photo of Cristiano Ronaldo
Ronaldo កំពុងស្ថិតក្នុងការចរចាររវាង Real Madrid ជាមួយ Juventus

ក្លឹប Real Madrid ពិត​ជា​មិន​បាន​ច្រាន​ចោល​នោះ​ទេ​ចំពោះ​​សំណើ​ទិញ​​តម្លៃ​៨៨​លានផោន​ ឬ​១០០​លាន​អឺរ៉ូ​របស់​ Juventus សម្រាប់​ Cristiano Ronaldo។

បើតាមការចុះផ្សាយរបស់ The Mirror បានឲ្យដឹងថា Cristiano Ronaldo កំពុងស្ថិតក្នុងការចារចារជាមួយក្រុមសេហបង្កង់ Juventus ទាក់ទងទៅនឹងការ​ចាកចេញពី Real Madrid នៅរដូវកាលក្រោយនេះ។ ក្នុងនោះដែរ ខ្សែប្រយុទ្ធវ័យ​៣៣ឆ្នាំរូបនេះ នឹងទទួលបានតម្លៃពលកម្មដល់ទៅ ២៦,៥លានផោន ក្នុងមួយឆ្នាំ ប្រសិនបើយល់ព្រមទៅកាន់អ៊ីតាលីមែននោះ។ យ៉ាងណាវិញ សម្រាប់ Ronaldo មិនទាន់ប្រាកដពីអនាគត់របស់គេនៅឡើយទេ​ ម្យ៉ាងមិនខ្វះក្លិបធំៗឡើយ ដែលចង់បានកីឡាករកំពូលស៊ុតរូបនេះ ជាក់ដូចជាក្រុម Paris Saint Germain និងអតីតក្លិបចាស់ Manchester United ជាដើមសុទ្ធសឹងតាមប្រមាញ់ដូចគ្នា។ ក៍ប៉ុន្តែ Juventus វិញ ក៍មិនមែនជាក្លិបមួយអន់ដែរ ពួកគេជាក្រុមខ្លាំងមួយ​ទាំងក្នុងស្រុក និងក្រៅស្រុក ដែលសាកសមបំផុតសម្រាប់ធ្វើជាទ្រនុំថ្មី របស់ Ronaldo ។

photo of Cristiano Ronaldo
Cristiano Ronaldo

Ronaldo ទើប​តែ​ឈ្នះ​ពាន Champions League លើក​ទី​៥​ជាមួយ​ Real កាល​ពី​ខែ​ឧសភា ហើយ​ចាប់​តាំង​ពី​ពេល​នោះ​មក​ Zinedine Zidane ដែល​ជា​បុគ្គល​មាន​ជំនឿ​មុតមាំ​លើ​រូប​គេ​ក៏​បាន​ដើរ​ចេញ​ ជំនួស​ដោយ​អតីត​គ្រូ​អេស្ប៉ាញ​ Julen Lopetegui។

បើ​សិន​ជា​ការ​ព្រមព្រៀង​កើត​ឡើង​មែន​ តម្លៃ​ខ្លួន​កីឡាករ​ឆ្នើម​ព័រទុយហ្គាល់​នឹង​បំបែក​កំណត់ត្រា​ទិញ​ថ្លៃ​បំផុត​របស់​ Juventus ដែល​ធ្លាប់​ចាយ​លើ​ Gonzalo Higuain ក្នុង​ឆ្នាំ​២០១៦​ ចំនួន​ ៧៩​លាន​ផោន​ (៩០​លាន​អឺរ៉ូ)៕

photo of Cristiano Ronaldo
Cristiano Ronaldo

ប្រភព៖ The Mirror