan Rakitic នឹងមិនផ្លាស់ទៅចូលរួមនៅទ្រនំនៃក្លឹបបិសាចក្រហម Manchester United នាខែមករា ឆ្នាំ ២០២០ ខាងមុខនេះឡើយ ពោលគឺដោយសារសម្ពាធពីការហាមឃាត់របស់គ្រួសារដែលមិនព្រមឲ្យកីឡាករក្រូអាតទៅរស់នៅក្នុងប្រទេសអង់គ្លេស។ ខ្សែបម្រើក្លឹប Barcelona នារដូវកាល ២០១៩/២០ បានបាត់បង់ឱកាសលេងច្រើន ជាសញ្ញាអវិជ្ជមានដែលធ្វើឲ្យមានការជឿជាក់ថាការឈរជើងរបស់គេនៅ Camp Nou គឺមិននឹងននោះឡើយ។ លោក Valverde បានផ្តល់ឱកាសដល់ចំណូលថ្មី Melo, de Jong និងជើងចាស់ Busquets ច្រើនជាង។ ជាលទ្ធផលបិសាចក្រហមទំនងមិនអាចនាំយក Rakitic មក Old Trafford បាននោះទេ នាទីផ្សារដោះដូររដូវរងា ព្រោះដោយសារកត្តាគ្រួសាររបស់សាមីខ្លួនដែលបានធ្វើការហាមឃាត់។ បែបណាមិញជម្រើសក្នុងដៃដែលនៅសេសសល់កីឡាករវ័យ ៣១ ឆ្នាំនៅសល់ទ្រនំ PSG (បារាំង), Inter Milan និង Juventus (អ៊ីតាលី) ផ្សេងទៀត៕
19 Oct 2019
Other News
លោក Mauricio Pochettino ច្រានចោលការពិភាក្សារុះរើក្រុម Spurs នៅខែមករា
ក្រុម Tottenham Hotspur នឹងប្រឆាំងនឹងការជំរុញឲ្យមានការរុះរើក្រុមរបស់ពួកគេទាំងស្រុង ក្នុងពេលបើកទីផ្សារដោះដូរកីឡាករនៅខែមករា ដោយសារតែពួកគេ មានគុណភាណរួចជាស្រេចក្នុងការជម្នះលើការធ្លាក់ចុះទម្រង់លេងក្នុងក្របខ័ណ្ឌ Premier League។ នេះបើយោងទៅតាមការបញ្ជាក់របស់លោកគ្រូបង្វឹក Mauricio Pochettino កាលពីថ្ងៃព្រហស្បតិ៍។ ក្រុម Tottenham Hotspur ដែលបានបញ្ចប់ក្នុងចំណាត់ថ្នាក់លេខ៤ កាលពីរដូវកាលមុន បានរងបរាជ័យចំនួន ៣លើកក្នុងចំណោមការប្រកួតចំនួន ៨លើករប់សពួកគេ មកទល់ពេលនេះ ដើម្បីឈរក្នុងចំណាត់ថ្នាក់លេខ៩ នៅលើតារាង ដោយមាន១១ពិន្ទុ។ លទ្ធផលនេះ នាំឲ្យអ្នកគាំទ្រជាច្រើនអំពាវនាវឲ្យមានការពង្រឹងក្រុម ដើម្បីបញ្ឈប់ការធ្លាក់ចុះទម្រង់លេង ប៉ុន្តែលោក Pochettino បានច្រានចោលការពិភាក្សាទៅលើការរុះរើក្រុម។ នៅមុនពេលការប្រកួតនៅលើទឹកដីខ្លួនឯងជាមួយនឹងក្រុម Watford នៅថ្ងៃសៅរ៍ លោក Pochettino បានប្រាប់សន្និសីទសារព័ត៌មានថា៖ «ខ្ញុំជឿជាក់ទៅលើកីឡាករដែលយើងមាន ខ្ញុំជឿជាក់លើកីឡាករដែលស្ថិតក្នុងក្រុម Tottenham Hotspur នៅថ្ងៃនេះ»។ លោកបានបន្ថែមទៀតថា៖ «ខ្ញុំគោរពរាល់ការផ្តល់ជាមតិយោបល់ផ្សេងៗ ហើយពិតណាស់ មានមនុស្សជាច្រើននិយាយថា យើងត្រូវតែផ្លាស់ប្តូរ បើមិនអ៊ីចឹងទេ យើងត្រូវតែធ្វើអ្វីមួយ។ ប៉ុន្តែ ប្រសិនបើខ្ញុំត្រូវសម្រេចចិត្ត ខ្ញុំនឹងរក្សាការជឿជាក់ជាមួយនឹងកីឡាកររបស់ខ្ញុំ»៕
19 Oct 2019
Other News
La Liga ស្នើទៅកាន់សហព័ន្ធបាល់ទាត់អេស្ប៉ាញឱ្យ Atletico និង Villarreal ប្រកួតគ្នានៅអាមេរិក
La Liga បានស្នើសុំក្ដីអនុញ្ញាតពីសហព័ន្ធកីឡាបាល់ទាត់អេស្ប៉ាញ (RFEF) ដើម្បីសុំក្ដីអនុញ្ញាតរៀបចំការប្រកួតរវាង Atletico Madrid និង Villarreal នៅខែធ្នូខាងមុខនេះ ទៅធ្វើនៅ Miami សហរដ្ឋអាមេរិក។ ក្លិបទាំង២បានយល់ព្រមតាមសំណើរបស់ La Liga ដើម្បីប្រកួតនៅកីឡដ្ឋាន Hard Rock នៅ Miami នាថ្ងៃទី៦ខែធ្នូឆ្នាំ២០១៩។ សូមរំឭកថា រដូវកាលមុន La Liga បានបរាជ័យម្ដងហើយក្នុងការព្យាយាមយកការប្រកួតរវាង Barcelona និង Girona ទៅធ្វើនៅ Miami ក្នុងខែមករាឆ្នាំ២០១៩ ដោយកាលណោះសហព័ន្ធកីឡាបាល់ទាត់អេស្ប៉ាញនិងសហជីពកីឡាករ (AFE) ជំទាស់នឹងផែនការនោះ ទោះបីជាសាមីក្លិប Barcelona និង Girona យល់ព្រមហើយក៏ដោយ។ La Liga បានប្ដឹងតុលាការស៊ីវិលអំពីរឿងនេះដើម្បីជំរុញឱ្យសហព័ន្ធកីឡាបាល់ទាត់អេស្ប៉ាញយល់ព្រម ប៉ុន្តែ La Liga បានចាញ់ក្ដី។ គួរដឹងផងដែរថា ការលើកការប្រកួតមួយទៅធ្វើនៅក្រៅប្រទេស ក្រៅតែពីត្រូវការការអនុញ្ញាតពីសហព័ន្ធកីឡាបាល់ទាត់ក្នុងប្រទេសនោះហើយ នៅត្រូវការការអនុញ្ញាតពីសហព័ន្ធទ្វីបនោះ (UEFA), ពីសហព័ន្ធប្រទេសដែលពួកគេចង់យកការប្រកួតទៅដាក់ (អាមេរិក)
19 Oct 2019
Other News
ខ្សែបម្រើ-ស្លាប Gareth Bale និងអវត្តមានការប្រកួតជាមួយ Mallorca នៅចុងសប្តាហ៏នេះ
ខ្សែបម្រើ-ស្លាប Gareth Bale របស់ ក្លិប Real Madrid នឹងខកខានបង្ហាញខ្លួនអោយក្រុមអធិរាជសចុងសប្តាហ៍នេះជាមួយក្រុម Mallorca ក្នុងការប្រកួតនៅក្របខណ្ឌ La Liga ហើយអាចនិងបន្តការខកខានចូលលេងនៅការប្រកួតពានរង្វាន់ទ្វីបអឺរ៉ុប Champions League ទល់នឹង Galatasaray ដោយយោងប្រភពពី EFE បានដកស្រង់ចេញពីគេហទំព័រផ្លូវការណ៏របស់ក្រុម។ Bale បានវិលត្រឡប់ទៅកាន់ទីក្រុងម៉ាឌ្រីដវិញបន្ទាប់ពីបំពេញភារកិច្ចវេលស៍កាលពីដើមសប្តាហ៍នេះហើយបានឆ្លងកាត់ការធ្វើតេស្តក្រោយរងរបួសកំភួនជើងបន្ទាប់ពីបញ្ចប់ការប្រកួតស្មើ ១-១ ជាមួយប្រទេសក្រូអាតកាលពីថ្ងៃអាទិត្យ។ យ៉ាងណាមិញអតីតកីឡាករក្រុម Tottenham រូបនេះមិនអាចហ្វឹកហាត់ជាមួយមិត្តរួមក្រុមបានទេ។ ក្រុមរបស់គ្រូបង្វឹកបារាំង Zinedine Zidane បានចាញ់មួយនិងស្មើមួយប្រកួត ក្នុងចំណោមពីរប្រកួតដំបូងនៅ លីកកំពូលអឺរ៉ុបដូច្នេះចាំបាច់ក្រុមត្រូវផ្តួលជើងខ្លាំងតួគី Galatasaray ដើម្បីមានឪកាសឈានទៅជុំបន្ទាប់។
19 Oct 2019
Other News
វីរបុរសអាល្លឺម៉ង់ Klose និយាយថា Lewandowski ល្អជាងខ្លួន១០ដង
កីឡាករទាំងពីររូបនេះរកបានគ្រាប់បាល់សរុបច្រើនជាង២០០គ្រាប់ដូចគ្នាក្នុងអាជីពដ៏ជោគជ័យ ប៉ុន្តែវីរបុរសអាល្លឺម៉ង់ Miroslav Klose បានសរសើរប្រធានក្រុមប៉ូឡូញនិងជាខ្សែប្រយុទ្ធ Bayern Munich បច្ចុប្បន្ន Robert Lewandowski ថាជាកីឡាករដែលល្អជាងលោកដល់ទៅ១០ដង។ លោក Klose ដែលជាពូជពង្សអាល្លឺម៉ង់តែកើតនៅប៉ូឡូញ រកបាន១២១គ្រាប់ក្នុងការលេងសរុប៣០៧ប្រកួតក្នុងក្របខ័ណ្ឌ Bundesliga សម្រាប់ Kaiserslautern, Werder Bremen និង Bayern Munich ពីឆ្នាំ១៩៩៩ដល់២០១១ មុនទៅចូលរួម Lazio ដល់ចូលនិវត្តន៍ក្នុងឆ្នាំ២០១៦ ខណៈ Lewandowski រកបាន២១៣គ្រាប់ពី២៩៧ប្រកួតមកទល់ពេលនេះ តែខណៈគេកំពុងប្រកបអាជីពនិងនៅល្អនៅឡើយ ច្បាស់ណាស់ថាតួលេខគ្រាប់បាល់របស់គេនឹងកើនឡើងថែមទៀត។ បើសរុបគ្រប់ពានសម្រាប់ក្លិប Lewandowski រកបានសរុប៣០៩គ្រាប់រួចទៅហើយតាំងពីលេងឱ្យ Dortmund រហូតដល់ Bayern ក្រោយផ្លាស់ពីក្លិបប៉ូឡូញ Lech Poznan មកអាល្លឺម៉ង់ក្នុងឆ្នាំ២០១០មក។ ថ្វីបើតួលេខគ្រាប់បាល់ក្លិប Klose រកបានតិចជាង Lewandowski តែនៅក្រុមជម្រើសជាតិវិញ Klose ល្បីល្បាញខ្លាំង ហើយលោកគឺជាម្ចាស់ឯតទគ្គកម្មរកបានគ្រាប់បាល់ច្រើនបំផុតក្នុងជុំផ្ដាច់ព្រ័ត្រ World Cup ដោយរកបាន១៦គ្រាប់ពីការបង្ហាញខ្លួន៤ព្រឹត្តិការណ៍។ លោករកបានសរុប៧១គ្រាប់ពីការលេង១៣៧លើកសម្រាប់អាល្លឺម៉ង់ពីឆ្នាំ២០០១ដល់២០១៤ និងបានឈ្នះពាន
19 Oct 2019
Other News
ការប្រកួតរវាង Barcelona និង Real Madrid នៃជំនួប El Clasico ត្រូវលើកពេលទៅប្រកួតនៅខែធ្
សហព័ន្ធកីឡាបាល់ទាត់អេស្ប៉ាញ RFEF បានចេញសេចក្តីថ្លែងការណ៍ពីការពន្យារពេលជំនួប El Clasico រវាងក្រុម FC Barcelona និង Real Madrid ពីថ្ងៃទី២៦ ខែតុលា អាចធ្វើនៅថ្ងៃទី១៨ ខែធ្នូ ឆ្នាំ២០១៩ វិញ ដោយសារបញ្ហាសន្និសុខនាពេលបច្ចុប្បន្ននៅតំបន់ Catalan។ ក្នុងសេចក្តីថ្លែងការណ៍បានបញ្ជាក់ថា “ការសម្រេចពន្យារពេលនេះ គឺដើម្បីរក្សាបានសុខសុវត្ថិភាពរវាង អ្នកគាំទ្រ និងកីឡាករនៃក្រុមទាំងពីរ គ្រាដែលតំបន់ Catalan ដែលជាទឹកដីរបស់ Barcelona កំពុងជួបបញ្ហា បាតុកម្មកើតឡើង ក្រោយពេលតុលាការអេស្ប៉ាញកាត់ទោសមេដឹកនាំនៅតំបន់ខាងនេះដល់ទៅ៩នាក់ ជាប់គុកចាប់ពី៩ ទៅ១៣ឆ្នាំ”។ សហព័ន្ធបាល់ទាត់អេស្ប៉ាញ ក៏សង្ឃឹមថា នឹងទទួលបានការឯកភាពពីថ្នាក់ដឹកនាំក្លឹប Barcelona និង Real Madrid ផងដែរនៅថ្ងៃចន្ទសប្តាហ៍ក្រោយ សម្រាប់កាលបរិច្ឆេទថ្ងៃទី១៨ ខែធ្នូ ឆ្នាំ២០១៩ ដែលត្រូវនឹងថ្ងៃពុធ ពាក់កណ្តាលសប្តាហ៍។ គួរបញ្ជាក់ផងដែរថា El Clasico គឺជាជំនួបរវាង FC Barcelona ទល់នឹង Real Madrid
19 Oct 2019
