ជាការពិតណាស់ ក្រុមបិសាចក្រហម Manchester United រក៣ពិន្ទុប​ន្ថែម បន្ទាប់ពីបានយកឈ្នះលើក្រុម Norwich City ក្នុងលទ្ធផល ១ ទល់នឹង ០ នៅក្នុងការប្រកួតក្របខណ្ឌ Premier League កាលពីយប់មិញនេះ។

Cristiano Ronaldo
Cristiano Ronaldo

គ្រាប់បាល់ជ័យជម្នះរបស់ក្រុមបិសាចក្រហម គឺរកបានដោយ Ronaldo តាមរយៈការស៊ុតបាល់ពិន័យ១១ម៉ែត្រ នៅនាទី៧៥ បន្ទាប់ពីកីឡាករក្រុមភ្ញៀវ Norwich បានបង្កឲ្យមានកំហុសក្នុងប្រអប់គ្រោះថ្នាក់។

យ៉ាងណាមិញ ខ្សែប្រយុទ្ធសញ្ជាតិព័រទុយកាល់រូបនេះ ក៏បានបង្ហោះសារនៅលើគណនីបណ្ដាញសង្គម របស់ខ្លួនថា៖“មួយជំហានបន្ទាប់ទៀត នៅក្នុងទិសដៅត្រឹមត្រូវ។ យើងដឹងពីអ្វី ដែលយើងចង់បាន ហើយអ្វីដែលយើងត្រូវធ្វើ ដើម្បីទទួលបានវា។ វាអាស្រ័យលើយើង។ ធ្វើបានល្អប្អូនៗ ”៕